1 CHANRELNAK 16:34 - Lai (Hakha) Common Language Bible 2006

³⁴ Bawipa cu lawm tuah u, zeitintiah amah cu a ṭha; Zeitintiah a fekmi a dawtnak cu zungzal in a hmun!

1 CHANRELNAK 16:34 Խաչաձեւ Հղումներ

SALM 106:1

Bawipa cu thangṭhat ko u! Bawipa sinah lawmhnak bia chim tuah u, zeicahtiah amah cu a ṭha, a dawtnak cu zungzal in a hmun.

EZRA 3:11

cun annih nih Bawipa cu an thangṭhat i an lawmh i, “Bawipa sin i lunglawmhnak chim hi a ṭha; Zeitintiah a fekmi a dawtnak cu Israel leiah zungzal in a hmun,” tiin an i sak tonh. Bawipa inn hram cu bunh a si caah mi vialte nih Bawipa cu an thangṭhat tikah fak piin an au.

2 CHANRELNAK 7:3

Israel fale vialte nih mei a rung ṭum le biakinn cung i Bawipa sunparnak kha an hmuh tikah, vawlei lei hoih in lung phahmi cungah khan an lu an i khun i Bawipa cu an biak i an lawmh i, “Zeitintiah amah cu a ṭha, A fekmi a dawtnak cu zungzal in a hmun,” tiah an ti.

SALM 107:1

Bawipa cu lawm tuah u, zeicahtiah amah cu a ṭha. a fekmi a dawtnak cu zungzal in a hmun.

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

SALM 118:1

Bawipa cu a ṭhat i a dawtnak cu zungzal in a hmunh caah lawm tuah u!

1 CHANRELNAK 16:33

Khi tikah ramlak thingkung vialte cu Bawipa hmaiah lawmhnak in hla an sa lai, Zeitintiah vawlei kha biaceih awkah amah cu a ra.

2 CHANRELNAK 20:21

Cun mizapi kha ruahnak a hal hna hnuah, puan thiang i aih in ralkapbu hmai i an kal pah ah: “Bawipa sinah lawmhnak bia chim tuah u, Zeitintiah a fekmi a dawtnak cu zungzal in a hmun,” tiin a titu ding, Bawipa sinah thangṭhatnak hla a satu ding le amah cu a hlorhtu ding kha a thiah hna.

SALM 100:5

Bawipa cu a ṭha; a fekmi a dawtnak cu zungzal in a hmun, zumhawktlak a sinak cu chan vialte tiangin a hmun.

SALM 105:1

Bawipa sinah lawmhnak bia chim u, a lianhngannak kha thanh u; cun a tuahmi thil kha miphun vialte chim hna u.

1 CHANRELNAK 16:41

An sinah cun Heman le Jeduthun le, Bawipa cu a fekmi a dawtnak kha zungzal in a hmunh caah a sinah lawmhnak bia chim awk ca i thimmi hna le fiang tein min chimmi a cheu hna kha an um,