ROM 5:2 - Laibaibal Thiang (BSI)

² amah thawng lila in atu i kan dirnâk, hi zângfahnâk ah hin, zumhnâk in kan lut i lawmhnâk he Pathian sunparnâk kan i ruahchan.

Lai (Hakha) Common Language Bible 2006

² Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam.

ROM 5:2 Խաչաձեւ Հղումներ

EFESA 2:18

Amah thawngin Pa sinah Thlarau pakhat in luhkhawhnâk kan ngei.

EFESA 3:12

Amah i zumhnâk thawngin amah lila ah khan ralṭha le ngamh ngaiin luh khawhnâk kan ngei.

1 KORIN 15:1

Cuhleiah unau hna, thawngṭha ka chimmi kha nan cohlan i dirnâk ah nan hmanmi kha, cu bia cu chimh ṭhan kan duh hna,

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

ROM 12:12

ruahchanhnâk ngeiin i lawm ulaw, harnâk lakah inkhawhnâkin, ṭhahnem ngaiin thla cam lengmang ko u.

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

2 THESALON 2:16

Cubangin kan Bawipa Jesuh Krih le kan Pa Pathian a kan dawtu le zângfahnâk ruangah zungzal hnangamnâk le ruahchannâk ṭha a kan petu Amah hrimhrim nih,

JOHAN 10:9

Kei cu innkâ ka si. keimah i a lutmi pauh cu khamh in a um lai. A lut in a chuak lai i eiawk a hmuh lai.

2 KORIN 4:17

Atu mitṭhep chung i harnâk hmete kan teminmi hi, tahchunh khawh lomi zungzal sunparnâk i a kan luhtertu an si.

JOHAN 5:24

“Biataktein biataktein, kan chim hna, ka bia a thei i aka thlahtu a zummi pauh cu zungzal nunnâk a ngei cang, biaceihnâk ah a phân lai lo, thihnâk in a chuak cang i nunnâk ah a lan cang.

SALM 17:15

Kei nih cun, dinnâk he na hmai ka hmuh lai, nangmah bangin kâ hlauh tikah ka di a riam te lai.

ROM 15:13

Thiang Thlarau ṭhawnnâk thawngin ruahchannâk in a khatmi nan sikhawh nâkhnga, ruahchannâk Pathian nih nan zumhnâk ah lomhnâk le daih nâkin in khahter hna seh.

BIAPHUAN 21:23

Khualipi nih ceuhtu dingah ni le thla a herh lo, zeitintiah Pathian sunparnâk nih a ceuh dih. Tuufa cu an meiin a si.

BIAPHUAN 21:3

Vanin a thang ngaimi aw nih, “Zohhmanh, Pathian biakthlâm cu minung sinah a um ai, Anih cu an sinah a um lai, annih cu ami le an si lai. Pathian hrimhrim nih a umpi hna lai i an Pathian a si lai.

ROM 5:5

Cun ruahchannâk nih kan lung a donghter bal lo, zeicatiah kan sinah a kan pêkmi Thiang Thlarau thawngin Pathian dawtnâk cu kan lungthin chungah toih a si cang.

ROM 3:23

mi vialte an sual dih cang i Pathian sunparnâk an co kho ti lo,

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

JOHAN 10:7

Jesuh nih an sinah a chim ṭhân i, “Biataktein, biataktein kan chimh hna. Keimah hi tuuluhnâk innkâ ka si.

SALM 73:24

Na remruatnâk in naka hruai lai, cuhnuah sunparnâk ah cohlan ka si lai.

BIAPHUAN 21:11

Pathian sunparnâk a ngeimi, a ceuning cu a sunglawi bik lungvar bantuk, jasper le crytal lungvar bantuk a si.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

HEBRU 6:18

cucu thlenkhawh lomi thil pahnih: lihchim kholo Pathian a sinâk le, kan hmai i a chiahmi ruahchannâk hmuh awkah le himnâk ca i a zâmmi hna caah a ṭhawngmi hnangamnâk kan ngeih khawhnâk kha an si.

ROM 8:24

Zeitintiah ruahchannâkin dahkaw khamh kan si cu. Asinain hmuh khawhmi ruahchannâk cu ruahchannâk a si bal lo. Zeitindah mi nih a hmuh cangmi cu â ruahchan khawh lai?

ROM 8:1

Cucaah atu cu Krih Jesuh ah a um i thisa duhnâk zul loin, Thlarau duhnâk a zulmi hna caah cun thiamlocoternâk zeihmanh a um ti lo.

LAMKALTU 14:27

An phâk hnu ah kawhhran kha an kawh hna i Pathian nih anmah hmangin a tuahmi vialte le Gentel mi hna caah zumhnâk lam Bawipa nih a onpiaknâk kong kha an chim hna.

MATTHAI 25:21

Apu nih, zumhawktlâk le sinum ṭha na si, na ti ṭha ngaingai, tlawmte cung i zumh awk na tlâk caah tampi cungah kan umter lai, napu lawmhnâk chungah lut tuah, tiah a ti.

EFESA 6:13

Cucaah ni ṭhalo ah nan dir khawh nâkhnga le, nan tei dih hnu zongah nandir khawh peng nâkhnga, Pathian ralthuam tlingin i thuam u.

2 KORIN 3:18

Asi kan nih cu hmaikhuh loin Bawipa sunparnâk cu thlalang i kan hmuh bangin kan zoh, Amah muisam keng dingin, Bawipa Thlarau nih sunparnâk in sunpar chinchin nâkah thlen in kan um cuahmah lio a si.

ROM 14:4

Midang sin-um a sawitu cu ahodah na si? A dirah siseh, a tlukah siseh, amah uktu sinah a si. Asinain amah cu dirter a si ko lai, zeitintiah Pathian nih a dirter khawh ko.

PHUNGTHLÛKBIA 14:32

Misuaksual cu a suahsualnâk lila nih a ṭhawl, asinain miding cu a thihnâk ah himnâk hmun a ngei.

ROM 11:20

A si ko. An zumh lo ruangah tanmi an si, nang tu cu na zumh ruang i pehmi na si. I porhlaw hlah, a ṭih tu ṭih deuh.