ROM 9:1 - Laibaibal Thiang (BSI)

¹ Krih ah biatak ka chim i ka lih lo, Thiang Thlarau ah ka chiaṭha hngalhnâk zong nih a ka hngalhpi,

Lai (Hakha) Common Language Bible 2006

¹ Ka chimmi hi ahmaanmi bia a si: Khrih ta ka si i ka lih ka chim lo. Thiang Thlarau nih a ukmi ka chiaṭha thleidannak zong nih lih ka chim lo kha a hngalh.

ROM 9:1 Խաչաձեւ Հղումներ

1TIMOTE 2:7

zeitintiah keimah zong cu bia chimtu le lamkaltu ah ruahmi ka si, Krih ah biatak ka chim i ka lih lo, zumhnâk le biatak ah Gentel mi hna cawnpiaktu ah ruahmi ka si.

ROM 1:9

Zeitintiah thla ka camnâk ah ngol loin nan min ka chim tawn ti hi a Fapa thawngṭha, ka thlarau i a rian ka ṭuanpiakmi Pathian cu aka hngalhpitu a si.

GALATI 1:20

(Nan sin i ka ṭialmi hna hi, Pathian hmai zongah ka lih lo)

FILIPI 1:8

Zeitintiah Jesuh Krih velngeihnâk thawngin nan dihlak i hmuh kan duhning hna a ka hngalhpitu cu Pathian a si.

2 KORIN 11:10

Krih biatak keimah i a um bangin Akai ram in ka hmaihngalnâk chungin ahohmanh nih anka thlauh kho lai lo.

ROM 8:16

Thlarau hrimhrim nih kanmah thlarau he Pathian fa kan si kha a kan hngalhter,

1TIMOTE 1:5

Nawlpêk nih a tinhmi cu, zumhnâk taktak le chiaṭha hngalhnâk ṭha le lung thin thiangin a chuakmi dawtnâk hi a si,

1THESALON 2:5

Zeitintiah nan hngalh bantukin, zeitikhmanhah hngawng cung bia le hakkauh thuhnawhnâk bia kan hman lo ning a kan hngalhpitu cu Pathian a si.

2 KORIN 12:19

Asiloah nan sinah silhnalhnâk bia chimah nanka ruah maw? Krih ah cun Pathian hmaiah bia kan chim tawn. Asinain dawtmi hna, zeizong vialte kan tuahmi hi nanmah ca i ṭhatnâk ding lawng te an si.

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

1TIMOTE 5:21

Pathian le Bawipa Jesuh Krih le vanmi thiang hna hmaiah hi bia hna hi ruahning ngei cia lo le thleidan ngei lo tein fekte i dirpi dingin nawl kan pêk.

2 KORIN 11:31

Kan Bawipa Jesuh Krih Pa le Pathian zungzal i thangṭhat mi nih cun lih ka chim lo ning hi a hngalh.

2 KORIN 1:23

Cuhleiah fahnâk kan pêk sual hna nâkhnga lo Korin khua i ka rat tilo kha a si tiah ka thlarau hngalh pitu ah Pathian kha ka kawh.

ROM 2:15

an lungthin chungah nawlbia cu ṭial a si kha an tuahsernâk nih a langhter, an chiaṭha hngalhnâk nih a hngalhpi hna, a cân ah thiamlo an i coter i a cân ah thiam an i coter tawn),

ROM 9:2

ka lungthin ah hin ngaihchiatnâk nganpi le a dong thiam lomi fahnâk ka ngei.