1 CHANRELNAK 21:13 - Lai (Hakha) Common Language Bible 2006

¹³ Cun David nih Gad cu a thawh i, “Harnak nganpi chungah ka um; Bawipa kut cungah cun tla ko ning, zeitintiah anih cu a zaangfahnak a ngan ngaingai; sihmanhsehlaw minung kut chungah cun tla sawh hlah ning,” tiah a ti.

1 CHANRELNAK 21:13 Խաչաձեւ Հղումներ

SALM 130:7

Bawipa cu a dawtnak kha a fek i mi tlanh kha a duh zungzalmi a si caah, Maw Israel, amah cu i bochan ko.

HEBRU 10:31

Pathian nung kut chung i tlak cu thil ṭihnung ngaingai a si!

FILIPI 1:23

Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a ṭha deuh suaumaumi a si;

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

JOHAN 12:27

Jesuh nih cun aa thawh i, “Atu hi ka lungre a thei — zeidah ka chim lai? ‘Ka Pa, hi caan hi ka cungah phakter hlah,’ ka ti lai maw? Ka ti lai lo, hi nganfahnak innak caan ton dingah hin pei ka rat cu.

ISAIAH 63:7

Bawipa dawtnak fek cu ka chim lai, kan ca i a tuahmi thil ruangah ka thangṭhat lai. Israel mi cu thluachuahnak tam piin a pek hna i cu a pek hna cu a zaangfah hna ca le a dawtnak a feh caah a si.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

ISAIAH 46:7

An liang ah an i khinh i an kalpi; cun a hmunte ah khan an chiah i cuka ah cun a dir; a dirnak hmun khan aa ṭhial kho lo. A sin i thla an cam tikah ahohmanh a let kho hna lo. harnak chung zongin a khamh kho hna lo.

PHUNGTHLÛKBIA 12:10

Miṭha nih cun an saṭil kha an zawn an ruah hna, sihmanhsehlaw miṭhalo cu an saṭil cungah cun an puar.

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

SALM 106:7

Izipt ram i a rak ummi kan pupa hna nih khan Pathian tuahmi thil khuaruahhar kha an hngalthiam lo, an cungah a dawtnak voi tampi a langhter kha an philh i Lianngan Bik cu Rili Sen ah khan an doh.

SALM 103:8

Bawipa cu zaangfahnak le dawtnak in a khat, a thin a fual i a fekmi dawtnak in a khat.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

SALM 69:16

Maw Bawipa, a fekmi na dawtnak ṭhatnak thawngin ka thlacamnak cu ka let law, zawnruahnak ngan na ngeihmi thawngin keimah leiah i mer ko.

SALM 69:13

Asinain kei cu na sinah thla ka cam ko lai, Maw Bawipa; a nganmi na dawtnak ruangah ka let law, kan khamh lai tiah na ka kammi ruangah ka let ko sawh, na duh tik caan ah nangmah nih ka let ko, Maw Pathian.

SALM 5:7

Sihmanhsehlaw kei cu na dawtnak a nganmi thawngin na inn chungah ka ra lut kho; a thiangmi na biakinn chungah nangmah kan bia kho i na hmaiah ka kun kho.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

ESTHER 4:11

“Siangpahrang sinum vialte hna le siangpahrang peng chung mi vialte hna nih nu siseh, pa siseh, ahohmanh kawh loin siangpahrang sinah chungchin tual chungah an luh ahcun, phung pakhat lawnglawng a um ti kha hngalh dih a si: cu phung cu siangpahrang nih a nun nakhnga a bawi fung kha a hlerpiak lo ahcun ahohmanh aa khatrep in thah awk an si ko. Cun atu hi ni sawm thum chung va luh awkah kawh ka si ti lo,” tiin Mordekai cu bia a cah.

2 CHANRELNAK 28:9

Sihmanhsehlaw khika ah khan Bawipa profet pakhat a rak um i a min cu Oded a si; Samaria i a kalmi ralkapbu ton awkah cun a chuak i annih cu a thawh hna i, “Bawipa, nan pupa hna Pathian cu Judah cungah a thin a hun caah annih cu nan kut chungah an pek hna, sihmanhsehlaw nannih nih van tiang a phanmi thinhunnak in nan thah hna.

2 SIANGPAHRANG 7:4

‘Khua chungah lut u sih,’ tiah khua chungah cun mangṭam a um i khika ah kan thi ko lai; cun hika i kan ṭhut ko zongah, kan thi ṭhiamṭhiam lai. Cucaah cun ra u law, Siria mi hna riahhmun ah khan va kal u sih; kan nunnak kha an kan zuah a si le kan nung lai, cun an kan thah a si le kan va thi ko lai ta,” tiah an ti.

2 SIANGPAHRANG 6:15

Pathian mipa sinum cu zingka in a thawh i a chuah tikah, zohhmanh, ralkapbu cu rang le rangleng he khua velchum cun an rak um. Cun sinum nih cun, “Aize, ka bawipa! Zeidah kan tuah lai?” tiah a ti.

HABAKKUK 3:2

Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

JONAH 3:9

Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

ṬAHNAK HLA 3:32

Fak piin dan a tat hna lai nain A dawtnak a tam rup in an cungah zaangfahnak a ngei lai;

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

SALM 119:156

sihmanhsehlaw Bawipa na zaangfahnak cu a ngan caah na biakhiahnak bantukin ka khamh ko.