TITAS 3:5 - Laibaibal Thiang (BSI)

⁵ dinnâk in tuahmi, kanmah hrimhrim nih kan tuahmi ruangah si loin, hrinṭhannâk i kholhthiannâk le Thiang thlarau tharchuahnâk in a velngeihnâk in Amah nih a kan khamh,

Lai (Hakha) Common Language Bible 2006

⁵ cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawngin a si.

TITAS 3:5 Խաչաձեւ Հղումներ

2TIMOTE 1:9

Amah nih kan tuahsernâk bang si loin Amah ruahning le zângfahnâk in a kan khamh i kawhnâk thiangin a kan kawh, cucu vawlei ser hlanin Krih Jesuh ah a kan pêk,

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

1 PETER 3:21

Cu thil nih a langhter chungmi baptisma in Jesuh Krih thawhṭhannâk thawngin atu ah khamh kan si. Cu baptisma cu taksa thurhnawmmi thenh men hi si lo in chiaṭha hngalhnâk thiang he Pathian kan lehnâk hi a si.

1 PETER 1:3

Kan Bawipa Jesuh Krih Pathian le Pa cu thangṭhat in um ko seh, Amah nih a tammi a vêl thawngin thihnâk in Jesuh Krih a thawhṭhânnâk thawngin ruahchannâk nung hmu dingin a kan hrin ṭhân,

ROM 12:2

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

EFESA 2:4

Asinain Pathian, zângfahnâk in a rummi le a liannganmi dawtnâkin a kan dawt caah,

EFESA 5:26

anih cu bia hmangin ti in a khawlh-ṭawl i a thianter khawh lai;

SALM 51:10

Maw Pathian, ka chungah lungthin thiang ser ṭhân law, keimah ah hin a fekmi thlarau kha tharchuah hrâm ko.

ROM 11:6

Cun zângfahnâk a si ahcun, tuahsernâk thawng a si ti lai lo, culoahcun zângfahnâk hi zângfahnâk a si kho lai lo. Tuahsernâk a si ahcun zângfahnâk a si kho hlei lai lo. Culoahcun tuahsernâk zong cu tuahsernâk a si kho hlei lai lo.

HEBRU 4:16

Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

KOLOSE 3:10

zeitintiah hngalhnâk tling ngei ding le a sertu muisâm lo dingin tharchuah i a um cuahmah mi minung tharin nan i thuam cang.

SALM 86:15

Maw BAWIPA, nangtu cu vêl in na khat, mi zângfahthiam, lungsau le zawnruahnâk le biatak in a liammi Pathian na si.

GALATI 2:16

Asinain nawlbia tuahsernâk thawngin minih thiam a co kho lo, Jesuh Krih zumhnâk thawng lawng lawngin thiam a co kho ti kha kan hngalh, kannih zong nih nawlbia tuahsernâk thawng si loin, Krih zumhnâk thawngin thiam kan co khawh nâkhnga, Krih Jesuh cu kan zumh, nawl bia tuahsernâk thawngin ahohmanh nih thiam an co lai lo.

ROM 3:20

Cucaah nawlbia tuahsernâk in a hmai ah thiamcomi ahohmanh an um lai lo; zeitintiah nawlbia cu sual hngalhnâk a si.

1 PETER 2:10

hlan ah minung hmanh nan rak si lo, asinain atu ah Pathian minung nan si cang, hlanah vêl nan rak hmu bal lo, asinain atu cu vêl nan hmuh cang.

EFESA 4:23

nan ruahnâk thlarau ah tharchuah in um ko u,

ROM 3:28

Cucaah nawlbia tuahsernâk si loin zumhnâk in mi nih thiam an co deuh.

ROM 9:11

( ngakchia hna an chuah hlan i sualnâk le ṭhatnâk zong an tuahkhawh hlan ah khan, tuahsernâk ruangah si loin, A kotu hna thawngin, Pathian timhmi zoh chihin thimmi an sining a feh khawh nâkhnga)

LUKA 1:78

Duh a nungmi kan Pathian zângfahnâk ruangah,

LUKA 1:54

A zângfahnâk philhlonâk ah a sinum Israel kha a rak bomh.

LUKA 1:50

Amah a ṭihtu kha chankhat hnu chankhat a zângfah hna.

SALM 143:2

Na sal hi bia ka ceih sawh hlah, zeitintiah na mit hmuh ah a dingmi ahohmanh an um lo.

SALM 130:7

Aw, Israel BAWIPA kha i ruahchan; zeitintiah BAWIPA sinah vêl a um. A sinah duh a dimmi tlanhnâk a um.

TITAS 3:4

Asinain kan Khamhtu Pathian dawtnâk le velngeihnâk cu minung cung i a langh tikah,

ROM 9:30

Zeidah kan chim kun lai? Gentel mi, dinnâk a dawi lomi hna nih zumhnâk thawngin dinnâk kha an phâk cang,

ROM 9:16

Cuticun a duhtu le a panhtu ruangah a si lo i a zângfahtu Pathian thawngin a si deuh.

ROM 4:5

Asinain rian zong ṭuan lo, Pathian zong zeirel lo, thiamcotertu a zumtu zumhnâk kha a dinnâk ah ruahpiak a si.

LUKA 1:72

Kan pupa hna sin i a kamhmi zângfahnâk langhter ding le, a thiangmi a biakam philhlonâk ah.

HEBRU 6:6

an tluk ṭhân ahcun, ngaihchih dingin tharchuah khawh an si ti lo, zeicatiah Pathian Fapa kha an khenhchih ṭhân i mual an photer ṭhân caah a si.

SALM 86:5

Zeitintiah Bawipa, nangmah cu na ṭha, ngaithiam dingin timhcia i a ummi na si, an autu hna cungah vêl tampi a ngeimi na si.

SALM 62:12

Maw, BAWIPA vêl zong hi nangmah ta a si; zeitintiah mikip an tuah ningcio in na pêk tawn hna.

MATTHAI 3:11

Kei nih ngaihchih hmelchunhnâk caah ti in baptisma kan pêk hna, ka hnu i a ra laimi cu keimah nâkin a ngan deuh, a kedan putu hmanh ah kâ tlâk lo. Amah nih Thiang Thlarau le mei in baptisma an pêk hna lai.

ROM 11:14

hi thil ruangah hin zeiti tal khin ka phunhawi hna hnah ka chuahter i mi cheukhat khamh an si khawh nâkhnga.

HEBRU 10:22

lung taktak le zumhnâk i hngalhfiannâk ngeiin, kan lungthin i a thûrmi chiaṭha hngalhnâk hna kha thian terin kan taksa zong a thiangmi ti ah i kholh in Amah cu naih u sih.