ROM 8:34 - Laibaibal Thiang (BSI)

³⁴ ahonihdah thiamlo a coter lai? A thimi kha Krih a si, culawng hmanh si loin, a tho ṭhân i Pathian orhlei kamah um in a kan nawlpiaktu cu amah ṭhiamṭhiam kha a si.

Lai (Hakha) Common Language Bible 2006

³⁴ Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

ROM 8:34 Խաչաձեւ Հղումներ

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

ROM 8:27

Cubangin Pathian duh ningin mithiang hna caah a halpiak tawn caah lungthin a zohtu nih Thlarau lungput cu a hngalh tawn.

1 PETER 3:22

Amah cu vanah a kai i Pathian orhlei ah um in; van mi hna le, nawlngeihnâk le, ṭhawnâk hna cu Amah tangah chiahdih an si.

HEBRU 9:24

Zeitintiah Krih cu kut i sakmi hmunthiang, a taktak muithlâm men i a lutmi a si lo, atu ah van hrimhrim ah, Pathian hmai ah, kan aiawh i dir dingah a lut;

ROM 8:1

Cucaah atu cu Krih Jesuh ah a um i thisa duhnâk zul loin, Thlarau duhnâk a zulmi hna caah cun thiamlocoternâk zeihmanh a um ti lo.

MARKA 16:19

Cubangin Bawipa nih an sinah bia a chim dih in vanah lâk in a um i Pathian orhlei kutah a ṭhu.

KOLOSE 3:1

Krih sinah thawhter nan si ahcun cunglei Pathian orhlei ah a ṭhumi Krih umnâk i a ummi thil hna khi kawl u.

SALM 109:31

Zeitintiah amah cu sifakmi hna orhlei ah, thiamlo a cotertu hna chungin khamh awkah a dir.

BIAPHUAN 1:18

Keimah cu a nungmi ka si, ka rak thi cang, cun zohhmanh zungzal ca in ka nung cang. Amen. Thihnâk le Mithikhua tawh kha ka ngeih hna.

ROM 14:9

Zeitintiah Krih a thih i a thawhṭhannâk le a nun chan cu mithi le minung Bawi a si khawh nâkhnga caah a si.

ROM 4:25

Amah cu kan nawlbuarnâk ruangah tlaih a si i thiam kan co khawh nâkhnga thawhter a si.

SALM 37:33

An kutah BAWIPA nih a chia lai lo, biacaih a si zongah thiamlo a coter lai lo.

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

HEBRU 1:3

Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.

ROM 14:13

Cucaah i sawi ti hlah u sih, aho pauh nih mah unau caah dawntu le tluktertu si lo kha i tim cio u sih.

JOHAN 16:23

Cuniah cun nannih nih zeihmanh nanka hal lai lo. Biataktein, biataktein, kan chimh hna, Pa sinah zei pauh nan hal ahcun keimah min in an pêk hna lai.

JOHAN 14:19

“A rauh hlan ah vawlei nih anka hmu ti lai lo, asinain nannih nih cun nan ka hmuh lai, ka nun ruangah nan nih zong nan nung ve lai.

MATTHAI 20:28

Mi fapa hmanh hi rianṭuanpiakmi si awk ah a rat ṭung lo, rianṭuan ding le mitampi tlanhnâk caah a nunnâk pêk awkah pei a rat cu, tiah a ti.

LAMKALTU 2:24

kha Pa kha Pathian nih a thawhter i a fakmi thihnâk in a chuahter, zeicatiah thihnâk nih a tlaihpeng khawh nâkhnga lo a thawhter ṭhân.