ROM 2:7 - Laibaibal Thiang (BSI)

⁷ Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

Lai (Hakha) Common Language Bible 2006

⁷ Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 2:7 Խաչաձեւ Հղումներ

LUKA 8:15

Asinain lei ṭha i a tlami tu cu, lungthin fel le ṭha in bia cu an theih, an i cinken peng i tuar khawhnâk he thei tlai an chuah tawn.

2TIMOTE 1:10

asinain kan khamhtu Krih Jesuh â langhnâk in atu ah a langhter. Amah nih thihnâk kha a hrawh i thawngṭha in nunnâk le thihkhawh lonâk kha a phâkter cang,

1 KORIN 15:58

Cucaah, ka dawtmi ule nau hna, fek tein, hninh khawh loin um ulaw, Bawipa rian biatak tein ṭuan zungzal ko u, Bawipa ah nan ṭuanman cu pakpalawng a si lailo ti kha hngal ko u.

ROM 6:23

Zeitintiah sualman cu thihnâk a si, asinain Pathian thilpêk cu kan Bawipa Jesuh Krih thawngin zungzal nunnâk a si.

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

GALATI 6:9

Cuticun thilṭha tuah neng hlah u sih. Kan i thlahdorh lo ahcun a cân te ah kan zûn te ko lai.

ROM 8:18

Zeitintiah atu cân i temtuarnâk hna hi hmailei i langhter ding sunparnâk he cun tahchunh tlâk ah ka ruat lo.

ROM 2:10

Asinain ṭhatnâk a tuahtu hna cungah sunparnâk le upatnâk le daihnâk kha pêk an si lai. Judah mi sinah pêk hmasat a si lai i Grik mi sin zongah pêk a si lai.

SALM 37:3

BAWIPA i bochan law, ṭhatnâk tuah; ram chungah um law, zumhtlâk a sinâk nih an cawm lai.

SALM 27:14

BAWIPA cu hngak ko, na ral i ṭhatter law, na lungthin a ṭhawnter lai, BAWIPA cu hngak, tiah ka chim.

1JOHAN 2:25

Hi bia hi Amah hrimhrim nih a kan kamhmi kha a si, zungzal nunnâk hi.

ROM 9:23

A sunparnâk lianhngan ning a langhter khawh nâkhnga zângfahnâk ûm hna cu sunglawi ngai i um dingin a rak timhlamh cia hna,

JOHAN 5:44

Nannih mah le mah â conglawmmi hna. Pathian in a chuakmi conglomhnâk kawl loin zeitindah nan zumh khawh lai?

SALM 37:34

BAWIPA kha hngak, a lam kha zul law hi ram co dingin an cawisan lai; misuaksual hna hrawh dih an si kha na hmuh hna lai.

HEBRU 6:15

Cuticun lungsau ngaiin a ṭuan hnu ah, kamhmi kha a co.

HEBRU 6:12

cuticun zumhnâk le lungsaunâk thawngin biakam a co cangmi hna zohchunh in nan tha thu hlah seh.

MATTHAI 25:46

Cu hna cu zungzal hrem nâkah an kal lai i miding hna cu zungzal nunnâk ah an kal lai,” tiah a ti hna.

LUKA 21:19

Nan in khawhnâk nih nan nunnâk a khamh lai.

JOHAN 4:36

Fangṭuantu nih hlawh an hmuh tawn, zungzal nunnâk ca ah a ṭuan lio pi a si, a tuhtu le a ṭuntu an i lomhṭi khawh nâkhnga.

1 KORIN 15:42

Cubangin mithi thawhṭhannâk zong a si. Thu kho i tuh in a um i thu kho loin thawhter a si.

1 KORIN 15:50

U le nau hna, thisa le thisen nih hin Pathian pennâk cu a co kho lai lo, thut hmangmi nih thuthmang lo cu a thleng kho lai lo, tiah ka chim.

EFESA 6:24

Kan Bawipa Jesuh Krih zumhtlâk i a dawtu vialte sinah zângfahnâk um ko seh. Amen.

1TIMOTE 1:17

Zungzal Siangpahrang, a thi kho lomi, hmuh khawh lomi, amah lawng a fimmi Pathian sinah zungzal in zungzal tiang upatnâk le sunparnâk um ko seh. Amen.

HEBRU 2:7

Anih cu vanmi nâk in niam deuh ah na ser i sunparnâk le upatnâk kha na chinh, na sermi hna cungah na umter.