TITAS 1:2 - Laibaibal Thiang (BSI)

² Cân hramthawk hlan in a rak kamh cangmi zungzal nunnâk ruahchannâk kha lih a chim kho lomi Pathian nih a cân hmân teah,

Lai (Hakha) Common Language Bible 2006

^2-4 Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

TITAS 1:2 Խաչաձեւ Հղումներ

1JOHAN 2:25

Hi bia hi Amah hrimhrim nih a kan kamhmi kha a si, zungzal nunnâk hi.

2TIMOTE 1:9

Amah nih kan tuahsernâk bang si loin Amah ruahning le zângfahnâk in a kan khamh i kawhnâk thiangin a kan kawh, cucu vawlei ser hlanin Krih Jesuh ah a kan pêk,

JUDAS 1:21

Pathian dawtnâk ah i kilveng ulaw, zungzal nunnâk tiangin kan Bawipa Jesuh Krih velngeihnâk kha zoh u.

2TIMOTE 1:1

Paul Krih Jesuh ah a ummi nunnâk biakam ningin Pathian duhning i Krih Jesuh lamkaltu nih,

TITAS 3:7

cuticun zungzal nunnâk ruahchannâk ningin rocotu kan si khawh nâkhnga a zângfahnâk i thiamcoter kan si.

TITAS 2:13

Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan.

2TIMOTE 2:15

Pathian cohlan awktlâk si dingin i pe ko, biatak bia hmân tein ṭhen a thiammi rianṭuantu cu ningzah a herh lo.

2TIMOTE 2:13

Zumh tlâk loin kan um hmanh ah Amah cu zumhtlâk a si zungzal. Amah le Amah â hlaw kho lo.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

TITAS 2:7

thilṭha tuahnâk ah a lamkip in mi zohchunh awkin um law, cawnpiaknâk ah nâ biataknâk, hmaizahmi sinâk le hrawhkhawh lomi na sinâk kha langhter,

1THESALON 5:8

Asinain kan nih chun minung hna cu fimhring tein um u sih law, zumhnâk le dinnâk ṭangphaw kha i benh in khamhnâk ruahchannâk cu i chinh u sih.

ROM 6:23

Zeitintiah sualman cu thihnâk a si, asinain Pathian thilpêk cu kan Bawipa Jesuh Krih thawngin zungzal nunnâk a si.

MATTHAI 25:46

Cu hna cu zungzal hrem nâkah an kal lai i miding hna cu zungzal nunnâk ah an kal lai,” tiah a ti hna.

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

BIAPHUAN 17:8

Na hmuhmi sahrang a rak um cang i a um ti lomi kha, taw a ngeilo khor in a rak chuak i lohtlaunâk i a kal hngami a si. Cun vawlei i a ummi vawlei serka in Nunnâk Cauk ah min ṭial lomi hna nih sahrang a rak um cang i a um ti lomi kha an hmuh tikah mak an ti lai.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

2TIMOTE 2:10

Cucaah Krih Jesuh khamhnâk cu zungzal i lianngannâk he an hmuh ve nâkhnga thimmi hna ruangah thil vialte ka tuar tawn.

1TIMOTE 6:19

zungzal nunnâk cu an i tlaih khawh nâkhnga le a ra laimi caah i ṭhumhnâk ṭha khong luaimai dingin tha pe hna.

ROM 5:21

cuticun sualnâk nih thihnâk in a uk bangin, zângfahnâk nih dinnâk in kan Bawipa Jesuh Krih thawngin zungzal nunnâk tiangin a uk khawh.

LAMKALTU 15:18

Zungzal in a tuahmi thil vialte hngalhtertu Pathian nih a ti, tiah ṭialmi bangin.

JOHAN 17:2

Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga.

JOHAN 10:28

An sinah zungzal nunnâk ka pêk i an tlau hrimhrim lai lo. Ka kut chungin ahohmanh nih an ka chut kho lai lo.

JOHAN 6:68

Simon Peter nih, “Bawipa aho sinahdah kan kal lai? Nangmah nih zungzal nunnâk bia kha na ngei.

JOHAN 6:54

Ka taksa a ei i ka thisen a dingmi pauh cu zungzal nunnâk a ngei cang, cun ni donghni ah a mah cu ka thawhter lai.

JOHAN 5:39

Cathiang cu nan dothlat lên ko, zeicatiah cuka ah zungzal nunnâk kan hmuh hmanh maw, tiah nan ruah, hi hna hi ka kong hngalhtertu an si.

1TIMOTE 6:12

Zumhnâk i raldohnâk ṭha kha doh in zungzal nunnâk kha i tlaih, cucu co ding i kawh na si, hngalhpitu tampi mit hmuh ah zumhnâk ṭha na phuan cang kha.

1THESALON 2:15

cu hna nih Bawipa Jesuh le anmah profet zong an thah hna i kannih zong ankan serhsat. Pathian an lawmhter lo i mi vialte dohkalh leiin khua an sa,

ROM 16:25

Ka Thawngṭha le Jesuh Krih chimmi bang i an fehter khotu hna, Amah sinah vawlei serka in biathli â thupmi phuan a si bangin,

ROM 5:4

cun inkhawhnâk nih ziaza, ziaza nih ruahchannâk a chuahter.

ROM 5:2

amah thawng lila in atu i kan dirnâk, hi zângfahnâk ah hin, zumhnâk in kan lut i lawmhnâk he Pathian sunparnâk kan i ruahchan.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

ROM 1:2

A thiangmi Cathiang ah Profet hna hmangin tuanah a rak kamh cangmi,

JOHAN 17:24

Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

MARKA 10:30

atu nun chung lila ah in, unau, farnu, nu, fa, ram hna a let zakhat tiang, sersatnâk he a hmu lo dingmi pakhat hmanh an um lo; hmailei chan i zungzal nunnâk he.

MARKA 10:17

Lam i a kal lioah, mi pakhat a rak tli i khukbil in a sinah, “Cawnpiaktu ṭha, zungzal nunnâk ngeih awkah zeidah ka tuah lai?” tiah a hal.