ROM 3:8 - Laibaibal Thiang (BSI)

⁸ Cun zeiruangahdah, “Thilṭha a chuah khawh nâkhnga, sualnâk tuah usih, tiah kan ti ko lo? Mi cheukhat nih cubantuk chimtu ah anka puh. A cheu nih a chim tak takmi ah anka ruah. Thiamlo an co termi cu a dikmi a si.

Lai (Hakha) Common Language Bible 2006

⁸ “Ṭhatnak a chuah nakhnga ṭhat lonak kha tuah u sih,” tiah zeicaah kan ti ko kun lo? Cu hrimhrim cu a chimmi a si, tiin mi cheukhat nih an ka thangchiat. Cu bantuk mi pawl cu sualphawt awk tlak an si bantukin sualphawt an si ko lai.

ROM 3:8 Խաչաձեւ Հղումներ

ROM 6:1

Zeidah kan chim kun lai? Zângfahnâk cu a tam chih chin nâkhnga kan sual peng ko lai maw?

ROM 6:15

Zeitindah a si kun lai? Nawlbia tangah um loin zângfahnâk tang i kan um caah kan sual kun lai maw? Sual naisai hlah!

ROM 7:7

Zeidah kan chim kun lai? Nawlbia cu sual a si maw? Si naisai hlah! Khatte lei khelin, Nawlbia um hlah sehlaw sual hi sual a si kan hngal lai lo. Nawlbia nih, ‘hngar hlah’ ti hlah sehlaw, ‘hngar’ hi sual a si kan hngal lai lo.

ROM 5:20

Cu hlei ah, nawlbia a um tikah sualnâk a tam chin. Asinain sualnâk a tam pauh le zângfahnâk a tam chinchin ve,

JUDAS 1:4

Zeitintiah mizei maw a thliin an lut, cu hna cu Pathian-zeiaharellomi an si, Pathian zângfahnâk hi hornâk caah an hman i kan ngeih chun, Bawipa Pathian le kan Bawipa Jesuh Krih zong an hlawt, cubantuk mi hna cu hlan lio pi khan thiamlo co ding ah ruah ciami an si.

MATTHAI 5:11

Keimah ruang i lih le thilṭha lo phunkip an in puh hna i serhsat le sikvelh nan tuar tikah mithluachuak nan si te lai.

2 KORIN 6:8

thangṭhatnâk le mualphoternâk, chimchiat le thangṭhatnâk hna ah; hlengtu bantukin, mi dik ngai si ṭung in,

2 KORIN 11:15

A rianṭuantu hna zong dinnâk rianṭuantu bangin i umter hna hmanhsehlaw khuaruahhar awk a si lo. An tuahning tein an dongh te ko lai.