ROM 7:4 - Laibaibal Thiang (BSI)

⁴ Cucaah ka ule nau hna, Krih pum ruangah nawlbia chungin nan thi cang; cuticun midang, thihnâk in thawhter Mi kha nan vat khawh cang i Pathian sinah theitlai nan chuah khawh cang lai.

Lai (Hakha) Common Language Bible 2006

⁴ Cu bantuk cu nannih zong nan si ve, ka naule hna. Nawlbia lei in ti ahcun nannih cu a thimi nan si cang, zeicahtiah Khrih pum chungah nan i tel cang; cun Pathian rian ah santlaimi kan si nakhnga, atu cu thihnak in thawhtermipa ta kha nan si cang.

ROM 7:4 Խաչաձեւ Հղումներ

1 PETER 2:24

Sualnâk leiah kan thih i dinnâk lei ah kan nun khawh nâkhnga, a taksa hrimhrim in thing cungah kan sualnâk kha a phorh i an tuknâk hma in nan dam cang.

ROM 8:2

Zeitintiah Krih Jesuh nunnâk Thlarau nawlbia nih sual le thihnâk nawlbia chungin a ka chuahter cang.

EFESA 2:15

phunglam le nawlbia le nawlpêk hna nih an chuahpi mi ralnâk cu a taksa in a hrawk i pahnih hna cu Amah ah mithar pumkhat ah ser in, daihnâk kha a ser,

ROM 7:6

Asinain atu nawlbia chungin chuahter kan si cang i a kan ṭemtu kha kan thihtâk cang, cuticun ca i ṭialmi phunghlun si ti loin Thlarau tharin rianṭuantu kan si cang.

GALATI 5:18

Asinain Thlarau hruai i nan um ahcun, nawlbia tangah nan um ti lo.

KOLOSE 1:22

Ahmai ah thiang te le dotla le sawiawk um loin an umter khawh hna nâkhnga a thihnâk thisa le pum ah-

ROM 6:22

Asinain sualnâk in zalonter nan si hnu i Pathian sal nan si ah hin, thiannâk theitlai chuah khawhnâk nan ngei, a donghnâk i zungzal nunnâk he.

GALATI 3:13

Krih cu kan ai awh-in chiatserh a si i nawlbia chiatserhnâk chungin a kan tlanh cang (zeitintiah thingkung cungah thlaimi pauh cu chiatserhmi an si,” tiah ṭial a rak si,)

ROM 6:14

Zeitintiah sual nih nan cungah nawl a ngei ti lai lo, zeicatiah nawlbia tangah nan um ti lo i zângfahnâk tangah nan um cang.

KOLOSE 2:14

kan leiba ṭialnâk câ, nawlpêk in ṭialmi, a kan ralchantu le dawnkhântu kha a hrawh cang, cucu vailam ah khenhchih in lo diam a lâk cang.

KOLOSE 1:10

Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,

FILIPI 1:11

Pathian suparnâk le thangṭhatnâk caah, Jesuh Krih i a ummi dinnâk theitlai in nan khat lai.

BIAPHUAN 19:7

I lawm in i nuam u sih, Amah cu sunparnâk pe u sih, zeitintiah Tuufano nupi ṭhit cân kha a phân cang, a nupi ding zong â tim cang.”

ROM 6:2

Sualpeng naisai hlah! Kannih sual i a thi cangmi hi zeitindah sualin kan nun khawh lai?

KOLOSE 2:20

Cucaah vawlei cawnpiaknâk hrampi cu Krih sinah nan thihtâk hnu ah, zeiruangahdah vawilei mi bangin nan nun ṭhân i vawilei sining tangah um ṭhân in-

KOLOSE 1:6

cucu vawlei vialte ah a phân i theitlai a chuah bantukin nan sin zongah a rak phân, Pathian zângfahnâk biatak nan ngaih i nan hngalh hnuah nanmah lak zongah theitlai a chuah cuahmah lio a si;

FILIPI 4:17

Thilpêk ka kawl lo, nanmah ah theitlai kha karh hna seh ti kha ka kawlmi a si.

JOHAN 3:29

Mo ngeitu cu a ṭhitmi va a si, asinain mo ngeitu hawi, a bia a rak ngai zungzal tu nih mo ngeitu aw a theih tikah â lawm tawn. Cucaah kei zong kâ lawmhnâk a tling cang.

MATTHAI 26:26

Rawl an ei lioah Jesuh nih changreu a lâk i thluachuah a pêk, a cheu i lamkaltu hna sinah a pêk, “La u law, ei tuah u; hihi ka pum a si,” tiah a ti.

BIAPHUAN 21:9

Cuticun vanmi pasarih lak i pakhat hremnâk i a khatmi hrai pasarih â putmi nih a hun ka chawnh i ka sinah, “Ra tuah, Tuufano nupi, a mo cu kan hmuh sak lai,” tiah a ti.

HEBRU 10:10

Cu duhnâk in Jesuh Krih taksa voikhat ah zungzal ca pêkchanhnâk thawngin thianter kan si cang.

2 KORIN 11:2

Zeitintiah Pathian hnahchuahnâk in dah kaw kan hnahchuah hna. Krih sinah cun ngaknu thiang bangin kan pêk khawh hna nâkhnga va pakhat kan ham piak hna.

1 KORIN 10:16

Thluachuahnâk hrai, thlua kan chuah tawnmi hi, Krih thisen hrawmpinâk a si lo maw? Changreu kan cheumi zong hi Krih taksa hrawmpinâk a si lo maw?

JOHAN 15:8

Tampi in theitlai nan chuah ah hin ka Pa cu thangṭhat in a um tawn. Cuticun aka zultu nan si lai.

JOHAN 6:51

Keimah hi van in a rungṭummi changreu nung ka si. Hi changreu a eimi pauh, zungzal in a nung peng lai. Vawlei nunnâk dingah ka pêk hngami changreu cu ka taksa hi a si.” tiah a ti.

MARKA 4:20

Asinain leiṭha i vorh cu hibantuk hi an si; bia cu thei in a pom i a let sawmthum, a let sawmruk, a let zakhat i theitlai a chuahmi hna an si,” tiah a ti.

ROM 6:11

Cubangin nannih zong sualah a thi cangmi ah i ruat u law, kan Bawipa Jesuh thawngin Pathian ah a nungmi ah i ruat u.

ROM 7:3

Cuticun ava nun lioah va dang a ngeih ahcun ṭangdang kai an ti lai; ava a thih ahcun, va phungin thlah a si caah, vadang a ngeih zongah ṭangdang kai a si lai lo.