ROM 16:2 - Laibaibal Thiang (BSI)

² mithiangmi hna cung i an tuah tawn bantukin Bawipa min i nan rak cohlan nâkhnga le bomh a herhnâk pauh ah nan rak bomh awkah nawl kan pêk hna, zeitintiah amah zong hi mi tampi bawmtu tak tak a rak si cang i keimah ca zong ah a si.

Lai (Hakha) Common Language Bible 2006

² Pathian mi cu pakhat le pakhat nan i cohlan awk a si bantukin nannih nih amah cu Bawipa min in rak cohlang u law bawmhnak a herhmi paoh ah khan rak bawm u; amah cu mi tampi caah hawikom ṭha a si, keimah ca zongah a si ve.

ROM 16:2 Խաչաձեւ Հղումներ

FILIPI 2:29

Cucaah Bawipa ah lunglawm tein rak cohlâng u, hibantuk mi hna hi biapi ngaiin rak ruat u.

FILIPI 1:27

Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

2 JOHAN 1:10

Cubantuk cawnpiaknâk i ken loin nan sinah an rat ahcun, nan innah tlunter hna hlah u, biaṭha zong in rak chawn hna hlah u,

FILEMON 1:17

Cuticun rianṭuanpi hawi i naka ruah ahcun keimah naka cohlân bantukin amah hi rak cohlang te.

FILEMON 1:12

Amah cu ka rak thlah ṭhân. Cucaah amah cu rak cohlang ko, ti hi lungthin taktak in kan nawl,

TITAS 2:3

pitar zong cubantuk hmaizah awktlâk in nung hna sehlaw, mi kong ceih a hmang lomi, misurhang rit a hmang lomi, ṭhatnâk cawnpiaktu si hna seh,

2TIMOTE 1:18

Efesa khua i rian ka ṭuannâk ah a lam kip in a ka bomhning cu nang zong nih na hngalhfian, cu Ni caah Bawipa sin in vêl a hmuh khawh nâkhnga Bawipa nih pe ko seh.

1TIMOTE 2:10

Pathian a ṭanhtu nu hna nih a za tawkin thilṭha tuah in i ṭamh hna seh.

KOLOSE 4:10

Aristarkhas, thong i ka tlâkpi hawi nih nan kut an tlaih hna: Marka Barnabas tupa zong nih nan kut an tlaih hna, (amah kong i tuahawk thil ka chim cang kha: nan sin a rat tikah rak cohlang u).

EFESA 5:3

Mithiang hna tuah awk ah â tlak bangin nupa sualnâk, thurhnawnhnâk le haukauhnâk hna cu nan lakah a chim hmanh chim hlah u,

ROM 16:23

Keimah le kawhhran vialte tlunnâk Gaias nih nan kut an tlaih hna.

ROM 16:9

Krih i kan rianṭuan hawi Urbanas le ka dawtmi Stakhis kha an kut ka tlaih hna.

ROM 16:6

Mary ka caah rian tampi a ṭuntu kha a kut ka tlaih.

ROM 15:7

Cucaah Krih nih Pathian sunparnâk dingah an cohlan hna bantukin nannih zong pakhat le pakhat i cohlang ve u.

LAMKALTU 9:41

Peter nih a kut a chanh i a thawhter. Cun mithiang hna le nuhmei kha a kawh hna i dam in an sinah a kalpi.

LAMKALTU 9:39

Peter cu a tho i an sinah a kal. A phâk tikah in cungdot ah an kalpi i cuka i nuhmei vialte kha a pawngah dirin Dorkas an sin i a um lio i angki a sermi le puan a tahmi hna zoh pah in an ṭap.

LAMKALTU 9:36

Joppa khua ah zultu pakhat a min Tabitha a um, cucu Dorkhas ti a si, a sullam cu sazuk tinâk a si. Cu nu cu ṭhatnâk tuah le misifak bomhnâk lei ah nun siang ngaimi a si.

MATTHAI 25:40

Siangpahrang nih, ‘Biataktein kan chimh hna, hi ka unau hna lak i a hmebik cungah nan tuahmi hi keimah cungah a tuahmi nan si, tiah a leh hna lai.

LAMKALTU 9:13

Ananias nih, “Bawipa, cu pa cu Jerusalem i na mithiang hna cungah fahnâk nganpi a tuahtu a si, tiah mi tampi sinin ka theih.

LAMKALTU 9:15

Asinain Bawipa nih, “Kal ko, Jentel mi le, siangpahrang hna le, Israel mi hna sinah ka min luhpitu dingah ka thimmi ûm a si.

ROM 16:15

Filogas le Julia, Nereus le a farnu le, Olimpas le a sin i mithiang ummi vialte he an kut ka tlaih hna.