1 CHANRELNAK 11:1 - Lai (Hakha) Common Language Bible 2006

¹ Cun Israel phun vialte kha Hebron ah David sinah, hmunkhat ah an i pum i annih nih, “Zohhmanh, kannih cu na ruh le na sa kan si.

1 CHANRELNAK 11:1 Խաչաձեւ Հղումներ

1 SIANGPAHRANG 2:11

David nih Israel a uk chung cu kum sawm li a si; Hebron in kum sarih a uk i Jerusalem in kum sawm thum le kum thum a uk.

2 SAMUEL 15:10

Sihmanhsehlaw Absalom nih Israel mi phun vialte hna sinah khan a thli tein lamkal a thlah hna i, “Muko thawng kha nan theih cangka, ‘Absalom cu Hebron ah siangpahrang a si!’ tiah nan ti lai,” tiah a ti hna.

BIACEIHTU 9:2

“Shekhem khua chung i a ummi vialte cu, ‘Nannih caah zeidah a ṭha deuh, Jerubbaal fapa sawm sarih nih an dihlak in an in uk hna ah maw, pakhat lawng nih an uk hna ah dah?’ tiin an hna chungah va chim tuah u. Cun keimah cu nan ruh le nan sa ka si kha va philh fawn hlah u,” tiah a ti hna.

DEUTERONOMI 17:15

Bawipa nan Pathian nih a thim laimi cu nan cung i siangpahrang si awkah cun nan chiah lai. Nanmah nan unau hna chungin siangpahrang ah cun pakhat nan i chia lai; nan unau a si lomi, ramdangmi cu nan cungah nan chia lai lo.

GENESIS 29:14

Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.

EFESA 5:30

kannih cu a pum nge cu kan si).

NAMBAR 13:22

Negeb ah an hung lut i Hebron kha an phan i cuka ah cun Anak tefa hna Ahiman, Sheshai le Talmai kha an rak um. (Hebron cu Izipt ram i Zoan hlan kum sarih ah rak tlakmi a si.)

2 SAMUEL 2:1

Hi hnuah hin David nih Bawipa kha a hal i, “Judah ram chung khua pakhatkhat ah ka hung kal lai maw?” tiah a ti. Cun Bawipa nih amah cu, “Hung kal,” tiah a ti. David nih, “Khuazei ah khin dah ka hung kal hnga?” tiah a ti. Anih nih, “Hebron ah,” tiah a ti.