ROM 8:9 - Laibaibal Thiang (BSI)

⁹ Asinain Pathian Thlarau nanmah i a um taktak ahcun, thisa i ummi si loin, Thlarau i ummi nan si. Mizei pauh Krih Thlarau a ngeih lo ahcun Amah ta an si lo.

Lai (Hakha) Common Language Bible 2006

⁹ Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.

ROM 8:9 Խաչաձեւ Հղումներ

GALATI 4:6

Fa nan si caah, Pathian nih a Fapa Thlarau cu nan lungthin ah a run thlah i, “Abba, Ka Pa,” tiin a au.

1 KORIN 3:16

Pathian ṭempal nan si le Pathian Thlarau nan chungah a um ti kha nan hngal lo maw?

2TIMOTE 1:14

Thilṭha na sin i chiahmi kha kanmah i a ummi Thiang thlarau in kilveng.

1 KORIN 6:19

Asilo ah nan pum hi nan chung i a ummi, Pathian sin in nan hmuhmi, Thiang Thlarau ṭempal a si le, nanmah ta nan si ti lo, ti kha nan hngal lo maw?

ROM 8:11

Asinain thihnâk in Jesuh a thawhtertu Thlarau nan chungah a um ahcun, thihnâk in Krih a thawhtertu nih khan, nan chungah a ummi Thlarau thawngin a thi khomi nan pum cu a nunter lai.

JOHAN 14:17

Cucu Biatak Thlarau, vawlei nih a ngeihkhawh lomi cu a si; Amah an hmuh lo i an hngalh lo caah; nannih nih Amah cu nan hngalh; zeitintiah nan sin i a um pengmi hi, nanmah zongah a um lai.

EFESA 1:13

Nannih zong biatak bia nan khamhnâk thawngṭha kha nan theih hnu ah Amah kha nan i bochan i zumh zong nan zumh hnu ah, kamhmi Thiang Thlarau in hmelchunh nan si.

GALATI 5:24

Cun Krih Jesuh ta a simi hna nih an thisa cu a duhnâk le tlaihchannâk hna he an khenhchih cang.

EFESA 2:22

nannih zong Amah ah Thlarau i Pathian umnâk dingah pehtonh i sakmi nan si.

ROM 8:2

Zeitintiah Krih Jesuh nunnâk Thlarau nawlbia nih sual le thihnâk nawlbia chungin a ka chuahter cang.

JOHAN 3:6

Taksa in hrin cu taksa a si, Thlarau in hrin cu thlarau a si.

FILIPI 1:19

Zeitintiah nan thlacam piaknâk le Jesuh Krih Thlarau bomhnâk thawngin cu thil cu ka caah khamhnâk ah â cang lai ti kha ka hngalh.

1JOHAN 4:13

Hitihin Amah ah kan hmun i Amah zong kanmah ah a hmun tiah kan hngalh, zeicatiah a Thlarau a kan pêk cang caah.

LUKA 11:13

Nannih misual hmanh nih nanfa le thilṭha pêk nan hngalh ahcun, van i nan Pa nih a haltu sinah Thiang thlarau a pêk lai ning cu,” tiah a ti.

1JOHAN 4:4

Nau le hna, Pathian ta nan si i cuhna cu nan tei cang, zeicatiah nanmah i a ummi cu vawlei i a ummi nâk in a ngan deuh.

1 KORIN 15:23

Asinain mah le cân cio ah Krih cu theipar hmasa a si, a rat ṭhân tikah a thoṭhân dingmi cu Krih ta an si te lai.

1JOHAN 3:24

A nawlpêk a zultu cu Amah ah a hmun i Amah zong a chungah a hmun ve. Amah kan sinah a hmun tiah kan hngalh khawhnâk cu Thlarau a kan pêkmi ah hin a si.

2 KORIN 6:16

Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.”

JOHAN 3:34

Zeitintiah Pathian thlahmi nih cun Pathian bia kha a chim tawn, zeitintiah Pathian nih tah ciammam in Thlarau a pe lo.

1 PETER 1:11

Krih nih a teminnâk ding le, cuhnu ah sunparnâk ahmuh lai ding hna cu, zeibantuk set dah a si lai i zeitik cân set ahdah a si lai tiah an rak kawl lio ah an chung i Krih Thlarau nih a hlan kan in a rak hngalhter cang hna.

BIAPHUAN 20:15

Nunnâk Cauk chung i min ṭial an hmuh lomi vialte cu mei tili ah cun hlawnh an si.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

2 KORIN 10:7

Lenglei a langhning lawngin maw thil nan conh tawn? Mi zei pauh nih Krih ta ah â ruah ahcun amah cu Krih ta a si bangin kannih zong Krih ta kan si ve timi hi ruat ṭhân seh.

JOHAN 14:23

Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai.

LAMKALTU 16:7

Misia ram an phâk hnu ah Bithinia ramah luh an i tîm, asinain Thlarau nih a onh hna lo.

ROM 7:5

Zeitintiah thisa i kan um lioah khan, nawlbia nih a thawhtermi sual duhnâk nih kan pum ṭengnge hna ah thihnâk tiang a chuahpitu theitlai a chuahpi tawn.

ROM 8:1

Cucaah atu cu Krih Jesuh ah a um i thisa duhnâk zul loin, Thlarau duhnâk a zulmi hna caah cun thiamlocoternâk zeihmanh a um ti lo.

1 KORIN 6:17

Asinain Bawipa a pehtu cu amah he thlarau ah pumkhat an si.

EFESA 3:17

cun zumhnâk thawngin Krih cu nan lungthin ah khua a sak khawhnâk hnga le dawtnâk ah hram nan bunh i hngatchan miah nan i ngeih khawh nâkhnga,