ROM 5:9 - Laibaibal Thiang (BSI)

⁹ Culawng hmanh si loin, a thisen i thiamcoter kan si hnu ah, Amah thawngin thinhunnâk chungin khamh kan si lai.

Lai (Hakha) Common Language Bible 2006

⁹ A thihnak hmanh nih Pathian he a kan remter ahcun zeitluk in dah Pathian thinhunnak chung cun amah nih cun a kan khamh chinchin lai.

ROM 5:9 Խաչաձեւ Հղումներ

1THESALON 1:10

A Fapa, thihnâk in a thawhter i a ra laimi thinhunnâk chungin a kan khamhtu Jesuh vanin a rat lai nâk hngahhlang ngaiin nan cuanhning hna cu anmah hrim hrim nih an chim lênmi a si.

ROM 8:1

Cucaah atu cu Krih Jesuh ah a um i thisa duhnâk zul loin, Thlarau duhnâk a zulmi hna caah cun thiamlocoternâk zeihmanh a um ti lo.

EFESA 2:13

Asinain atu cu Krih Jesuh ah, nannih lam hla pi ah a ummi kha Krih thisen in nai te ah chiah nan si cang.

JOHAN 5:24

“Biataktein biataktein, kan chim hna, ka bia a thei i aka thlahtu a zummi pauh cu zungzal nunnâk a ngei cang, biaceihnâk ah a phân lai lo, thihnâk in a chuak cang i nunnâk ah a lan cang.

ROM 5:1

Cucaah zumhnâk thawngin thiamcoter kan si caah, ka Bawipa Jesuh Krih thawngin Pathian he remnâk kan ngei.

ROM 1:18

Dinlonâk in biatak lamhchihtu le Pathian-zeirellonâk le dinlonâk vialte cungah Pathian thinhunnâk cu van in langhter a si,

HEBRU 9:22

Cun nawlbia ning ah zeizong vialte dengmang hi thisen in thianter a si tawn, thisen chuah loin ngaihthiamnâk a um lo.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

ROM 8:30

Cu hlei ah a khaukhihmi hna cu a kawh hna i a kawhmi hna cu thiam a coter hna, thiam a cotermi hna cu a thangṭhat hna.

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

ROM 5:10

Zeitintiah ral kan si lio hmanhah a Fapa thihnâk thawngin Pathian he kan i remṭhân ahcun, atu kan i remṭhân hnu ah a nunnâk ruangah khamh kan si chin chin lai.

EFESA 2:3

kannih zong hlanah cun kan thisa duhnâk zulin anmah bantukin kan rak um ve, thisa ruahnâk le duhnâk zulh in kan rak nung i midang bantukin kan kokek in thinhunnâk fa kan rak si.