1 CHANRELNAK 17:24 - Lai (Hakha) Common Language Bible 2006

²⁴ cun ‘Ralkapbu Bawipa, Israel Pathian cu Israel i Pathian a si,’ tiin na min cu zungzal in fehter a si lai i thangṭhat a si lai i na sal David innchungkhar cu na hmaiah fehter a si lai.

1 CHANRELNAK 17:24 Խաչաձեւ Հղումներ

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

HEBRU 11:16

Annih nih an ngaihmi ram cu, ram ṭha deuh vancung ram tu kha a si. Pathian nih an caah khua pakhat a timhpiak hna i cucaah annih nih Pathian cu, kan Pathian, tiin an kawh tikah, Pathian cu a ning a zak lo.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.

FILIPI 2:11

Pathian kan Pa sunparnak caah cun lei vialte nih Jesuh cu Bawipa a si, an ti lai.

JOHAN 17:1

Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.

JOHAN 12:28

Ka Pa, na min cu upatnak pe ko,” tiah a ti. Cun vancung in aw pakhat nih, “Upatnak cu ka pek cang i ka pek ko rih lai,” tiah a run chim.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

JEREMIAH 31:1

Khi tikah keimah cu Israel phun vialte hna Pathian ka si lai i annih cu ka mi an si lai, tiah Bawipa nih a ti.

SALM 90:17

Bawipa kan Pathian, kan cungah na thluachuahnak cu um seh law kan thil timi kip ah khua awng kan pemhter ko! Kan thil timi kip ah khua awng kan pemhter ko!

SALM 72:19

A sunglawimi a min cu zungzal in thangṭhat ko u, a sunparnak cu vawleicung dihlak ah khat seh. Amen, Amen.

SALM 21:13

Bawipa, na ṭhawnnak he ra tuah. na ṭhawnnak cu hla in kan thangṭhat lai.

2 CHANRELNAK 6:33

na umnak van khin rak theihpiak law, ramdangmi nih an in auhnak vialte ning in tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga, theihpiak ko hna.

1 CHANRELNAK 17:23

Cun atu cu maw Bawipa, na salpa kong le a innchungkhar kong i na rak chimmi kha zungzal ca in fehter ko law na rak chim bangkhan tuah ko;

1 CHANRELNAK 17:25

Zeitintiah nangmah nih maw ka Pathian, na sal cu innchungkhar pakhat kan sakpiak lai tiah ka sinah na phuan cang caah na sal nih hin nangmah hmaiah thla ka cam ngam.

JEREMIAH 38:17

Khi tikah Jeremiah nih Zedekiah cu, “Hi bangin Bawipa, Ralkapbu Pathian, Israel Pathian nih a ti: Babilon siangpahrang i a bawi hna sinah hin naa pek ahcun na nunnak cu zuah a si lai i hi khua hi mei in khangh a si lai lo, nangmah le na innchungkhar cu nan nung lai.