1THESALON 4:3 - Lai (Hakha) Common Language Bible 2006

³ Pathian nih nannih cu a thiangmi le nu le pa sualnak aa summi si hna seh ti kha an duh hna.

Laibaibal Thiang (BSI)

³ Zeitintiah Pathian duhning i thianghlim te i um cu nupa-sualnâk chungin i thianter hi a si.

1THESALON 4:3 Խաչաձեւ Հղումներ

1 PETER 4:2

Cucaah atu thawk in, hi vawlei cung i nan nun chung cu, minung duhnak kha si ti loin Pathian duhnak tu kha i ukter cang u.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

ROM 12:2

Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

EFESA 5:17

Mihrut si ti hlah u, Bawipa nih tuah hna seh ti an duhmi hna tu kha tuah i zuam u.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

1THESALON 4:4

Nan dihlak in nan pum uk kha nan thiam awk a si, nan pum cu nan thianter awk le nan upat awk a si,

GALATI 5:19

Minung sining nih a tuah tawnmi cu a fiang ko: nu le pa sualnak tehna, a thurhnawmmi thil tehna, aa dawhcah lomi thil tehna,

1JOHAN 2:17

Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung.

MATTHAI 7:21

“ ‘Bawipa, Bawipa,’ tiah a ka timi paoh in Vancung Pennak chungah an lut dih lai, tinak a si lo, sihmanhsehlaw vancung i a ummi ka Pa nih tuah hna seh ti a duhmi a tuahmi lawnglawng kha an lut lai.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

2 THESALON 2:13

U le nau hna, nanmah an dawtu hna Pathian kha zungzal in lawm ko u sih. Zeicahtiah nannih cu Pathian nih Thlarau ṭhawnnak thawngin Pathian mi ah an canter hna thawng le biatak nan zumhnak thawng khan, khamhnak hmuh awkah a rak in thim hna.

HEBRU 10:36

Pathian duhnak nan tuah khawh nakhnga le bia an kamhmi hna nan co khawh nakhnga lungsau thinfual in um u.

EFESA 6:6

An in zoh hna lio lawngah an lung tong dingin um hlah u, sihmanhsehlaw Khrih sal bantukin Pathian duhmi kha nan lungthin tak tein tuah u.

1 KORIN 7:2

Sihmanhsehlaw sualpalhnak a tam tuk hringhran caah hin, pa nih mah nupite i ngeih seh law nu nih mah vate i ngeih seh.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

SALM 143:10

Nangmah cu ka Pathian na si; cucaah na duhnak tuah kha ka cawnpiak ko. Na velngeihnak thawngin himnak lam ah ka hruai tuah.

SALM 40:8

Ka Pathian, zeitluk in dah na duhnak tuah cu ka duh! Na cawnpiaknak cu ka lung chungah kaa chiah hna,” tiah kan leh.

1THESALON 5:18

zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna.

MARKA 3:35

Zeicahtiah Pathian nih tuah hna seh, tiah, a duhmi thil a tuahmi paoh cu ka nau, ka far le ka nu an si,” tiah a ti.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

KOLOSE 1:9

Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

2 KORIN 12:21

Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

JOHAN 4:34

Jesuh nih cun a thawh hna i, “Ka rawl cu a ka thlahtu duhnak zulh le a ka fialmi rian liim kha a si.

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

KOLOSE 4:12

Nanmah mi a simi Epafras zong nih nan kut an tlaih hna, amah cu Khrih Jesuh sal a si. Nan caah thla a cam zungzal i fek tein nan dir nakhnga le nutling patling nan si nakhnga le nan zumhmi kha fiang tein nan hngalh nakhnga le a nawl kha tling tein nan zulh khawhnak hnga Pathian cu a hal zungzal.

ROM 6:22

Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah pekchanhmi nunning a si i cu nih a chuahpimi cu zungzal nunnak a si.

LAMKALTU 20:32

“Atu cu Pathian velngeihnak chung le zohkhenhnak chungah nannih kha kan sanh hna. Amah nih cun an ṭhanter khawh hna i a mi vialte caah a chiahmi thluachuahnak kha an pek khawh hna.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

HEBRU 12:16

Ahohmanh nu le pa sualnak tuah hlah u, thlarau lei thil zeihmanh i a rel lomi Esau bantuk zong si hlah u, anih nih cun rocotu sinak kha rawl voi khat ei men ah a zuar ko.

ROM 1:29

Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

MATTHAI 5:32

Sihmanhsehlaw kei nih cun, hitihin ka ti: Mipa nih a nupi kha, zumhawktlak loin a um ti ṭung lo i a mak ahcun, a nupi kha va a ngeih tikah vacung in pa a duhter a si, cucaah mipa kha a sual; cun amah a rak ṭhitu zong kha a sual ve ṭhiamṭhiam.

1THESALON 4:2

Bawipa Jesuh nawl pekning in kan in cawnpiakmi hna cu nan hngalh.

LEVITIKAS 15:18

Pa nih nu he a ih i a ci a chuah ahcun an pahnih in ti in an i kholh lai i zanlei tiang thianglo an si lai.