1THESALON 3:3 - Lai (Hakha) Common Language Bible 2006

³ Nan cung i a tlungmi hremnak nan in mi ruangah hin ahohmanh nan i letnak hnga lo nanmah cu thazang pek awkah le nan zumhnak ah fek tein nan dir khawh nakhnga nanmah bawmh awkah amah cu kan hun thlah. Kha bantuk hremnak kha Pathian nih nan cungah tlung seh a timi a si ve ko ti kha nanmah hrimhrim nih nan hngalh.

Laibaibal Thiang (BSI)

³ hibantuk temtuarnâk nih in hnin hna hlah seh; zeitintiah hibantuk tuar awkah ruahmi kan si tiah nanmah lila nih nan hngalh.

1THESALON 3:3 Խաչաձեւ Հղումներ

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

ROM 5:3

Cun harnak kan inmi zongah hin kan i lawm ko, zeicahtiah harnak nih cun in khawhnak kha a kan ngeihter i

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

LAMKALTU 21:13

Sihmanhsehlaw a kan thawh i, “Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu,” tiah a kan ti.

1THESALON 5:9

Pathian nih a thinhunnak in awkah khan a kan thim lo, sihmanhsehlaw kan Bawipa Jesuh Khrih thawngin khamhnak hmuh awkah a kan thim;

1 KORIN 4:9

Kannih lamkaltu pawl hi Pathian nih nauta bik ah a kan ser ko rua tiah ka ruah. Zapi hmai i thah awkah sual phawtmi, van le vawlei le vancungmi le minung nih zoh nuam men i hei hman awk khi kan si ko rua.

SALM 112:6

Miṭha cu an sung bal lai lo, philh an si bal lai lo.

1 PETER 2:21

Cu bantuk mi si awkah cun Pathian nih an kawh hna cu a si; zeicahtiah Khrih hrimhrim nih nan caah khan a in cang i ka keneh ka zul hna seh tiah i zohchun awk an chiahpiak cang hna.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

EFESA 3:13

Cucaah nan ca i harnak ka in caah hin nan lung dong hlah u, nanmah ca ṭhatnak lawngte ah a si ko.

LAMKALTU 2:25

David nih amah kong hi hi bantukin a rak chim i, ‘Bawipa cu ka hmaiah ka hmuh zungzal ko; Ka orhlei kam i a um caah khan ka awlok a chong lai lo,

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

LUKA 21:12

“Hi thil vialte an tlun hlanah hin nannih cu tlaihkhih nan tong lai i hremnak nan ing lai; pumhnak inn ah khan biaceih awkah an in chuahpi hna lai i thong ah an in thlak hna lai; keimah ruangah siangpahrang hna hmaiah le uktu bawi hna hmaiah an in chuahpi hna lai.

2TIMOTE 1:8

Cucaah kan Bawipa kong chim cu na ningzak hlah, a ca i thongtlapa keimah zong hi ka zahpi hlah. Pathian nih thazang an pekning in Thawngṭha ca i temhnak in kha ngamh lehlam ko.

2 THESALON 1:4

Cucaah Pathian Khrihfabu hna sinah nanmah kong cu kan i porhlaw i hremnak le temhnak nan inmi vialte chungah fel tein nan um i nan zumhnak a dorh lo caah kan in thangṭhat hna.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

FILIPI 1:28

Nan ral kha ṭih hna hlah u; ralṭha ngaiin um zungzal u law cu nih cun annih an sungh i nannih teitu nan si lai kha a langhter lai — teinak petu cu Pathian a si.

LAMKALTU 21:11

Kan sinah cun a ra i Paul taisawm kha aa lak i a kut le a ke kha taisawm cun aa tem i, “Hihi Thiang Thlarau chimmi a si: Hi taisawm a ngeitupa hi hi bantukin Jerusalem khua ah Judah mi nih an ṭem lai i Jentail mi hna kut ah an chanh lai,” tiah a ti.

JOB 23:14

Ka ca i aa tinhmi cu a tlinter lai, Cu bantuk tinhmi tampi cu a lung chungah a um.