ROM 3:5 - Laibaibal Thiang (BSI)

⁵ Kan dinlonâk nih Pathian dinnâk cu a langhter ahcun zeidah kan chim kun lai? Pathian nih thinhunnâk a langhter ah hin a dik lo tinâk a si hnga maw? (Minung phung ningin ka chimmi a si)

Lai (Hakha) Common Language Bible 2006

⁵ Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

ROM 3:5 Խաչաձեւ Հղումներ

ROM 6:19

Nan thisa zângdernâk ruangah minung phungin ka chim lai. Zeitintiah nan pum ṭengnge hna cu thurhnawmhnâk le nawlbuar nâkin nawlbuar chinnâk sal ah nan rak pêk cang bantukin, atu ah cun nanpum ṭengnge hna kha thianhlimnâk phâkpi dingin dinnâk sal ah pe ve cang u.

GALATI 3:15

Unau hna, minung phungin ka chim. minung biakam zong sihmanhsehlaw, fehter cangmi cu an phoih ballo i an chap bal fawn lo.

1 KORIN 9:8

Hi kong hi minung phung menmen i chim ka si maw? Nawlbia zong nih hihi a chim ve lo maw?

ROM 7:7

Zeidah kan chim kun lai? Nawlbia cu sual a si maw? Si naisai hlah! Khatte lei khelin, Nawlbia um hlah sehlaw sual hi sual a si kan hngal lai lo. Nawlbia nih, ‘hngar hlah’ ti hlah sehlaw, ‘hngar’ hi sual a si kan hngal lai lo.

ROM 4:1

Pumsa lei in hringtu kanpa Abraham nih zeidah a hmuh kan ti lai?

ROM 2:5

Na luhlul le na lungkhawnning rupin thinhunnâk ni le Pathian biaceihnâk fel a ra laimi caah thinhunnâk nâ khon luaimai mi a si.

BIAPHUAN 18:20

“Maw van, nannih lamkaltu le profet a thiangmi hna, i lawm tuah u, zeitintiah Pathian nih nanmah ai awh in a lehrulh ve cang!” tiin.

BIAPHUAN 15:3

Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

1 KORIN 15:32

Efesa khua i sahrang hna kha minung phungin ka doh ahcun ka caah zeidah a ṭhahnem hnga? Mithi hna an thawhṭan lo ding ahcun, “Ra u, ei in ding hna u sih, thaizing ah pei kan thih ko lai cu.”

ROM 12:19

Dawtmi hna, teirul i cham hlah u, thinhunnâk caah hmun tu kian u; zeitintiah, “Phuhlam cu Keimah rian a si, Keimah nih ka lehrulh lai, Bawipa nih a ti,” tiah ṭial a si.

ROM 6:1

Zeidah kan chim kun lai? Zângfahnâk cu a tam chih chin nâkhnga kan sual peng ko lai maw?

ROM 3:19

Cubangin nawlbia nih a chimmi pauh cu nawlbia tang i a ummi caah a chimmi a si tiah kan hngalh. Kâ vialte cu huh a si nâkhnga le vawlei mi vialte Pathian hmai i thiamlo coh an si khawh nâkhnga.

ROM 3:7

Zeitintiah lih ka chimmi nih Pathian diknâk le sunparnâk a chapchin a si ahcun zeicadah keimah zong cu misual aka ti ko rih lai?

ROM 5:8

Asinain Pathian nih a dawtnâk cu kan sinah hitihin a langhter. Misual kan si ko rih lioah Krih cu kan caah a thi.

ROM 8:31

Hi kongah hin zeitindah kan chim lai? Pathian kan leiah a `an ahcun ahonihdah a kan doh khawh lai?

ROM 9:30

Zeidah kan chim kun lai? Gentel mi, dinnâk a dawi lomi hna nih zumhnâk thawngin dinnâk kha an phâk cang,

2 KORIN 6:4

Pathian rianṭuantu sinâk he â tlakin zeithil pauh ah mi mit hmai kan zoh tawn. Thinfual te i teminnâk, harnâk, chamhbaunâk, vansannâk ah siseh,

2 KORIN 7:11

Pathian duhning i ngaihchiatnâk nih a chuahpi mi hna cu hun zoh hna u sih law; taihmâknâk, mah le mah kilvennâk, sual huatnâk, sual tuah ngamlonâk, ṭhatnâk lei duhnâk, ṭhahnem ngaihnâk, sual dântat duhnâk te hna an ngeihter hna. Hi thil vialte hna chungin chuah nan si zia hi nan hngalh.

GALATI 2:18

Ka ṭheh ciami ka sak ṭhân ahcun, nawlbuartu ah kâ chuah hnga lo maw.