1TIMOTE 5:6 - Lai (Hakha) Common Language Bible 2006

⁶ Asinain nuamhnak lei i aa pemi nuhmei cu a nung nain a thi cangmi a si.

Laibaibal Thiang (BSI)

⁶ Asinain nomhnâk lawng i a nungmi nuhmei cu a nun lio hmanhah a thimi a si.

1TIMOTE 5:6 Խաչաձեւ Հղումներ

JEIM 5:5

Hi vawlei cungah cun nuam ngai le duhtling ngaiin nan nung. Sa thah ni caah nanmah le nanmah nan rak i thauter.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.

BIAPHUAN 3:1

“Sardis khua i a ummi Khrihfabu vancungmi sinah hi bangin va ṭial tuah: Hi bia hi Pathian thlarau pasarih le arfi pasarih a ngeimi bia kha a si. Na tuahmi kha ka hngalh, a nungmi a si tiah na min a thang nain na thi ko.

LUKA 15:24

Zeicahtiah hi ka fapa hi a rak thi, sihmanhsehlaw atu cu a nung ṭhan; a rak tlau, sihmanhsehlaw atu cu ka hmuh ṭhan cang,’ a ti. Cun cuticun puai tuah hram cu an thawk.

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

EFESA 2:1

Hlanah cun nawl nan ngaih lo ruang le nan sual ruangah thlarau lei in nan rak thi.

LUKA 15:13

Ni tlawmpal hnuah khin ngakchia deuh pa nih cun a thilri cu a zuarh i a man tangka cu aa lak i an inn cun a kal. A hla ngaingaimi ram ah a kal i khika ah khan duhduh in khua a va sa i a tangka cu a va sawksam dih.

MATTHAI 8:22

Jesuh nih cun, “Ka zul ko, mithi nih an mithi cu rak vui ko hna seh,” tiah a leh.

KOLOSE 2:13

Hlan ah cun nannih cu phung leng um Jentail mi nan si ca le nan sualnak ruangah, thlarau lei in a thimi nan rak si. Sihmanhsehlaw atu cu Khrih sinah Pathian nih an nunter cang hna. Pathian nih kan sualnak vialte cu a kan ngaihthiam.

EFESA 2:5

a nawl kan ngaih lo ruang i thlarau lei in kan thih ko lioah khan Khrih sinah cun a kan nunter. Khamh nan sinak cu Pathian vel thawngin a si.

LUKA 12:19

Cun keimah le keimah cu kaa thawh lai i, Mivanṭha pa! Kum tampi caah a za in thil ṭha vialte cu na ngeih cang. Cucaah nuam tein um ko cang, ei law ding law i nuam ko, ka ti lai,’ a ti.

LUKA 7:25

A si lai lo. Cucu a si ṭung lo ahcun zeidah zoh awkah nan chuahhnawh kun? Thilpuan ṭhaṭha aa hrukmi zoh awkah maw? A taktak ti ahcun cu bantukin aa thuam i nunnuam ngaingai in a ummi hna cu siangpahrang inn chungah pei an um tawn cu.

ṬAHNAK HLA 4:5

Rawl thawthaw in cawm a rak simi hna kha zeihmanh ngei loin khuachung lam ah an ṭhu ko, Puan ṭhaṭha a rak i aih tawnmi hna kha ekpon cungah an ṭhu ko.

JEREMIAH 6:2

Zion fanu, a mui a ṭha i no cipcep tein a ummi cu a donghnak a nai ai.

ISAIAH 47:1

Bawipa nih, “Babilon, na bawiṭhutdan cung khan rung ṭum law leidip lakah i bual tuah. Hmasa ah cun ngaknu thiang bantuk na rak si, ahohmanh tei lo na rak si. Asinain atu cu nem hniphnepte le no cipcep tein na um ti lo, atu cu sal na si cang.

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. “Ding in ei ko u sih! Thaizing ah cun kan hei thi dih ko lai hen cu,” nan ti.

PHUNGTHLÛKBIA 29:21

Na sinum kha a ngakchiat lio in a duhmi paoh na pek ahcun ni khatkhat cu nangmah thil kha an chuh dih te ko lai.

1 SAMUEL 25:6

Cun hi bangin amah cu, ‘Nangmah cungah daihnak um ko seh, cun na innchungkhar cungah daihnak um seh law, na ngeihmi vialte cungah daihnak um ko seh.

1 SAMUEL 15:32

Khi tikah Samuel nih, “Amalek mi siangpahrang Agag kha hika ah hin, ka sinah ratpi tuah u,” tiah a ti. Cun Agag cu a sinah cun thanuam ngaiin a ra. Agag nih cun, “Thihnak a khaatnak cu ka lonh cang ko hnga lo maw cu,” tiah a ti.

DEUTERONOMI 28:56

Nan lak i a no bik le a nem bik, a no tuk ca le a nem tuk ca i a keza vawlei a tawng bal lomi nu, hmanh nih a pommi a va le a fapa le a fanu hna kha, rawl a sianh hna lai lo.

DEUTERONOMI 28:54

Nanmah lak i mi nunnem bik le mitluangtlam bik zong nih a unau kha siseh, a dawtmi a nupi siseh, a tang rihmi a fale hna si hna seh, rawl kha a sianh hna lai lo;

LUKA 16:19

Voi khat cu mirum pakhat hi a rak um i puan man sung bikbik in aa thuam i nifate in nuam ngaingai in khua a sa.

GENESIS 2:17

sihmanhsehlaw a ṭha le a ṭhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai,” a ti.

2TIMOTE 3:6

Hi hna pawl a cheukhat cu mi inn chungah khan an va lut i nu derthawm pawl, an sual thilrit nih a rak nenhmi hna le an duhnak nih a kenkip i a rak vahpi lengmangmi hna kha an va lak khawh hna,