1 CHANRELNAK 13:6 - Lai (Hakha) Common Language Bible 2006

⁶ Cun David le Israel mi vialte cu Baalah ah khan an hung kal, cucu Judah ta a simi Kiriath-jearim kha a si; cherubim hna cungah a ṭhumi Bawipa min in kawhmi Pathian kuang va lak awkah khan a si.

1 CHANRELNAK 13:6 Խաչաձեւ Հղումներ

JOSHUA 15:9

cun ramri cu tlangpar cun Neftoah Ti a putnak tiang a vung kal i cuka cun Efron Tlang khua hna tiang a lan; cun ramri cu Baalah (cucu Kiriath-jearim) leiah aa kuai i

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

EXODUS 25:22

Cuka ah cun kan ton lai; Israel mi hna caah ka timi ka nawlbia vialte cu kuang chin cung le biakamnak kuang cung i a ummi cherubim pahnih hna karlak cun kan pek tawn lai.

1 SAMUEL 4:4

Cucaah Shiloh ah mi an hei thlah hna i cherubim karlak i a ummi ralkapbu Bawipa biakamnak kuang cu khika in an rak put; cun Eli fapa pahnih Hofni le Phinehas hna kha Pathian biakamnak kuang sinah cun an rak um.

JOSHUA 15:60

Kiriath-baal (cucu Kiriath-jearim), le Rabbah; khuapi pahnih, an khuate hna he.

ISAIAH 37:16

“Ralkapbu Bawipa, Pathian bawiṭhutdan cungah a ṭhu mi, nangmah lawnglawng hi Pathian na si i vawlei cung pennak vialte a uk dihtu na si. Nangmah nih van le vawlei kha na ser hna.

SALM 99:1

Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

1 SIANGPAHRANG 8:16

sihmanhsehlaw David cu ka mi hna cung i um awkah ka thim,’ tiin a kaa in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

NAMBAR 7:89

Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.

NAMBAR 6:27

“Cu bangin ka min cu Israel mi hna cungah an chiah lai i thluachuahnak ka pek hna lai,” tiah a ti.

EXODUS 23:21

Amah chimmi kha ngai u law a chimmi kha zul u. Amah cu keimah min in rian a ṭuanmi a si caah rak doh hlah u; cu bantuk palhnak cu an ngaithiam kho hna lai lo.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

JOSHUA 9:17

Cun Israel mi cu an i thawh i an khua cu a ni thumnak ni ah an va phanh hna. An khua hna cu Gibeon, Khefirah, Beeroth le Kiriath-jearim an si.

1 SAMUEL 6:21

Cucaah annih nih Kiriath-jearim khuami hna sinah khan lamkal an hei thlah hna i, “Bawipa kuang kha Filistin mi nih an rak put ṭhan cang. Rung u law, nanmah leiah hun i kalpi u,” an ti.