1 CHANRELNAK 15:29 - Lai (Hakha) Common Language Bible 2006

²⁹ Cun Bawipa biakamnak kuang cu David khua i a rat lioah khan, Saul fanu Mikhal nih khan thlalangawng in a hei zoh i David Siangpahrang a lam len ko le aa nuamh len ko kha a hei hmuh i a lung chungin a nihsawh.

1 CHANRELNAK 15:29 Խաչաձեւ Հղումներ

2 SAMUEL 6:16

Bawipa kuang kha David khua chung i a luh lioah Saul fanu Mikhal nih khan thlalangawng in a hei zoh i Siangpahrang David cu Bawipa hmai i a laam le aa hlawh len ko kha a hei hmuh i a lung chungin a nihsawh.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.

2 KORIN 5:13

Mihrut cu kan si taktak ko maw? Kan si ahcun Pathian ruangah a si ko lai. Kan fim a si ahcun nanmah ca dingah a si.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

LAMKALTU 2:13

Sihmanhsehlaw midang nih cun an nihsawh hna i, “Hi hna hi zu an ri,” tiah an ti hna.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

JEREMIAH 30:19

Cuka i a ummi hna nih cun thangṭhatnak hla an sa lai i lunglawmhnak in an au lai. Ka karhter hna lai, an zor chuk lai lo; Upatnak ka pek hna lai, nautat an si ti lai lo.

JEREMIAH 3:16

Cun ram chungah cun nan hung karh i nan punzam tikah Mi nih Bawipa Biakamnak Kuang kong kha an chim ti lai lo, A ruah zong an ruat ti lai lo, a hngalh zong an hngal ti lai lo; A herh zong an herh ti lai lo i a dang zong an ser ti lai lo.

PHUNGCHIMTU 3:4

Ṭah caan a um, nih caan a um; ngaihchiat caan a um, lam caan a um;

SALM 150:4

Khuang le lam in thangṭhat u, tingtang le thonglawi in thangṭhat u!

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

SALM 30:11

Ka ngaihchiatnak cu lunglawmh lamnak ah na ka thlenpiak cang, ka mithi ngaihnak puan cu na ka lakpiak i lunglawmhnak puan kha na ka pek.

1 SAMUEL 25:44

Saul nih a fanu Mikhal, David nupi kha, Gallim khuami Laish fapa Palti kha a rak pek cang.

1 SAMUEL 4:3

Cun ralkap pawl cu an riahhmun ah an rat tikah, Israel upa hna nih cun, “Zeicahdah Bawipa nih nihin ah hin Filistin mi hna hmaiah a kan sunghter hnga? Bawipa cu kan sinah a rat i kan ral hna ṭhawnnak chungin a kan khamh nakhnga Bawipa biakamnak kuang kha Shiloh in hika ah hin ratpi u sih,” tiah an ti.

BIACEIHTU 20:27

Cun Israel mi nih Bawipa kha an hal i (khi caan lioah Pathian biakamnak kuang cu khika ah a um i

DEUTERONOMI 31:26

“Hi phungbia cauk hi la u law, Bawipa nan Pathian biakamnak kuang pawngah khan va chia tuah u, nanmah kong ah biahngaltu a si nakhnga.

NAMBAR 10:33

Cu bangin Bawipa tlang in ni thum kal ah an kal i Bawipa biakamnak kuang kha annih ca i, i dinhnak hmun kawl awkah annih hmaiah ni thum lamkal a rak kal chung.

EXODUS 15:20

Profetnu Miriam, Aaron far nih khan khuang aa lak i nu vialte nih khan a hnu in an zulh i khuang tum pah cun an laam.

1 CHANRELNAK 17:1

Cun David cu a inn ah khan a um i cu tikah, David nih cun profet Nathan cu a thawh i, “Zohhmanh, kei vial sidar thing inn chungah ka um i Bawipa biakamnak kuang tu cu puan thlam tangah a um,” tiah a ti.

JOSHUA 4:7

Khi tikah nannih nih Bawipa biakamnak kuang hmaiah Jordan tiva ti cu a cat; Jordan kha a tan tikah Jordan ti cu a cat, tiah nan chimh hna lai. Cucaah hi lung hna cu Israel mi caah zungzal hngalh camcinnak an si lai,” tiah a ti.

1 CHANRELNAK 15:28

Cuticun muko le saki le sumsel aw zulh cun Israel mi vialte nih au pah in Bawipa biakamnak kuang cu an hunpi i hla fak piin an sa i tingtang le thonglawi kha fak piin an tum hna.