1TIMOTE 4:8 - Lai (Hakha) Common Language Bible 2006

⁸ Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

Laibaibal Thiang (BSI)

⁸ Zeitintiah taksa zuam nâkin cawlcanghnâk zong hi san a tlai ve ko, asinain Pathian-ṭihzahtu sinâk i cawlcanghnâk nih cun atu nunchung le hmailei caah biakam a ngeih caah a lamkip in san a tlai.

1TIMOTE 4:8 Խաչաձեւ Հղումներ

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

1TIMOTE 6:6

Biaknak nih hin rumnak a chuahpi taktak, sihmanhsehlaw cu rumnak a ngeimi cu mah tinvo i a lung hna a ngammi kha an si.

PHUNGTHLÛKBIA 22:4

Bawipa kha ṭih, mi toiah i dor law rumnak le upatnak le nunsaunak kha na hmuh lai.

PHUNGTHLÛKBIA 19:23

Bawipa ṭihnak hi nunnak a si, cuti in na um ahcun, hnangam tein na um lai i harnak nih an tawng lai lo.

1JOHAN 2:25

Cun cucu Khrih hrimhrim nih kan pek hna lai tiah bia a kan kammi kha a si — zungzal nunnak cu.

MARKA 10:30

tam chinchin in atu chan ah hin a hmuh hrimhrim lai. Inn siseh, lo siseh unau si hna seh, far siseh, nu siseh, fa siseh; a let za khat in an hmuh lai; cun hremnak zong an hmuh lai; cun a ra dingmi chan ah hin zungzal nunnak an hmuh lai.

SALM 37:29

A dingmi cu ram chungah him tein an um lai i ram cu zungzal in anmah ta a si lai.

SALM 37:11

Sihmanhsehlaw mi toiah aa dormi cu ram chungah hin him tein an um lai i daihnak kha tlamtling tein an hmuh lai.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

PHUNGCHIMTU 8:12

Misual mi nih sualnak kha voi za khat a tuah zongah a nung ṭhiamṭhiam ko. Asi, an chimmi cu ka hngalh, “Pathian na ṭih ahcun zeizong vialte a ṭha dih ko lai.

SALM 145:19

Amah a ṭihmi paoh cu an herhmi vialte kha a pek hna i an aunak kha a theih i a khamh hna.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

JOB 22:2

“Minung hi Pathian caah san a tlai khomi an um hnga maw? A fimmi hmanh hi Pathian ca i san a tlaimi an um hnga maw?

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.

BIAPHUAN 3:12

Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka ṭial lai i ka Pathian khualipi, a min Jerusalem thar a simi zong kha a cungah cun ka ṭial lai. Cu khualipi cu ka Pathian sinin vancung khin a rung ṭum lai. Cun a cungah cun ka min thar zong ka ṭial fawn lai.

1 KORIN 8:8

Rawl nih cun Pathian he kan i pehtlaihnak cu a ṭhatter deuh hlei lai lo; kan ei lo ah zeihmanh kan sung hlei lai lo, kan ei zongah zeihmanh kan miak hlei lai lo.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

ISAIAH 33:16

Cu bantukin na um ahcun khua-awng na pem lai i a ṭhawngmi ralhau bantukin na fek lai. Rawl ei awk kha na ngei zungzal lai i tidin awk kha zeitikhmanh ah na dong lai lo.

SALM 37:9

Bawipa aa bochanmi cu him tein ram chungah hin an um ko lai; sihmanhsehlaw miṭhalo cu ṭhawl an si lai.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

1 KORIN 3:22

Paul siseh, Apollo siseh, Peter siseh, hi vawlei hi siseh, nunnak siseh, thihnak siseh, atu caan hi siseh, hmailei caan khi siseh, hi vialte hi an dihlak in nanmah ta an si i

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

JOB 36:11

A bia an ngaih i a rian an ṭuan ahcun, An ni hna cu thluachuak in an hman i an kum hna cu nuamhnak in an hman.

MATTHAI 12:32

Mi Fapa ralchanh in bia ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

1TIMOTE 4:7

Pathian kong a si lomi tuanbia menmen kha cu hrial hna, kha hna kha cu nutar ca lawngah an i tlak. Pathian he aa tlakmi nunnak kha ngeih i zuam zungzal.

1TIMOTE 6:3

Hihi na cawnpiak hna awk le na chimh hna awk a si. Kan Bawi Jesuh Khrih bia le kan biaknak phung nih a kan cawnpiakmi he aa khat lomi cawnpiaknak phun dang a cawnpiaktu hna paoh cu

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

2TIMOTE 3:5

kan biaknak phung hi a lenglei in an i tlaih lai, sihmanhsehlaw a chung i a ummi ṭhawnnak taktak kha cu an duh lai lo, cu hna cu hrial i zuam hna.

LUKA 5:38

Cuticun ahohmanh nih an tuah lai lo. Mitsur hang thar cu saphaw thawl a tharmi chungah rawn awk a si.