ROM 12:3 - Laibaibal Thiang (BSI)

³ Zeitintiah Pathian pekmi zângfahnâk ruangah hin, nan lakah ahohmanh nih mah sinâk cungah i santer loin, Pathian nih mikip sinah zumhnâk a pêkning cio in, felfai tein ruat cio hna seh ti ka duh.

Lai (Hakha) Common Language Bible 2006

³ Pathian nih vel a ka ngeih caah a ka pekmi laksawng ka hmuhmi thawngin hi bia hi nan dihlak sinah ka chim: Nanmah le nanmah kha a sang tuk ah i ruat hlah u. Nan siningte tu kha i hngal u law Pathian nih zumhnak an pekmi hna ning cio ah nanmah le nanmah nan i ruah cio ning cu si seh.

ROM 12:3 Խաչաձեւ Հղումներ

GALATI 6:3

Zeitintiah zeihmanh siṭung loin biapi ngai i â ruatmi cu amah le amah â hlengmi a si.

PHUNGTHLÛKBIA 26:12

Mah le mah mifim ah â ruatmi na hmu cang hna maw? cu hna sin nakin mihrut sinin ruahchannâk a sang deuh.

1 PETER 5:5

Cubantuk in nannih mino hna, upa hna tangah i dor u. Asi, nandihlak in i pumpeknâk lungput ngei u law, toidornâk in i thuam u. “Pathian nih porhlaw mi a doh hna i toidormi kha vel a ngeih hna.”

ROM 12:16

Ruahnâk hmunkhat in um ulaw, i santer hlah u, dirhmun niammi hna komhkhawh dingin um u. Mah le mah i fimter hlah u.

1 PETER 5:8

Lungfim tein um u law i ralring u, nan ral khuachia cu chiandeih a hrum-aimi bangin a ei khawhmi kawl ah â chawk lên ko.

1 PETER 4:7

Thil vialte donghnâk a nai cang caah, thla nan cam khawh nâkhnga i bia takin i ralring u.

JEIM 4:6

Asinain zângfahnâk tamchin chin a pêk tawn. Cucaah Cathiang nih, “Pathian nih miporhlaw a doh hna i toidormi kha zângfahnâk a pêk tawn,” tiah a ti.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

1 KORIN 7:17

Asinain Pathian nih mikip sinah a phawt ning cio le Bawipa nih mikip a kawh ningin nunpi ding a si. Cucu kawhhran vialte nih an tuah awkah ka ruahmi a si.

TITAS 2:12

cu nih cun vawlei-lei duhnâk, Pathian-zeirellonâk hi hlawt in atu lio cân ah nunning thiam in felfai tele Pathian-ṭihzah in kan nun nâkhnga a kan cawnpiak.

TITAS 2:2

putar kha lungfim te le hmaizah awktlâk, â uk khomi, a dikmi zumhnâk le dawtnâk, toidornâk he um dingin cawnpiak hna;

2 KORIN 12:7

Cun langhnâk kha a sunlawi tuk caah kâ porhlawt sual nâkhnga lo ka taksa ah hling a ka pêk, Satan lamkaltu hna kutthak nehnâk dingah, culoahcun sangtuk ah kâ ruah sual hnga.

ROM 11:20

A si ko. An zumh lo ruangah tanmi an si, nang tu cu na zumh ruang i pehmi na si. I porhlaw hlah, a ṭih tu ṭih deuh.

ROM 1:5

Amah min thawngin zumhnâk cu miphun vialte zumhter dingah amah ah zângfahnâk le lamkaltu sinâk kan co,

1 PETER 1:13

Cucaah a herhmi pauh ṭuan awkah nan ruahnâk cu timhcia in um sehlaw, mah le mah i tei in, Jesuh Krih a langhtikah, nan sinah a run phorh laimi zângfahnâk cungah nan ruahchannâk kha bunh u,

TITAS 2:4

nutung no deuh kha an va le an fale a daw i

1 KORIN 15:10

Asinain Pathian zângfahnâk ruangah atu ka sining hi ka rak si, ka cung i a zângfahnâk cu a sawhsawh a si lo. Cucaah annih vialte nâkin thaba deuh in ka ṭuan, asinain keimah ṭuanmi cu a si lo. Pathian zângfahnâk keimah i a ummi nih a ṭuanmi a si.

JOHAN 3:34

Zeitintiah Pathian thlahmi nih cun Pathian bia kha a chim tawn, zeitintiah Pathian nih tah ciammam in Thlarau a pe lo.

EFESA 4:16

Amah in pum dihlak kha, rem tein hmunkhat ah pehtonh dih in, nge vialte rianṭuan ning cio cu fonh in, dawtnâk i i sersiam awkah, pum cu a ṭhanter tawn.

LUKA 18:11

Farasih cu a dir i amah kongah hitihin thla a cam. ‘Pathian, midang bangin ningcang lo i lakhmang le, a diklo le, ṭangdang kaimi ka si lo caah le, hi ngunkhuai khawltu bantuk zong ka si lo caah lawmhnâk bia kan chimh.

TITAS 2:6

Cubangin tlangval zong ruahnâk felfai ngei dingin tha pe hna,

1TIMOTE 2:15

Asinain zumhnâk le dawtnâk, thianhlimnâk le sumkhawhnâk he a um peng ahcun fa hrin ruangah khamh in a um lai.

1TIMOTE 2:9

cubantukin nu zong nih tluangtlam tein i ṭamh hna seh, luan tukin an sam phiar hna hlah seh, sui le lungvar le man fak tukmi hnipuan i hruk hna hlah seh.

1TIMOTE 1:14

Cun kan Bawipa zângfahnâk tamzia cu Krih Jesuh ah a ummi zumhnâk le dawtnâk thawngin tamtuk in a liam in a liam.

EFESA 3:4

kha kha nan rel tikah Krih biathli ka hngalhning hi nan theihthiam ko lai),

2 KORIN 12:13

Zeitintiah kawhhran dang hna nâk in nan niam deuh hlei maw? Thil rit zeihmanh kan serpiak hna lomi kha dah ti lo cu. Hi ka palhnâk ah hin rakka ngai thiam u.

1 KORIN 3:10

Pathian zângfahnâk pêk kan sining cio in innsak a thiam ngaimi bangin keinih a hram ka bunh, midangnih a cungah inn an sak. Cuticun a cungah inn a satu hna nih an sakning ah i ralring cio hna seh.

ROM 11:25

Ule nau hna, hi biathli hi nan hngalh lo ka duh lo, culoahcun nanmah le nanmah nan i fimter sual lai: Gentel mi hna tlamtlinnâk a phâk hlan pauh cu Israel mi hna cungah lungpinnâk a um rih.

PHUNGTHLÛKBIA 25:27

Khuaihliti tamtuk ei hi a ṭha lo, cubantuk in mi nih amah sunparnâk a kawlmi hi sunparnâk a si lo.

3 JOHAN 1:9

Kawhhran hna sinah ca ka kuatcang, Daiothefes an lak i cungnun a duh ngaimi nih khan a kan cohlâng duh lo.

KOLOSE 2:13

Cun nannih nan sualnâk le taksa in cuarpartan lomi nan si ruangah a thimi nan si lio ah Amah sinah an nunter hna, kan sualnâk vialte a kan ngaihthiam i

KOLOSE 1:29

Cu rian ṭuan dingah, a liannganmi a ṭhawnnâk nih keimah i a ṭuan ningin biatak tein ka ṭuan tawn.

EFESA 3:2

nan ca i Pathian zângfahnâk rian aka pêkmi hi nan hngalh tak tak ahcun,

2 KORIN 10:13

Kan nih tu cu Pathian nih kan ṭuannâk ding eria chung hlei in hmaihngalpi awk kan ngei lo, nannih zong cu eria nih cun an khumh chih hna.

FILIPI 2:13

zeitintiah Amah lawmhnâk le duhnâk bangin nanmah ah a ṭuntu cu Pathian a si.