1 CHANRELNAK 15:14 - Lai (Hakha) Common Language Bible 2006

¹⁴ Cucaah Bawipa, Israel Pathian kuang cu hun zawnh awkah tlangbawi hna le Levi mi hna cu an i thianh.

1 CHANRELNAK 15:14 Խաչաձեւ Հղումներ

2 CHANRELNAK 29:34

Sihmanhsehlaw tlangbawi cu an tlawm tuk caah khangh thawinak sa vialte cu a phaw an hawk cawk hna lo, cucaah tlangbawi dang hna nih an i thianh hlantiang, an unau Levi mi hna nih khan rian cu a dih tiang an bawmh hna — zeicahtiah Levi mi hna cu lungthin ah tlangbawi hna nih an i thianhnak nakkhan an ding deuh.

2 CHANRELNAK 29:15

An unaule kha an pumh hna i anmah kha an i thianh i Bawipa bia in siangpahrang nih nawl a pek hna bangin, Bawipa inn thianh awkah cun an lut.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

1 CHANRELNAK 15:12

annih cu, “Nannih cu Levi mi hna chung i pale innchungkhar hna lu cio nan si; nannih nih Bawipa Israel Pathian kuang kha, ka timhpiakmi hmun ah cun nan hunpi nakhnga nan unau le he i thianh tuah u.

1 CHANRELNAK 15:15

Cun Moses nih Bawipa bia ningin nawl a pek bangin, Pathian kuang cu Levi mi hna nih a lang hna khan an liang in an i zawn.

2 CHANRELNAK 5:11

Cun tlangbawi hna cu hmun thiang chung khan an hung chuah tikah (cuka i a ummi tlangbawi vialte hna cu an i thianh dih ko cang, an i ṭhenning kha cu ruah loin;

NEHEMIAH 12:30

Cun tlangbawi hna le Levi mi hna kha an i thianh i mi zapi hna le kutka hna le kulhnak vampang kha an thianh hna.