ROM 4:16 - Laibaibal Thiang (BSI)

¹⁶ Cucaah biakamnâk nih mi vialte a khumh khawh nâkhnga nawlbia ngeitu hna lawng si loin, kan dihlak zumhnâk pa Abraham bantuk i zumhnâk ngeitu zong a khumhchih khawh nâkhnga zumhnâk thawngin zângfahnâk i pêk a si.

Lai (Hakha) Common Language Bible 2006

¹⁶ Cu biakamnak cu velngeihnak thawng lawnglawng in a si i Abraham tefa vialte hna caah khan a si, Nawlbia a zulmi hna ca lawngah khan si loin Abraham zumh bantukin a zummi hna dihlak caah khan a si ti hngalhnak caah zumhnak cungah khan a hram cu bunh a si.

ROM 4:16 Խաչաձեւ Հղումներ

EFESA 2:8

Zeitintiah zumhnâk thawngin zângfahnâk i khamh nan si, cucu nanmah ta a si lo, Pathian thilpêk a si,

GALATI 3:22

Asinain Jesuh Krih zumh ruang i biakammi cu a zumtu hna sin i pêk a si khawh nâkhnga, Cathiang nih zeizong vialte hi sual nawlngeihnâk tangah a hrenh dih hna, tiah a ti.

ROM 9:8

Pumsa i hrinsornâk i hrinmi kha Pathian fa an si hlei lo, bia kamhmi fa le tu kha, phuntungtu i relchihmi cu an si.

TITAS 3:7

cuticun zungzal nunnâk ruahchannâk ningin rocotu kan si khawh nâkhnga a zângfahnâk i thiamcoter kan si.

EFESA 2:5

nawlbuar ruang i a thimi kan si lio ah, Krih sinah a kan nunter (zângfahnâk in khamh nan si),

ROM 15:8

Cubangin hringtu hna sinah a sermi a biakam fehter dingah Pathian biatak thawngin, Jesuh Krih cu cuarpartanmi hna sinum ah â cang,

ROM 5:1

Cucaah zumhnâk thawngin thiamcoter kan si caah, ka Bawipa Jesuh Krih thawngin Pathian he remnâk kan ngei.

2 PETER 1:10

Cucaah unau hna, kawh nan sinâk le thim nan sinâk hi fehter dingin teihmâk chuah chin chin u, cucu nan tuah ahcun zeitikhmanhah nan tlu lai lo.

ROM 4:11

Cuarpar tan lo i a um lioah, zumhnâk thawngin dinnâk a hmu tiah hmelchunhnâk, cuarpartan hmelchunhnâk zong a simi cu a hmuh cang; cuticun cuarpar tan lomi zong siseh miding i ruah an si khawh nâkhnga le, a zumtu vialte pa a si khawh nâkhnga,

LUKA 19:9

Jesuh nih, “Nihin ah hi innah khamhnâk a phân, zeicatiah amah zong Abraham fapa a si ve;

ROM 3:22

cucu Pathian dinnâk, Jesuh Krih zumh ruangah a zummi vialte sin i langhtermi cu a si. Zeitintiah thleidannâk zeihmanh a um lo;

ROM 3:30

Pathian pakhat lawnglawng a um i zumhnâk thawngin cuarpar tanmi hna le, zumhnâk in cuarpartan lomi hna thiamcotertu a si.

GALATI 3:14

cuticun Abraham sin i thluachuahnâk cu Krih Jesuh thawngin Gentel mi hna cungah a um kho lai, cuticun zumhnâk thawngin kamhmi Thlarau kha kan hmuh khawh lai.

GALATI 3:16

Cuticun Abraham le a tefa sinah bia cu kamh a rak si. Mi tampi sin chim bangin, na tefa hna sinah, a ti lo i mi pakhat sawh in, na tefa sinah, ti a si, cucu Krih hi a si.