ROM 2:9 - Laibaibal Thiang (BSI)

⁹ harnâk le ngaihchiatnâk kha sualnâk a tuahtu hna thlarau cungah a um lai. Judah mi thlarau cungah a um hmasa lai i Grik mi thlarau cung zongah a um lai.

Lai (Hakha) Common Language Bible 2006

⁹ Ṭhat lonak a tuahmi nih an dihlak in nganfahnak le temhinnak kha an hmuh lai, a ing hmasatu cu Judah mi an si lai i cun Jentail mi an si ve lai.

ROM 2:9 Խաչաձեւ Հղումներ

1 PETER 4:17

Zeitintiah biaceihnâk cu Pathian chungkhar ah hin thawk a za cang, kanmah hmanh i a thawk ahcun, Pathian Thawngṭha zum duh lo hna donhgnâk cu zeitlukdah a si te lai?

ROM 1:16

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

2 THESALON 1:6

harnâk an tuartertu hna harnâk lila i lehrulh cu Pathian ruahah a dingmi a si.

ROM 9:24

kannih zong hi a kawhmi kan si, Judah mi lawng si loin Gentel mi zong an si ve lo maw?

ROM 2:10

Asinain ṭhatnâk a tuahtu hna cungah sunparnâk le upatnâk le daihnâk kha pêk an si lai. Judah mi sinah pêk hmasat a si lai i Grik mi sin zongah pêk a si lai.

LAMKALTU 3:26

Pathian nih a Sal Jesuh cu a chuahter i thluahchuah petu le nan sualnâk mertâk cio dingin, nanmah sinah a hmasabik ah a run thlah,” tiah a ti.

LUKA 24:47

cun Amah min in ngaihchihnâk le sual ngaihthiamnâk kong kha Jerusalem khua in an thawk lai i mi phunkip sinah chim a si lai.

KOLOSE 3:11

Cukaah cun Grik mi le Judah mi, cuarpartan le tanlo, miphun niam, Skuthia mi, sal le miluat zong um khawh a si lo, Krih cu zeizong ah zeizong a si.

GALATI 3:28

Cuka ah Judah siseh, Grik siseh um khawh a si lo. Cuka ah sal siseh, miluat siseh um khawh a si lo, pa le nu zong an um kho hlei lo. Krih Jesuh ah nan dik lakin pumkhat nan si.

ROM 10:12

Judah le Grik kar lakah thleidannâk zeihmanh a um lo, an dihlak cungah Bawipa cu Bawipa pakhat a si. Amah a kotu vialte cungah a ṭha.

LAMKALTU 28:28

“Cucaah Pathian khamhnâk bia hi Gentel mi hna sinah kuat a si cang tihi hngal ko u, annih nih an ngaih lai,” tiah a ti.

LAMKALTU 28:17

Nithum hnuah Paul nih Judah mi hruaitu a auh hna, an rat tikah an sinah, “Unau hna, mi vialte le pupa hna phung cungah zeihmanh sualnâk ka tuah lo nain Jerusalem khua in Rom cozah kutah an ka chanh,

LAMKALTU 26:20

cuticun Damaska khua mi hna sinah le Jerusalem khua mi hna sinah ka phuan hmasa bik, cun Judia ram dihlak i mi vialte sinah le, Gentel mi hna sin zongah, an i ngaihchih i Pathian leiah an i mer i ngaihchihnâk he â tlakmi thil hna an tuah nâkhnga ka phuan tawn.

LAMKALTU 20:21

Judah mi le Grik mi hna sin zongah an i ngaihchih i Pathian lei i an i mer nâkhnga kan Bawipa Jesuh Krih i zumhnâk an ngeih khawh nâkhnga ka theihter tawn hna,

LAMKALTU 13:26

Ule nau Abraham chungkhar le tefa hna, nan lakah Pathian a ṭihtu vialte hna, hi khamhnâk bia hi nan sinah kan rak phanhpi.

LAMKALTU 11:18

Cu bia cu an theih tikah an dai i, “Cutiasiahcun Pathian nih Gentel mi zong nung dingin ngaihchih a sian ve hna a si cu,” tiah Pathian an thangṭhat.

MATTHAI 16:26

Zeitintiah mi pakhat khat nih vawlei hi a dih lakin ngei sehlaw, a nunnâk a sungh ahcun san a tlai hnga maw? Asiloah mi nih a nunnâk caah zeidah a pêk kun hnga?

SALM 32:10

Lungkuainâk tampi cu misual caah a si, asinain BAWIPA â bochanmi hna cu vêl nih a kulh hna lai.

PHUNGTHLÛKBIA 11:23

Miding duhnâk cu ṭhatnâk lawnglawng a si i misuaksual hngahmi cu thinhunnâk a si.

ROM 8:35

Krih dawtnâk chungin zeinihdah a ka ṭhen khawh lai? Harnâk nih maw, ngaihchiatnâk nih maw, serhsatnâk nih maw, pâmnâk nih maw, taklawng umnâk nih maw, ṭihnung nih maw, vainam nih maw a kan ṭhen hnga maw?