ROM 2:22 - Laibaibal Thiang (BSI)

²² Nang, ‘ṭangdang kai hlah’ titu nih ṭangdang na kai maw? Nang milem a fihtu nih, ṭempal thil kha na fir maw?

Lai (Hakha) Common Language Bible 2006

²² “Va cungin pa i duh hlah u,” a titu hna, zeicahdah nan i duh kun? Siasal a fihmi hna, zeicahdah siasal biakinn cu nan ramh kun hna?

ROM 2:22 Խաչաձեւ Հղումներ

MATTHAI 12:39

Anih nih, “Tuchan misual ṭangdang a kaimi hna nih hmelchunhnâk lawng hmuh an duh. Asinain Jona hmelchunhnâk dah tilo cu hmelchunnâk dang zeihmanh pêk an si lai lo.

JEIM 4:4

Nannih ṭangdang a kaimi nu le ṭangdang a kaimi pa le hna! Vawlei he i hawikomhnâk hi Pathian he ralchanhnâk a si kha nan hngal lo maw? Cucaah vawlei hawikawm si a duhmi pauh cu Pathian ral ah â cang tawn.

LAMKALTU 19:37

Zeitintiah hi nan rak hruaimi hna hi biakinn roktu zong an si lo, nan pathian nu an thangchiat fawn lo.

MARKA 11:17

Cuticun a cawnpiak hna, “Ka inn cu miphun vialte caah thlacamnâk inn a si lai,” tiah ṭial a si lo mei? nannih nih mifir kua ah nan canter,” tiah a ti.

MATTHAI 16:4

Tuchan misual le ṭangdang a kaimi hna nih hmelchunhnâk lawng nan ngiat. Jonah hmelchunhnâk dah ti lo, hmelchunhnâk dang zeihmanh pêk a si lai lo,” tiah a ti hna. Cun a chuahtâk hna i lo diam a kal.

SALM 50:17

Nunchimhnâk na huat i ka bia hnu lei ah na hlawnh.

ROM 12:9

Dawtnâk cu zernâk tel loin si seh. Thil ṭhalo kha hua hna ulaw, thilṭha kha i tlaih peng u.