1JOHAN 5:11 - Lai (Hakha) Common Language Bible 2006

¹¹ Cu tehte cu hihi a si: Pathian nih zungzal nunnak a kan pek cang i cu nunnak cu a Fapa chungah a um.

Laibaibal Thiang (BSI)

¹¹ Hihi hngalhtermi cu a si. Pathian nih zungzal nunnâk a kan pêk i cu nunnâk cu a Fapa ah a um.

1JOHAN 5:11 Խաչաձեւ Հղումներ

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

1JOHAN 2:25

Cun cucu Khrih hrimhrim nih kan pek hna lai tiah bia a kan kammi kha a si — zungzal nunnak cu.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

1JOHAN 4:9

Pathian nih a kan dawtnak a langhterning cu hitihin a si: a Fapa ngeihchun kha vawlei ah hin a run thlah i amah thawngin nunnak kan ngei lai.

JOHAN 1:4

Bia cu nunnak hram a si i cu nunnak nih cun minung kha ceunak a pek hna.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

JOHAN 19:35

(Hi thil a hmutu nih hi kong a chimnak cu nannih zong nih nan zumh khawh ve nakhnga caah a si. A chimmi cu biatak a si i biatak ka chim tiah a hngalh).

JOHAN 10:28

Annih cu zungzal nunnak kha ka pek hna i an thi bal lai lo; cun ahohmanh nih annih cu an ka chut kho fawn lai lo.

JOHAN 6:68

Simon Peter nih a hun leh i, “Bawipa, aho sinah dah kan kal hnga? Zungzal nunnak bia a ngeitu cu nangmah pei na si cu.

JOHAN 5:26

Ka Pa hrimhrim cu nunnak hram a si bantukin a Fapa hi nunnak hram ah a ka ser cang.

JUDAS 1:21

Pathian dawtnak chungah khan um ko u. Cun kan Bawipa Jesuh Khrih nih zaang an fah hna ruang i zungzal nunnak an pek hna lai ni cu hngak ko u.

1JOHAN 5:7

Tehte a khaangtu pathum an um:

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

1TIMOTE 1:16

sihmanhsehlaw hi ruang thengte ah hin Pathian nih ka cung i zaangfahnak a ngeih cu a si. Cu bantukin Pathian nih a ka zaangfah i misual mi hna lak i a sual bikmi keimah cungah Khrih Jesuh nih a lungsaunak le a thinfualnak a langhter cu, hmailei ah a hun zum i cu zumhnak thawngin zungzal nunnak a hmumi hna caah zohchunh awk siseh ti kha a duh caah a si.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

3 JOHAN 1:12

A mi kip nih Demetrius cu an thangṭhat i biatak hrimhrim zong nih a thangṭhat. Cun kannih zong nih kan thangṭhat ve i kan chimmi cu biatak a si ti kha na hngalh.

JOHAN 12:50

Na chim lai tiah a ka fialmi bia cu zungzal nunnak petu a si ti kha ka hngalh. Cucaah ka chimmi bia cu ka Pa nih na chim lai tiah a ka timi bia kha a si,” tiah a ti.

JOHAN 6:40

Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si,” a ti.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 1:2

Johan nih cun a hmuhmi thil vialte cu a chim dih. Pathian sinin hmuhmi bia le Jesuh Khrih nih a phuanmi biatak Johan nih a chim chinmi cu hihi a si.

JOHAN 6:47

Biangai kan chimh hna: a zummi cu zungzal nunnak an ngei.

JOHAN 5:21

Ka Pa nih mithi kha a thawhter hna i a nunter hna bantukin, Fapa zong nih hin ka duhmi paoh kha ka nunter ve hna lai.

JOHAN 4:36

Rianṭuantu nih a ṭuan man kha a hmuh lio cang i zungzal nunnak caah khan rawl kha a pum lio hna, cucaah a tuhtu le a zuntu kha an pahnih in hmunkhat ah an i lawm ṭi lai.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

JOHAN 1:19

Jerusalem khua Judah upa hna nih tlangbawi hna le Levi mi hna cu Johan sinah khan an hei thlah hna i, “Ahodah na si?” tiah an va hal.

JOHAN 4:4

lampi ah Samaria ram kha a tan.

1JOHAN 4:10

Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.