ROM 5:10 - Laibaibal Thiang (BSI)

¹⁰ Zeitintiah ral kan si lio hmanhah a Fapa thihnâk thawngin Pathian he kan i remṭhân ahcun, atu kan i remṭhân hnu ah a nunnâk ruangah khamh kan si chin chin lai.

Lai (Hakha) Common Language Bible 2006

¹⁰ Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

ROM 5:10 Խաչաձեւ Հղումներ

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

EFESA 2:16

cun i ralnâk kha thah piakin pahnih hna cu vailamtahnâk thawngin Pathian ah taksa pumkhat ah can terin i remṭhânnâk kha a tuah khawh lai.

BIAPHUAN 1:18

Keimah cu a nungmi ka si, ka rak thi cang, cun zohhmanh zungzal ca in ka nung cang. Amen. Thihnâk le Mithikhua tawh kha ka ngeih hna.

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

ROM 8:34

ahonihdah thiamlo a coter lai? A thimi kha Krih a si, culawng hmanh si loin, a tho ṭhân i Pathian orhlei kamah um in a kan nawlpiaktu cu amah ṭhiamṭhiam kha a si.

ROM 8:7

Zeicatiah thisa lungput nih Pathian a ralchanh i Pathian nawlbia tangah um a duh lo, a um zong a um kho lo.

HEBRU 2:17

Cucaah minung hna caah sualngaihthiamnâk tuahpiak dingin, Pathian lei ah Tlângbawi Nganbik, velngeimi le zumhtlâk a si khawh nâkhnga zeizong kipah a unau hna bang i a run i can kha a ca zongah a herhmi a si.

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

ROM 11:28

Thawngṭha lei in ti ahcun nanmah ruangah ral an si i thimnâk lei in ti ah cun hringtu hna ruangah dawtmi an si.

ROM 5:11

Culawng a si lo, atu Amah thawngin remṭhannâk kan co hnu ah kan Bawipa Jesuh Krih thawngin Pathian zongah kan i lawm.

JOHAN 14:19

“A rauh hlan ah vawlei nih anka hmu ti lai lo, asinain nannih nih cun nan ka hmuh lai, ka nun ruangah nan nih zong nan nung ve lai.

JOHAN 6:57

A nungmi Pa nih aka thlah i Pa thawngin a nungmi ka si bangin, aka eitu pauh cu keimah thawngin a nung ve lai.

JOHAN 6:40

Cun hihi aka thlahtu duhning a si, Fapa a hmu i a zummi pauh nih zungzal nunnâk ngeiseh law, cun ni dongh ni ah keimah nih ka thawhter lai,” tiah a ti.

JOHAN 5:26

Zeitintiah Pa nih Amah ah nun a ngeih bantukin Fapa zong Amah ah nun a ngeihkhawhnâk a pêk,

ROM 5:6

Zeitintiah ṭhawnnâk ngei loin kan um ko lioah, cu cân theng te ah Krih cu Pathian-zeirellotu kan caah a thi.

2 KORIN 5:20

Cubangin Krih aiawh in lamkaltu kan si, Pathian nih kanmah hmangin an nawl hna: Pathian he i remṭhân u tiah Krih aiawh in kan in nawl hna.

EFESA 2:3

kannih zong hlanah cun kan thisa duhnâk zulin anmah bantukin kan rak um ve, thisa ruahnâk le duhnâk zulh in kan rak nung i midang bantukin kan kokek in thinhunnâk fa kan rak si.

1JOHAN 2:1

Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

1JOHAN 4:10

Dawtnâk cu hihi a si, Pathian kan dawt hi si loin, Amah nih a kan dawt i kan sualnâk hna ngaihthiamnâk ah a Fapa a run thlahmi hi a si.