ROM 3:3 - Laibaibal Thiang (BSI)

³ Zeitintiah cheukhat nih zum loin um hna sehlaw zeitindah a si lai? An zumhlonâk nih khan Pathian zumhtlâk a sinâk kha zeihmanh loah a canter tinâk a si maw?

Lai (Hakha) Common Language Bible 2006

³ Asinain a cheu kha zumh awk tlak lo an rak si si kaw, zeitindah a si kun lai? Cu ruangah cun Pathian zong cu zumh awk tlak lo a si ve lai tinak a si maw?

ROM 3:3 Խաչաձեւ Հղումներ

2TIMOTE 2:13

Zumh tlâk loin kan um hmanh ah Amah cu zumhtlâk a si zungzal. Amah le Amah â hlaw kho lo.

HEBRU 4:2

A ngaingai tiah, kan sin i chim a si bangin Thawngṭha kha an sin zongah chim a si ve ko, asinain a ngaitu hna nih zumhnâk he an fonh hna lo ruangah an ngaihmi bia kha san an tlaihpi lo.

ROM 9:6

Asinain Pathian bia cu zeihmanhloah â cang lo. Zeitintiah Israel mi hna hi Israel mi taktak an si dih theng lo.

2 THESALON 1:3

Unau hna nanmah kongah Pathian sinah lawmhnâk bia chim awk kan ngei, cucu kan tuah awk hrimhrim a si, zeicatiah nan zumhnâk kha a ṭhang ngaingai i pakhat le pakhat nan i dawtnâk zong a karh chin leng mang,

ROM 10:16

Asinain thawngṭha bia cu an dih lakin an zum lo. Isaiah nih hitihin a chim. (Bawipa, kan chimmi ahonihdah an zumh?) tiin.

SALM 84:7

Ṭhawnnâk in ṭhawn chin chinnâk ah an kal tawn, Zion i Pathian hmai ah an i langh tawn.

2 KORIN 3:18

Asi kan nih cu hmaikhuh loin Bawipa sunparnâk cu thlalang i kan hmuh bangin kan zoh, Amah muisam keng dingin, Bawipa Thlarau nih sunparnâk in sunpar chinchin nâkah thlen in kan um cuahmah lio a si.

MATTHAI 24:35

Lei le van an rawk lai, ka bia cu zeitilei hmanh in a rawk lai lo.

ROM 11:29

Zeitintiah Pathian thilpêk le kawhnâk hi lêt khawh a si ti lo.

JOHAN 1:16

A tlamtlinnâk kan co cio, zângfah hnu i zângfah chinnâk he.