1 CHANRELNAK 21:17 - Lai (Hakha) Common Language Bible 2006

¹⁷ Cun David nih Pathian sinah. “Mi kha va rel hna u, tiah nawl petu cu keimah ka si lo mei? Sualnak a tuah i ṭhalo ngaiin a tuahtu cu keimah ka si. Sihmanhsehlaw hi tuu hna nih hin zeidah an tuah? Maw Bawipa, ka Pathian, na kut cu keimah le ka pa innchungkhar cungah si ko seh, rai cu na mi hna cungah tlung sawh hlah seh, tiah kan nawl,” tiah a ti.

1 CHANRELNAK 21:17 Խաչաձեւ Հղումներ

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

1JOHAN 3:16

Dawtnak hi zeidah a si ti kan hngalhning cu hitihin a si: Khrih nih kan caah a nunnak kha a hloh. Cucaah kannih zong nih kan unau hna caah kan nunnak cu kan hloh ve awk a si.

ROM 9:3

Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

SALM 74:1

Zeicahdah hitihin na kan hlawt, Maw Pathian? Na mi cungah hin zungzal in maw na thin a hun lai?

SALM 51:14

Maw Pathian, ka khamhtu, ka nunnak hi ka zuah ko sawh law, na dinnak hi lunglawm tein ka thanh lai.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

SALM 44:11

Tuu an thah hna bantukin an kan thah i ram dang ah na kan ṭhek dih.

1 CHANRELNAK 21:8

Cun David nih Pathian sinah cun, “Hi thil ka tuahmi ah hin fak piin ka sual cang. Sihmanhsehlaw hruhnak piin ka tuah cang caah na salpa ka ṭhat lonak hi ka hlohpiak ko sawh, tiah kan nawl,” tiah a ti.

1 SIANGPAHRANG 22:17

Cun anih nih a thawh i, “Israel mi vialte cu khaltu a ngei lomi tuu bantukin tlang cung i an i ṭhek dih kha ka hmuh; cun Bawipa nih, ‘Hi hna hi bawi an ngei lo, anmah le an inn cio ah dai tein kir hna seh,’ a ti,” tiah a ti.

2 SAMUEL 24:17

Cun mi a that lentu vancungmi kha a hmuh tikah David nih Bawipa sinah bia a chim i, “Zohhmanh, ka sual cang i ṭhalo ngaiin ka tuah cang; sihmanhsehlaw hi tuu hna nih hin zeidah an tuah? Na kut cu keimah le ka pa innchungkhar cungah si ko seh, tiah kan nawl,” tiah a ti.

2 SAMUEL 24:1

Israel mi hna cungah Bawipa thinhunnak cu a alh ṭhan i, “Va kal law, Israel mi le Judah mi vialte kha va rel hna,” tiin David kha an cung i hnahnawhnak tuah awkah a lungthin a thawhter.

2 SAMUEL 12:10

Cun nangmah nih na ka zawmhtaih i Hit mi Uriah nupi kha na nupi ah naa lak caah, cucaah vainam cu na inn in aa ṭhen bal lai lo,’ a ti.

2 SAMUEL 7:8

Cucaah atu cu ka sal David kha hi bangin na va chimh lai, ‘Hi bangin ralkapbu Bawipa nih a ti, nangmah cu ka mi Israel mi cungah bawi si awkah phong lak, tuu na zulhkhalh hnanak khan kan lak;

JOSHUA 22:18

cu i nannih i Bawipa sinin i i mer nan i timh? Nannih nih Bawipa cu nihin ah nan doh ahcun, Israel mibu dihlak cungah khan thaizing ah a thin a hung lai.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

GENESIS 44:33

Cucaah cun, bawipa, ngakchiapa ai ah hin keimah hi na sal ah hika ah hin ka um lai, anih tu hi a ule hna he kir hna seh.

JONAH 1:12

Cun annih cu a thawh hna i, “Ka tlai u law ka hlonh u law, rili cu a dai ko lai. Hi thlichia nih an cil hna hi keimah ruangah a si ti kha ka hngalh,” tiah a ti.