1THESALON 5:3 - Lai (Hakha) Common Language Bible 2006

³ Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

Laibaibal Thiang (BSI)

³ Zeitintiah, “Daihnâk le himnâk” tiah an chim lio ah, fapawinu nganfah bantukin hmakhat te ah rawhralnâk an cungah a tlung lai. Ahohmanh nih an hrial kho lai lo.

1THESALON 5:3 Խաչաձեւ Հղումներ

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

2 THESALON 1:9

Bawipa cu a mi hna lakah sunparnak hmuh awkah a rat i a zummi vialte nih an hlorh ni, cu Ni lianngan ah cun, annih cu zungzal rawhralnak dantatnak kha an huah lai, Bawipa hmaika khan dawi an si lai i a liannganmi a ṭhawnnak kha an hmu lai lo. Sihmanhsehlaw nannih cu kan in chimhmi hna bia kha nan zumh caah sunparnak a pe i a hlorhtu hna lakah cun nan i tel ve lai.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

2 PETER 2:4

A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

JEREMIAH 4:31

Nau nganfah a ing liomi nu aihramnak bantuk a simi aihramnak, A fater a hring liomi nu nganfahnak bantuk a simi aikionak kha ka theih. Zion fanu, a thaw a suk in aa su i a kuttum heh tiah a rengmi kha a si. Aize! ka ba tuk ko cang, thah len ko cu ka ba tuk ko cang.

LAMKALTU 13:41

‘Nannih mi nihsawh hmangmi hna, Zohhmanh u, nan khuaruahhar u law thi ko u. Zeicahtiah nanmah nan chan hrimhrim ah ka tuahmi rian hi Nannih nih nan zumh lai lomi thil, midang nih a sullam an in chimh hna hmanh ah nan zumh duh lai lomi a si,’ tiah an chimmi bia hi nan cungah tlunter hlah u,” tiah a ti hna.

JEREMIAH 22:23

Maw Lebanon i a ummi hna, Sidar thing lak i bu a sami hna, Nau nganfahnak bantuk nganfahnak nan cung i a phak tikah, Zeitluk in dik nan hei i lawngh len te lai!

JEREMIAH 13:21

Ka hawikom an si tiah na ruahmi hna kha na cung i uktu ah chiah an si tikah zeidah na chim lai? Nau nganfah a ingmi nu bantukin nganfahnak kha na in lai.

JEREMIAH 6:24

Cu thawng an chimmi cu kan theih i Kan kut hna cu thazang ngei loin an uai dih; Nu nih nau nganfah an inmi bantuk nganfahnak nih a kan tlaih.

ISAIAH 56:12

Hi zuri hna nih hin an i thawh i, ‘Zu kha la rih u sih law kan celh chungin tawng u sih. Thaizing cu nihin nak hmanh hin a ṭha chin deuh rih lai,’ an ti,” a ti hna.

SALM 48:6

Ṭihnak le lungretheihnak nih a tlaih hna i nau nganfah a ingmi nu bantukin an um.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

HOSEA 13:13

Israel nih hin nun khawh nakding caah caan ṭha a ngei ko, Sihmanhsehlaw a hrut tuk i cu caan cu aa lak lo. Amah cu a hung chuak dengmangmi naute, a nu paw chungin chuah a duh lomi bantuk khi a si.

ISAIAH 30:13

Nan sual hrimhrim ko. Nannih cu a tung in a kuaimi vampang sangpi bantuk nan si; chikkhatte ah nan tlu te lai.

DEUTERONOMI 29:19

Cu bantuk a simi pa nih hi chiatser biakamnak bia kha a theih tikah a lung chungin, ‘Ka lung khonnak hi zul ko hmanh ning law ka him ko lai,’ tiin amah le amah cu thluachuah aa pechom ko hnga. Mah cu nih cun a cin a hnawng le a ro a car an dihlak in rawknak a phakter hna lai.

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

JOB 15:21

Ṭihnak thawng kha a hna chungah an au lai i Him tein ka um tiah aa ruah lioah, mifir nih an chuahhnawh lai.

SALM 35:8

Asinain anmah nih an hngalh hlanah rawhnak nih a phanh hna lai i anmah chiahmi rap ah khan an i foih lai, anmah cawhmi khor ah khan an tla lai.

SALM 55:15

Ka ral hna cungah cun thihnak kha khulrang in tlung seh law mithi khua ah khan a nung in vung kal hna seh. An inn chung le an lung chungah ṭhat lonak a um.

SALM 69:22

An puai cu anmah rawhnak ah cang seh law an i nuamhnak cu anmah tluknak ah cang ko seh.

ISAIAH 20:6

Cu caan a phak tikah Filistia ram rili kam i a ummi hna nih, ‘Assiria siangpahrang sinin an kan huhphenh lai tiah kan rak i bochanmi hna kha zoh hna hmanh u. Zeitindah kannih zong kan nun bal rua hnga,’ an ti lai,” tiah a ti.

ISAIAH 29:5

Jerusalem, nangmah an dotu ramdangmi vialte hna cu leidip bangin an choi dih lai i ṭih a nungmi a ralkap hna cu capawl bangin thli nih a choih dih hna lai. Chikkhatte le ruah lopi ah khin

ISAIAH 47:9

Asinain chikkhatte ah, ni khatte ah, hi thil hi an pahnih in na cungah an tlung lai. Camh cu zeizat hmanh na hmang ko lai nain na fale cu an thi ṭhiamṭhiam ko lai i nuhmei cu na si ṭhiamṭhiam ko lai.

ISAIAH 47:11

Vanchiatnak kha na cungah a tlung lai i na camh nih khan an khamh kho lai lo. Hmakhatte ah na cungah rawhralnak a tlung lai — na mang hmanh i na manh bal lomi rawhralnak kha a tlung lai!

JEREMIAH 6:14

Ka mi hna cu, an hma kha an menpiak ko hna, Sihmanhsehlaw a leng parpavuan lawng in a si; ‘A dam ko lai,’ an ti, zeidah a dam ko lai? Zeihmanh a dam lai lo!

JEREMIAH 8:11

Ka mi hna cu an hma kha an menpiak ko hna, sihmanhsehlaw a parpavuan lawng a si, ‘A ṭha dih ko lai,’ an ti, A ṭha dih ko lai? Zei cu dah a ṭha dih ko hnga?

JEREMIAH 14:19

Judah cu na hlawt hrimhrim ko cang maw? Zion cu na fih ko cang maw? Kan caah damnak a um khawh ti lo tiangin zeicahdah na kan tuk? Zeicahdah caan ṭha deuh cu na kan ruahchanter ṭung, zeihmanh a ṭhami kan hmuh ṭung lo, Zeicahdah damnak caan cu na kan ruahchanter ṭung i rawknak lawnglawng a si ṭung?

EZEKIEL 13:10

Cuticun nannih nih Bawipa ka si kha nan hngalh lai. Zeicahdah hi bantuk hin dantat an si lai ti ahcun, ka mi hna kha a pingah an hruai hna caah a si, zeizong vialte a ṭhat lo ko zongah khan, zeizong vialte a ṭha dih ko, an ti hna. Zei he dah aa lawh ti ahcun, vampang pakhat chong hna seh law, cu vampang an chon tikah cun fek tein mirang vawlei in sengh loin a lengin sirang nalh men hna seh law, cu he cun aa lo.

JOHAN 16:21

Nu nih nau a ngeih lai ah, nganfah in caan nih khan a phak caah a ngaih a chia, sihmanhsehlaw naute cu a hung chuah tikah nau thar pakhat vawlei cung i a hung chuah caah cun aa lawm i a nganfahnak cu a philh dih.

BIACEIHTU 8:11

Cun Gideon cu, a bu in khualtlawnnak lam, Nobah le Jogbehah nichuahlei khan a hung kal i ralkapbu a hung tuk hna; ralkap cu hnangam tuk in an rak um.

JOB 24:23

Pathian nih him tein khua a sakter ko hna, Sihmanhsehlaw ṭha tein a ngiat zungzal hna.