1 CHANRELNAK 16:42 - Lai (Hakha) Common Language Bible 2006

⁴² Heman le Jeduthun nih hlasaknak caah khan muko le sumsel an ngeih hna i hla thiang caah khan hlasaknak thilri an ngeih hna. Jeduthun fapa hna cu kutka cawngh kha an thiah hna.

1 CHANRELNAK 16:42 Խաչաձեւ Հղումներ

SALM 84:10

Na biakinn chungah ni khat um cu hmun dang i ni thong khat um nakin a ṭha deuh. Miṭhalo mi hna inn chung i um nakcun ka Pathian inn kutka hram dir hmanh ka duh deuh.

2 CHANRELNAK 7:6

Tlangbawi cu an umnak hmun cio ah khan Levi mi hna he hmaitonh in an dir. Levi mi hna cu Bawipa thangṭhatnak caah David nih a rak sermi aw dawh tumnak thilri hna he khan an dir i David nih an rian ah a rak thiah hna bang khan, “A fekmi a dawtnak cu zungzal in a hmun,” timi hla kha lawmhnak in an sa. Tlangbawi hna nih khan mi zapi an dir ah khan muko kha an tum hna.

1 CHANRELNAK 25:3

Jeduthun chung cun, Jeduthun fapa hna: Gedaliah, Zeri, Jeshaiah, Shimei, Hashabiah, le Mattithiah, paruk an si, an pa Jeduthun nih a hruai hna i Bawipa lawmhnak le thangṭhatnak ah tingtang he annih nih bia an chim.

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

1 CHANRELNAK 15:17

Cucaah Levi mi hna nih cun mah hna hi an thiah hna: Joel fapa Herman le a unau hna Berekhiah fapa Asaf le an unau hna Merari fapa hna lakin Kushaiah fapa Ethan;