ROM 2:10 - Laibaibal Thiang (BSI)

¹⁰ Asinain ṭhatnâk a tuahtu hna cungah sunparnâk le upatnâk le daihnâk kha pêk an si lai. Judah mi sinah pêk hmasat a si lai i Grik mi sin zongah pêk a si lai.

Lai (Hakha) Common Language Bible 2006

¹⁰ Sihmanhsehlaw ṭhatnak a tuahmi vialte cu Pathian nih sunparnak, upatnak le daihnak kha a pek hna lai; pek hmasami cu Judah mi kha an si lai i cun Jentail mi kha an si ve lai.

ROM 2:10 Խաչաձեւ Հղումներ

1 PETER 1:7

a taktak a simi nan zumhnâk cu, a rawk khomi sui mei in hniksak cangmi nâkin a sung lawi deuh, cucaah Jesuh Krih a rat tikah thangṭhat le upatnâk le sunparnâk he hmuh nan si khawh nâkhnga,

JEIM 3:13

Nanlakah ahodah a fim i a theithiam khomi a um? Â dawhmi nun in an tuahsernâk kha toidornâk in fimnâk i tuahmi a si kha langhter hna seh.

ROM 8:6

Thisa duhnâk lawng ruah cu thihnâk a si. Thlarau thil ruah cu nunnâk le daihnâk a si.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

LUKA 1:79

Muihnâk le thihnâk thladem tang i a ṭhumi hna ceuh awkah daihnâk lam i kan ke a kal khawh nâkhnga, cunglei ni ceu dawh nih a kan zuan hnawh.

JEIM 2:22

Zumhnâk cu a tuahsernâk he an ṭangṭi, cuticun tuahsernâk nih zumhnâk cu tlam a tlinter a si lo maw?

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

ROM 5:1

Cucaah zumhnâk thawngin thiamcoter kan si caah, ka Bawipa Jesuh Krih thawngin Pathian he remnâk kan ngei.

ROM 2:9

harnâk le ngaihchiatnâk kha sualnâk a tuahtu hna thlarau cungah a um lai. Judah mi thlarau cungah a um hmasa lai i Grik mi thlarau cung zongah a um lai.

JOHAN 16:33

Keimah ah hnangam tein nan i dinh khawh nâkhnga hi bia hi nan sinah ka chimmi a si. Vawlei ah hin harnâk nan ton tawn, asinain hnangam tein um u, vawlei cu ka tei cang.”

FILIPI 4:7

cun Pathian daihnâk, theihthiamnâk vialte a lonhtu nih khan nan lungthin le nan ruahnâk kha Krih Jesuh ah a kilven lai.

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

ROM 15:13

Thiang Thlarau ṭhawnnâk thawngin ruahchannâk in a khatmi nan sikhawh nâkhnga, ruahchannâk Pathian nih nan zumhnâk ah lomhnâk le daih nâkin in khahter hna seh.

ROM 14:17

zeitintiah Pathian pennâk cu ei le din a si lo, dinnâk le daihnâk, Thiang Thlarau ah i lawmhnâk te hna hi an si.

ROM 9:23

A sunparnâk lianhngan ning a langhter khawh nâkhnga zângfahnâk ûm hna cu sunglawi ngai i um dingin a rak timhlamh cia hna,

ROM 9:21

Bêllei tlangkhat chungin ûm ṭha deuh le a dang ṭhalo deuh ser dingin ûmsertu nih nawl a ngei lo maw?

LAMKALTU 10:35

Asinain miphun vialte lakah mi zei pauh nih Amah an ṭih i felte i an tuah ahcun a cohlan ko hna.

JOHAN 12:26

Ka rian a ṭuanmi pauh nih ka zul seh. Ka umnâk hmun pauh ah ka rianṭuantu zong a um awk a si. Ka rian a ṭuntu pauh cu ka Pa zong nih a thangṭhat ve lai.

LUKA 22:14

A cân a phâk tikah, Anih cu a ṭhu i lamkaltu hleihnih zong a sinah an um ve.

LUKA 19:42

“Naca i tuahmi daihnâk hi, a hlei in ni hin ni ah hin hei hngal law mu! Asinain atu cu na hmuh lonâk dingah â thup cang.

LUKA 12:37

Anpu rat tikah timhcia tein a rak ummi sinum hna cu mithluachuak an si. Biataktein kan chimh hna, â timhtuah lai i rawl ei awkah a ṭhutter hna lai, amah tu nih a zoh khenh hna lai.

LUKA 9:48

an sinah, “Ka min ruang i hi ngakchiate cohlang tu pauh cu keimah cohlangtu an si, keimah cohlangtu pauh cu aka thlahtu cohlangtu an si. Nanlak ah a hme bik hi a ngan bik a si,” tiah a ti.

MATTHAI 10:13

 tlâkmi an si ahcun, nan i kenmi daihnâk an cungah hmun seh. An i tlâk lo ahcun nan daihnâk kha nan sinah kir ṭhân seh.

PHUNGTHLÛKBIA 11:18

Misuaksual nih hlennâk man a co tawn, asinain dinnâk ci a tuhtu nih a ṭuanman taktak a hmuh lai.

PHUNGTHLÛKBIA 8:18

Rumnâk le upatnâk hi ka sinah a ummi an si, a hmunmi rumnâk le dinnâk a si.

SALM 37:37

Sawiawk um lomi i chinchiah law, midik ngia hna; zeitintiah cu hna co ding cu daihnâk a si.

SALM 29:11

BAWIPA nih a mi hna sinah ṭhawnnâk a pek lai i BAWIPA nih a mi le kha daihnâk he thlua a chuah hna lai.

SALM 15:2

Dik ngaiin a nung i dinnâk a tuah i a lung chungin biatak a chimtu a si lai.

1 PETER 5:4

cun tuukhal hna Bawibik kha a langh tikah sunparnâk luchin a ziamkho lomi nan hmuh lai.

JOHAN 14:27

“Daihnâk kan chiahta hna, keimah daihnâk kan pêk hna, vawlei pêkmi bangin kan pek hna lo. Nan khuaruah har hlah seh, ṭih zong ṭih hlah u.

1TIMOTE 1:17

Zungzal Siangpahrang, a thi kho lomi, hmuh khawh lomi, amah lawng a fimmi Pathian sinah zungzal in zungzal tiang upatnâk le sunparnâk um ko seh. Amen.

HEBRU 2:7

Anih cu vanmi nâk in niam deuh ah na ser i sunparnâk le upatnâk kha na chinh, na sermi hna cungah na umter.