1 CHANRELNAK 18:13 - Lai (Hakha) Common Language Bible 2006

¹³ Cun Edom ram chungah ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

1 CHANRELNAK 18:13 Խաչաձեւ Հղումներ

1 CHANRELNAK 18:6

Cun David nih Damaskas i Siria ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

GENESIS 27:37

Isak nih cun Esau cu a leh i, “Amah cu nangmah bawi ah ka ser cang i a rualchan vialte cu a sal ah ka ser cang hna. Rawl le mitsur zu kha ka pek cang. Na ca i ka tuah khawh ding zeidah a tang ti i, ka fapa?” a ti.

2 KORIN 11:32

Damaskas khua i ka um lioah Aretas siangpahrang kut tang i rian a ṭuanmi mangki bawi nih keimah tlaih awkah khua kulhnak vampang kutka kha a conghter hna.

SALM 144:10

Siangpahrang cu teinak kha na pek hna i na sal David cu na khamh.

SALM 121:7

Bawipa nih ṭihnak chungin an huhphenh lai i him tein an chiah lai.

2 SAMUEL 23:14

Cu lioah cun David cu ralhruang chungah a um i Filistin ralvengtu ralkapbu cu Bethlehem khua ah an rak um.

1 SAMUEL 14:1

Ni khat cu Saul fapa Jonathan nih khan a ralthuam a putu tlangvalpa sinah khan, “Ra law, khatte lei ral i Filistin mi ralvengtu ralkapbu sinah khin va kal tuah u sih,” tiah a ti. Sihmanhsehlaw a pa kha a chim lo.

1 SAMUEL 13:3

Jonathan nih Geba i a ummi Filistin ralveng ralkapbu cu a tei hna i mah cucu Filistin mi nih an theih. Cun Saul nih ram chung dihlak ah khan, “Hebru mi nih thei hna seh,” tiin muko a tum.

1 SAMUEL 10:5

Cu hnuah cun Filistin ralveng ralkapbu umnak Gibeath-elohim cu na va phan lai; cun cuka ah cun, khua chung i na va luh lioah khin tingtang le khuangte le thonglawi le ruakhuang he khuahrum bo in a rung ṭummi profet bu khat, a holh cukmak len komi, na ton hna lai.

NAMBAR 24:18

Israel vial cu ral ha ngaiin an um lioah, Edom cu pawnchuah a si lai, Seir, a ral hna zong cu, pawnchuah a si ve lai.

GENESIS 27:40

Na vainam in na nung lai i na nau sinum na si lai. Asinain na doh ve tikah Na hngawng i a hngawngkual cu na khiah lai,” a ti.

GENESIS 27:29

Miphun tampi cu na sal si hna seh law na hmaiah kun hna seh. Na rualchan hna cungah nang cu bawi si law Na nu tefa hna cu na hmaiah kun hna seh Chiat an serhmi cu chiatserh si ve hna seh, thluachuah an pemi cu thluachuah si ve hna seh,” a ti.

GENESIS 25:23

Bawipa nih cun a rak thawh i, “Na chungah hin miphun pahnih an um. Aa ralmi miphun phun hnih na hrin hna lai, pakhat cu a ṭhawng deuh lai i a upa deuh nih a ngakchia deuh kha a rianh lai,” a ti.

1 SIANGPAHRANG 11:15

Zeitintiah David kha Edom i a um lio i a ralkapbu haotu Joab kha thahmi hna vui awk i a hung kal tikah khan, Edom i pa vialte kha a thah dih hna,

1 CHANRELNAK 18:12

Cun Zeruiah fapa Abishai nih khan Cite Nelrawn ah Edom mi sang khat le thong riat a thah hna.

1 CHANRELNAK 18:14

Cucaah David nih Israel mi vialte cu a pen hna i a mi vialte cu biading le ruannak in a uk hna.

1 SAMUEL 18:14

Cun Bawipa kha amah sinah a um caah David cu a thil tuahmi vialte ah a hlawhtling.