1 CHANRELNAK 17:27 - Lai (Hakha) Common Language Bible 2006

²⁷ cucaah na sal innchungkhar hi nangmah hmaiah zungzal in a hmunh nakhnga, thluachuahnak pe ko sawh; zeitintiah maw Bawipa, nangmah nih thluachuah na pek cangmi cu zungzal in thluachuakmi a si ko,” tiah a ti.

1 CHANRELNAK 17:27 Խաչաձեւ Հղումներ

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

ROM 11:29

zeicahtiah Pathian nih cun a auhnak hna le laksawng a pekmi hna kongah a lung a let ṭhan bal lo.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

GENESIS 27:33

Isak cu a therh in a therh i, “Ahodah sa aa thah i a rak ka pemi kha a si kun? Na rat hlan deuhte ah khan pei ka rak ei cu. Amah cu ka thluachuah donghnak kha ka pek cang i cucaah amah ta a si zungzal ko lai,” a ti.

1 CHANRELNAK 17:26

Cun maw Bawipa, nangmah cu Pathian na si i hi thil ṭha cu na sal kha na ka kamh cang;

1 CHANRELNAK 18:1

Cun mah hnuah cun David nih Filistin mi kha a tei hna i a tangchiah hna i Filistin mi hna kut chung cun Gath le a khuate hna kha a lak hna.

1 CHANRELNAK 28:4

Asinain, Bawipa, Israel Pathian nih keimah cu ka pa innchungkhar vialte chung khan Israel cung i siangpahrang zungzal in si awkah a ka thim; zeitintiah Judah kha hruaitu ah a thim i Judah innchungkhar chungah ka pa innchungkhar kha a thim i ka pa fapa hna lakah keimah cu Israel mi vialte cung i siangpahrang ah ser awkah ka chungah lawmhnak a ngei.

SALM 21:6

na thluachuahnak cu a hmuh zungzal hna i nangmah a sin i na um caah lawmhnak in a khat.

DEUTERONOMI 15:6

Zeitintiah bia an kam hna bangin Bawipa nan Pathian nih thluachuahnak an pek hna lai i miphun tampi kha nan cawih hna lai; sihmanhsehlaw nan cawi hna lai lo; miphun tampi kha nan uk hna lai, sihmanhsehlaw annih nih cun an in uk hna lai lo.

1 SIANGPAHRANG 2:33

Cuticun Joab lu cung le a tefa hna lu cungah zungzal in an thisen cu a kir ṭhan lai; sihmanhsehlaw David cung le a tefa hna cung le a innchungkhar cung le a bawi ṭhutdan cungah cun Bawipa sinin a rami daihnak cu zungzal in a um thluangthluan lai,” tiah a ti.

1 SIANGPAHRANG 2:45

Sihmanhsehlaw Solomon Siangpahrang cu thluachuah a hmu lai i Bawipa hmaiah zungzal in David bawi ṭhutdan cu fehter a si lai,” tiah a ti fawn rih.