ROM 12:1 - Laibaibal Thiang (BSI)

¹ Cucaah ule nau hna, Pathian zângfahnâk ruangah hin raithawinâk nung le thiang, Pathian cohlan awktlâk si dingin nan pum cu pe dingin kan nawl hna, cucu ruahawk a tlâkmi nan rian cu a si.

Lai (Hakha) Common Language Bible 2006

¹ Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

ROM 12:1 Խաչաձեւ Հղումներ

1 PETER 2:5

nannih zong a nungmi lung bangin, Jesuh Krih thawngin, Pathian cohlan awktlâk in thlarau lei raithawinâk kha pe in, a thiangmi tlângbawi, Pathian umnâk ding i sakmi nan si.

ROM 6:13

Cun nan taksa ṭengnge hna kha dinlonâk hriamnam caah sual tuahnâk dingah pe siang ti hlah u, thihnâk in a tho ṭhanmi bangin Pathian sinah i pe ulaw, nan pum ṭengnge zong cu dinnâk hriamnam caah Pathian sinah pêk siang deuh u.

ROM 6:19

Nan thisa zângdernâk ruangah minung phungin ka chim lai. Zeitintiah nan pum ṭengnge hna cu thurhnawmhnâk le nawlbuar nâkin nawlbuar chinnâk sal ah nan rak pêk cang bantukin, atu ah cun nanpum ṭengnge hna kha thianhlimnâk phâkpi dingin dinnâk sal ah pe ve cang u.

ROM 12:2

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

EFESA 4:1

Cucaah, kawh nan sinâk he â tlakmi nunning i nun awkah, kei, Bawipa i thong a tlami nih kan nawl hna;

SALM 19:14

Maw BAWIPA, ka ṭhawnnâk le ka tlanhtu, ka kâ chung bia le ka lungthin chung ruahnâk hna hi na mithmuh ah cohlân awktlâk si ko hna seh.

ROM 6:16

Nawlngai ding sal si awkah nan i pe cang ti kha nan hngal lo maw? Thihnâk ding sual sal ah siseh, nunnâk ding dinnâk sal ah siseh, a nawl nan ngaih hngami sal nan si kha nan hngal lo maw?

2 KORIN 4:16

Cucaah kan lung a dong bal lo. Lenglei kan minung sinâk hi lo tlau cuahmah hmanhsehlaw, kan chunglei minung cu ni fatin tharchuah lengmang a si.

SALM 116:12

Ka cungah thilṭha a tuahmi vialte ruangah, BAWIPA cu zeidah ka pêk ve lai?

1THESALON 4:1

Cuticun ule nau hna a donghnâk ah, Pathian lawmh terin nan nun khawh nâkhnga le kan sinin nan hmuhmi bantuk kha tam chinchin in nan ngeih nâkhnga Bawipa Jesuh ah tha pêk pah in kan nin nawl hna,

2 KORIN 5:20

Cubangin Krih aiawh in lamkaltu kan si, Pathian nih kanmah hmangin an nawl hna: Pathian he i remṭhân u tiah Krih aiawh in kan in nawl hna.

EFESA 5:10

Bawipa cohlan awk a tlâkmi kha zeidah a si ti hngalh rak i zuam u.

FILIPI 2:17

Asi, zumhnâk i rian nan ṭuannâk le raithawinâk nan tuahmi i nan din awkah bungh dih ka si hmanh ah nan dih lak sinah kâ nuam in kâ lawm ko lai.

1 KORIN 1:10

Ule nau hna, kan Bawipa Jesuh Krih min in kan nawl hna, nan lakah i ṭhennâk um lo in, nan chimmi i khat sehlaw, ruahnâk le biakhiahnâk ah lungnge te le tlamtling te in hmunkhat ah nan i pehtlaih khawh nâkhnga.

ROM 2:4

Asiloah, Pathian ṭhatning hngalhnâk nih ngaihchihnâk ah an hruai khawh ti kha hngal loin, Pathian ṭhatnâk, lungsaunâk, a in khawhnâk kha na zomhtaih lai maw?

1 PETER 2:20

Zeitintiah thilṭhalo nan tuah ruangah tukvelh nan si tikah, lungsau tein nan in zongah conglomh nan tong hnga maw? Asinain thilṭha nan tuah ruang i temtuarnâk kha, lungsau in nan tuar ahcun, cucu Pathian lawmhtertu a si.

FILIPI 4:18

A ngaingai tiah zeizong vialte tam ngaiin ka ngei, zeihmanh ka bau lo, Epafarodistas kutah nan rak kuatmi thil kha ka hmuh hna, cucu a rim a hmuimi, cohlan awktlak raithawinâk le Pathian lomhtertu ṭha an si.

2 KORIN 6:1

Cuticun Pathian zângfahnâk nan hmuhmi hi santlai lo i nan canter nâkhnga lo Amah ṭuanpitu ah kan sawm hna.

ROM 15:30

Cubangin unau hna, Bawipa Jesuh Krih le Thlarau dawtnâk in, biatak tein Pathian sinah thla kan camṭi nâkah hin, thla ka campiak ve u tiah kan nawl hna,

ROM 15:16

cuticun Gentel mi hna thilpêk cu cohlan awktlâk, Thiang Thlarau i thiantermi a sikhawh nâkhnga, Gentel mi hna sinah Jesuh Krih ca i Pathian thawngṭha bia rianṭuantu ka si kho lai.

FILIPI 1:20

Hi ka taksa ah hin thihnâk in siseh nunnâk in siseh Krih cu thangṭhat in a um hrimhrim ko lai, zei thil pauh ah mualpho in ka um lai lo ti kha ralṭha in kâ ruahchanmi a si.

1TIMOTE 2:3

Zeitintiah hihi kan Khamhtu Pathian hmai ah a ṭha i cohlan awk a tlâkmi si,

1THESALON 5:12

Cun ule nau hna, nan lakah thaba in rian a ṭuntu le Bawipa i nan hotu hna le nun an chimtu hna kha upat dingin kan nawl hna,

LUKA 7:47

Cucaah kan chimh, hi tluk tiangin a dawt, cucaah a sualnâk tampi kha ngaihthiam a si. Tlawm deuh ngaihthiam nih cun tlawm deuh in a dawt ve, tiah a ti.

HEBRU 13:22

Cun unau hna, thapêknâk bia hi ṭha tein ngai dingin kan nawl hna, tawi tein ka rak ṭial ko hih.

1TIMOTE 5:4

Asinain tule fa a ngeimi a si ahcun an in chungah Pathian ṭihzah cawng hna sehlaw, anmah hringtu hna sinah ṭhatchuah cawng hna seh, cucu a ṭhami le Pathian caah cohlan awk a tlâkmi a si.

1THESALON 4:10

Masidonia ram dihlak i unau vialte cung zongah cubantukin nan tuah cang. Asinain unau hna tam chinchin i tuah dingin kan nawl hna;

ROM 9:23

A sunparnâk lianhngan ning a langhter khawh nâkhnga zângfahnâk ûm hna cu sunglawi ngai i um dingin a rak timhlamh cia hna,

2 KORIN 4:1

Cucaah zângfahnâk kan hmuhning cio in hi rian hi kan hmuh bangin kan lung a dong bal lo.

2 KORIN 10:1

Cubangin keimah Paul, hmaitonh i ralchia, langhlat i nan hmai ah a ral a ṭha ngaimi nih Krih lungnemnâk le nunnemnâk in kan nawl hna.

FILEMON 1:9

dawtnâk ruangah kei Paul tarkhat zong a tarmi le Jesuh Krih caah thong a tlami nih a nawl in kan nawl.

FILEMON 1:10

Cikcin he ka um lio ah ka hrinmi kafa Onesimas caah hin kan nawl,