ROM 12:2 - Laibaibal Thiang (BSI)

² Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

Lai (Hakha) Common Language Bible 2006

² Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

ROM 12:2 Խաչաձեւ Հղումներ

1 PETER 1:14

nawlngaimi fa bangin, hngalh lo ruang i hlanlio pumsa duhnâk nun hlun ah khan um ti lo in,

2 KORIN 5:17

Cucaah mizei pauh Krih ah a um ahcun sertharmi a si, thilhlun cu an lo i ngaihmanh u, zeizong vialte a thar cang.

KOLOSE 3:10

zeitintiah hngalhnâk tling ngei ding le a sertu muisâm lo dingin tharchuah i a um cuahmah mi minung tharin nan i thuam cang.

EFESA 5:17

Cucaah mihrut bangin um hlah u, Bawipa duhnâk zeidah a si ti kha hngalh u.

1 PETER 4:2

cubantuk mi hna cu an nun chung vialte taksa duhnâk in an nung ti lo i Pathian duhning in an nung cang.

ROM 12:1

Cucaah ule nau hna, Pathian zângfahnâk ruangah hin raithawinâk nung le thiang, Pathian cohlan awktlâk si dingin nan pum cu pe dingin kan nawl hna, cucu ruahawk a tlâkmi nan rian cu a si.

JOHAN 15:19

Nannih vawlei mi hei si ulaw, vawlei nih cun amah ta a simi cu a dawt ko lai. Vawlei mi nan si lo. Vawlei in kan thimmi hna nan si ruangah vawlei nih an huat hna.

SALM 51:10

Maw Pathian, ka chungah lungthin thiang ser ṭhân law, keimah ah hin a fekmi thlarau kha tharchuah hrâm ko.

ROM 13:14

Bawi Jesuh Krih tu in i thuam ulaw, nan pumsa duhnâk tlinter dingin zeihmanh tuah hlah u.

TITAS 3:5

dinnâk in tuahmi, kanmah hrimhrim nih kan tuahmi ruangah si loin, hrinṭhannâk i kholhthiannâk le Thiang thlarau tharchuahnâk in a velngeihnâk in Amah nih a kan khamh,

JEIM 4:4

Nannih ṭangdang a kaimi nu le ṭangdang a kaimi pa le hna! Vawlei he i hawikomhnâk hi Pathian he ralchanhnâk a si kha nan hngal lo maw? Cucaah vawlei hawikawm si a duhmi pauh cu Pathian ral ah â cang tawn.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

JOHAN 17:14

Na bia cu an sinah ka pêk cang; keicu vawlei mi ka si lo bantukin annih zong vawlei mi an si lo caah vawlei nih a huat hna.

2 PETER 1:4

cu nih cun a ngan tak takmi le a sunglawimi biakam kan sinah a kan pêk cang, cu thawngin Pathian nunning i hrawm kho ve dingin horduh cuainâk ruang i a rawkmi vawlei hi nan hrial khawh lai.

JEIM 1:27

Pathian le kan Pa mithmuhah a thiang i a thûrhnawm lomi biaknâk cu ngakṭah le nuhmei an har lio i bomhchanh le hi vawlei thûrhnomhnâk chungin i thianter hi a si.

SALM 34:8

Aw BAWIPA ṭhat zia hi tep u law, zoh ve hmanh u; amah â bochanmi cu mithluachuak an si.

1JOHAN 3:13

Ka nau le hna, vawlei nih an in huat hna ahcun mak ti hlah u.

1THESALON 4:3

Zeitintiah Pathian duhning i thianghlim te i um cu nupa-sualnâk chungin i thianter hi a si.

1JOHAN 5:19

Pathian ta kan si ti le, vawlei pumpi hi misuaksual pa kut ah a um ti kha kan hngalh.

EFESA 1:18

nan lungthin mit dei terin, Amah kawhnâkah ruahchannâk le, mithiang hna ro coding a sunlawi ning le a rumning kha nan hngalhfian khawh lai,

2 PETER 2:20

Zeitintiah Bawipa le khamhtu Jesuh Krih an hngalhnâk thawngin vawlei thûrhnawmhnâk hna an chuahtâk hnu ah, cuka ah an tân ṭhân i teiin an um ṭhân ahcun a hmadung deuh an nun cu a hmasanâk in a chiakha deuh.

EFESA 2:2

hlanah hi vawlei phung ningin khua nan rak sa, vanrâng i ṭhawnnâk bawi, atu i nawlngai lomi hna chungah rian a ṭuntu thlarau duh ningin,

SALM 119:174

Maw BAWIPA na khamhnâk cu ka ngai tuk hringhran, na nawlbia cu kâ lomhnâk a si.

GALATI 1:4

Atu chan chan ṭhalo chungin a kan khamh khawh nâkhnga, kan Pathian le kan Pa duh ningin, Amah cu kan sualnak ruangah â pe,

1 KORIN 3:19

Zeitintiah hi vawlei fimnâk hi Pathian ruahnâk ah hruh a si. “Mifim hna cu, an fim zernâk nih a foih hna,” tiah ṭial a si;

SALM 119:128

Cucaah zeizong vialte cungah na phungbia hna hi a dik tiah ka ruah, lam diklo kha ka huat hna. PE

ROM 7:22

Zeitintiah ka chunglei minung cu Pathian nawlbia ah â lawm tawn.

SALM 119:97

Aw na nawlbia cu zeitlukindah ka tlaihchan, hihi nitlâk tein ka ruah.

SALM 119:72

Sui le ngun thong tampi nâkin na hmurkâ chuak nawlbia cu ka caah a ṭha deuh. YOD

JOHAN 7:7

Vawlei nih nannih an in hua kho hna lo, an tuahmi Ṭhatlonâk kha ka hngalhter tawn hna caah kei tu cu an ka huat.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

1 PETER 2:3

Bawipa cu zângfahthiam a si zia nan teh taktak ahcun.

SALM 119:103

Na bia hi ka caah zeitlukindah an thlum! Ka kâ caah khuaihliti nâk in a thlum deuh.

ROM 7:12

Cucaah nawlbia cu a thiang, nawlpêk zong a thiang, a dik i a ṭha.

KOLOSE 4:12

Epafaras nanmah chungmi, Krih Jesuh ah ṭemmi sal nih nan kut an tlaih hna. Pathian duhning in lamkip i nan um i tlam nan tlin khawh nâkhnga, fak piin nan caah thla camtu a si.

1 PETER 1:18

Nan pupa hna sinin nan comi, san tlailo nan nunnâk chungin a rawk khomi sui le ngun men i tlanh nan si lo,

JOHAN 14:30

Nansinah bia tampi ka chim manh ti lai lo, vawlei bawi a ra lai, cupa nih keimah ah zeihmanh covo a ngei lo.

ROM 7:14

Zeitintiah nawlbia cu thlarau lei thil a si. Kei tu cu thisa mi, sual sal i zuarmi ka si.

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

MATTHAI 13:22

Hling lak i a tlami cu, bia cu a theih ko. Asinain hi vawlei thil le rum duhnâk nih bia cu a khuh caah theitlai a chuah kho lo.

MARKA 4:19

cun vawlei thil kongah, rum duhnâk le, thil dangdang duhnâk kha a rak lut tikah, bia cu theitlai chuah kho loin an dih chih tawn.

KOLOSE 1:9

Hiruangah kannih zong nih thlarau lei fimnâk le theihthiamnâk vialte nan ngeih i Amah duhning i hngalhnâk in nan khah khawh nâkhnga, nan kong kan theih ni in nan ca thlacam le nawlpiak kan ngol lo;