TITAS 3:2 - Laibaibal Thiang (BSI)

² ahosinhmanh ah bia chia-khâ chimlo ding le, dai te i um awkah, nunnemnâk in mi vialte sinah toidarnâk vialte langhter dingin theihter ṭhân hna.

Lai (Hakha) Common Language Bible 2006

² Ahohmanh i congoih hlah u, pakhat le pakhat i rem le i daw le lungnem cio tu in nan um lai, tiah na chimh hna lai.

TITAS 3:2 Խաչաձեւ Հղումներ

EFESA 4:31

Chiatkhâtnâk le, thinhunnâk le, thinhânnâk le, i siknâk le, thangchiatnâk vialte hlei ah, ruahnâk chia-kha vialte hi nan sinin hloh dih si hna seh.

EFESA 4:2

toidornâk le nunnemnâk, lungsaunâk le dawtnâk i inkhawhnâk vialte he

1TIMOTE 3:3

misur hang ding lomi, velhhmang lomi, phaisaduhtuk lomi, nunnemmi, elhnial hmang lomi, duhfâk lomi,

1 PETER 3:10

Zeitintiah, “Nunnâk a daw i ni`ha hmuh a duhmi nih, sual lakah a lei kilveng sehlaw, ahmur zong hlennâk bia chim lo dingin kilveng seh.

1 PETER 3:8

A hnu bik ah nan dihlak in ruahnâk hmunkhat in um ulaw vêl i ngeih hna u, unau bangin i daw u, zângfahthiam le toidornâk tein um u;

JEIM 4:11

Unau hna, pakhat le pakhat nan kong i ceihhlah u. A ho pauh nih a unau kong a ceih tikah siseh, a unau a sawi ah siseh, nawlbia a thangchiat i nawlbia a sawi a si. Nawlbia na sawi ah cun nawlbia zultu na si lo i a sawitu na si.

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

MATTHAI 11:29

Ka hngawngkual i banh ulaw, ka sin in cawng u. Lungthin a nêmmi le toidormi ka si. Cuticun nan thlarau nih dinhnâk a hmuh lai.

1 PETER 2:1

Cucaah ruahnâk ṭha lo, hlennâk, zernâk, hnahchuahnâk le, bia ṭha lo vialte hna kha ngol cang u law,

JEIM 3:17

Asinain cung leiin a chuakmi fimnâk cu hmaisa bik ah a thiang, cuhnu ah daihnâk a duh, a nun a nem, nawl a ngai, zângfahnâk le theipar ṭha in a khat, thleidan a ngei lo i ziar a ngei lo.

GALATI 6:10

Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih.

GALATI 6:1

Unau hna, mi pakhat cu sual nih a tlaih tikah, nannih thlarau mi hna nih nunnemnâk in an sinâkhmasa ah siter ṭhân va zuam ulaw, tukforhnâk nan ton sualnâk hnga lo ralrinnâk tu ah hmang u.

1TIMOTE 3:11

Cubantukin an nupi le zong upatmi an si hrimhrim awk a si, kongceih le thangchiat a hmang lomi, â zuam khomi le, zeithil pauh ah zumhawk a tlâkmi an si awk a si.

1THESALON 2:7

Fa a pommi nu nih a fa a dawt bantukin, nan lakah nunnem ngai i kan um kha.

FILIPI 4:5

Lungnemmi nan sinâk kha mi vialte hmuhah siseh, Bawipa cu a nai ko.

1 KORIN 9:19

Zeitintiah mi vialte sinin zalonâk ka ngei nain, mi tampi ka tei khawh nâkhnga mi vialte sinum ah kâ tuah,

SALM 140:11

Mi kong ceih a hmangmi cu, lei cungah fekfuan hlah seh; zângen a hmangmi cu Ṭhatlonâk tuahtu kha a cungah hlawnh chih si seh.

2 KORIN 12:20

Zeitintiah ka rat tikah ka duhning in kan hmu hna lai lo i nan duhning in nanka hmu sual lai lo, ti hi ka phâng ngai, culoahcun i sîknâk le, hnahchuahnâk le, thinhunnâk langhternâk, uanthuannâk le, buaibainâk hna a um sual lai,

2 KORIN 10:1

Cubangin keimah Paul, hmaitonh i ralchia, langhlat i nan hmai ah a ral a ṭha ngaimi nih Krih lungnemnâk le nunnemnâk in kan nawl hna.

LAMKALTU 23:5

Paul nih, “Unau hna, tlângbawi nganbik a si ka hngalh lo caah a si; ‘Na miphun hotu cungah bia ṭhalo chim hlah,’ tiah ṭial a si,” tiah a ti.

PHUNGTHLÛKBIA 25:24

Phunzai a hmangmi nu he inn kaupi i um nâk cha cun, inn cung zim a kil te i um hmanh a ṭha deuh.

PHUNGTHLÛKBIA 6:19

Lihchim tawnmi biahngaltu deu le unau karlak i remlonâk thlaici tuhtu hna an si.

JUDAS 1:10

Cu hna nih an hngalh lomi kha an thangchiat hna, kokek hngalhnâk an ngeihmi cu, samram a hrutmi hna hngalhnâk nâkin a cungnung hlei lo, hi thil hna ah hin anmah le anmah an i hrawk tawn.

JUDAS 1:8

Cubantukin hi mi hna zong nih an mangah an thisa an thurter, nawlngeitu hna an hlawt i hmaizah awktlâk an thangchiat hna.

2 PETER 2:10

Cun taksa duhnâk lawng a zul i a thûrhnawmmi hornâk ah a lut i nawlngeitu hna zei i a rel lomi hna cu, fahnâk pêk buin zuah a thiam chin chin. Annih cu poitinâk ngeilo le lungkhongmi an si. Vanlei mi hna chimchiat hmanh an ṭih lo.

1 PETER 4:4

Cubantuk nomhhnaihnâk i nan i tel duh lomi hi mak an ti i nan thang tu an in chiat hna.

1 KORIN 6:10

mifir, hakkaumi, zurit hmang, mi hauhhmang, ningcang lo lak hmangmi hna nih Pathian pennâk an co lai lo.

PHUNGTHLÛKBIA 19:19

A thin a hunter tukmi nih dantatnâk an ton lai, zeitintiah na khamh zongah, khamh ṭhân lengmang a herh lai.