1 CHANRELNAK 12:40 - Lai (Hakha) Common Language Bible 2006

⁴⁰ Cun an innpa hna zong nih khan, Issakhar le Zebulun le Naftali ram hna tiang i a ummi hna nih khan, laa in le kalauk in le khacer in le cawtum in rawl le ei awk phun tling, theipi car hlum hna, mitsur car bor hna, mitsur hang, chiti, cawtum hna le tuu hna kha an rak phorh hna, zeicahtiah Israel ram chungah lawmhnak a um.

1 CHANRELNAK 12:40 Խաչաձեւ Հղումներ

1 SAMUEL 25:18

Khi tikah Abigail cu aa namhnawh i changreu hlum za hnih le mitsur hang cua hnih le chumh awk i can ciami tuu panga le vaireu rel nga le mitsur bor za khat le theipi hlum za hnih, aa lak hna i laa cungah a chuan hna.

2 SAMUEL 16:1

Cun David cu tlangpar kha tlawmte a hei lonh ah khin Mefibosheth sinum Ziba nih khan, kengdan aa danh i changreu tlang za hnih, mitsur car bor za khat, ṭhal thingthei za khat le mitsur hang cua khat a phormi laa pahnih he a rak don.

PHUNGTHLÛKBIA 29:2

Miding mi hna cu nawl ngeimi an si tikah mi cu an i lawm, Sihmanhsehlaw miṭhalo hna kha uktu an si tikah mi cu an hrum tawn.

PHUNGTHLÛKBIA 11:10

Miding hna huncho tikah khua cu aa lawm, miṭhalo hna an thih tikah lawmhnak au thawng a um.

2 SIANGPAHRANG 11:20

Cucaah rammi vialte cu an lung a lawm; cun Athaliah cu vainam in siangpahrang inn i an thah hnuah khan, khua cu a dai.

1 SIANGPAHRANG 1:40

Cun mi vialte nih khan an hun zulh i thonglawi kha an tum pah i an i lawm ngaingai, an thawngpang nih vawlei kha a tlerh dih.

1 CHANRELNAK 12:39

Annih cu David sinah khan ni thum an um i an ei i an ding, zeicahtiah an unau hna nih khan an rak timhtuahpiak hna.

1 CHANRELNAK 13:1

David nih a thong pawl haotu hna le a za pawl haotu hna le haotu paohpaoh kha lungthin cheuh awk a hal hna.

HOSEA 3:1

Bawipa nih a ka thawh i, “Bawipa keimah nih Israel mi hna cu pathian dang kha an bia hna nain le siasal pekchanhmi mitsur tlai car changreu thlum kha an duh nain ka dawt ṭhiamṭhiam ko hna bantukin, Va kal law midang nih an duhmi, va cung pa duh nu nu pakhat cu va daw tuah,” tiah a ti.

1 CHANRELNAK 29:22

cun cu ni ah cun Bawipa hmaiah lunglawm ngaiin an ei i an ding. Cun David fapa Solomon cu siangpahrang ah a voi hnihnak an ser ṭhan i amah cu Bawipa ca i bawi ah chiti an thuh i Zadok cu tlangbawi caah chiti an thuh.