ROM 10:2 - Laibaibal Thiang (BSI)

² Zeitintiah Pathian caah an i zuam ngai ngai ti cu ka hngalhpi hna, asinain hngalhnâk in a si lo.

Lai (Hakha) Common Language Bible 2006

² Pathian a ṭanh ngaingaimi an si cu tehte ka khan khawh, sihmanhsehlaw cu an ṭanhning cu palh ṭanh a rak si.

ROM 10:2 Խաչաձեւ Հղումներ

LAMKALTU 21:20

Unau hna nih cu bia an hun theih tikah Pathian an thangṭhat. Cun a sin ah, “Unau pa, Judah ram chungah zumtu an tamning na hngalh; nawlbia lei a ṭanh taktakmi an si,

FILIPI 3:6

zuamnâk lei ah kawhhran serhsattu ka si, nawlbia i dinnâk ah dotla ka si.

FILIPI 1:9

Nan dawtnâk cu a tam chin lengmang i hngalhnâk le chunglei hmuhkhawhnâk nan ngeih chin chin nâkhnga thla ka cam.

ROM 10:3

Zeitintiah Pathian dinnâk kha hngal loin, anmah dinnâk tu fehter an timh i Pathian dinnâk ah pêk an i tim lo.

PHUNGTHLÛKBIA 19:2

Hngalhnâk um lo nunnâk zong hi a ṭha lo, kephau a rangmi cu a palh tawn.

GALATI 1:14

Judah biaknâk ah ka ṭhirual le ka phunhawi hna ka chawhkanh hna i pupa hna phung ka ṭanhnâk ah a hleihluat in â zuammi ka si.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

LAMKALTU 22:3

“Judah mi tak tak, Silisia ram Tarsus khua i a chuakmi ka si. Asinain hi khuapi ah hin Gamaliel kehram ah cawng in a `hangchomi ka si, kan pupa hna nawlbia felfai tein cawnpiak ka si. Nihin i nanmah bantukin Pathian caah â zuam taktakmi ka si.

SALM 14:4

Sualpalhnâk a tuahtu hna nih hngalhnâk an ngei lo maw? Rawl an ei bangin ka mi le an ei hna i BAWIPA kha an au lo.

2 KORIN 8:3

Zeitintiah khakha an ti khawh tawk a si, asi, an tikhawh mi pinlei hmanh ah anmah lungtho te i tuahmi an si kha ka hngalhpi hna;

LAMKALTU 21:28

an au i Israel mi hna kan bawm u! Hi pa hi ram kip i mi vialte sinah, minung, nawlbia le, hi inn thang- chiatnâk bia cawnpiaktu a si; cu hlei ah Pathian ṭempal ah Grik mi hna zong a luhpi i hi hmun thiang hi a thûrter,” tiah an ti.

GALATI 4:15

Vanṭha nan i tinâk vialte kha zeitindah a um kun? Sikhosehlaw nan mitmu hmanh coih i pêk nanka duh ti kha ka philh lo.

KOLOSE 4:13

Zeitintiah nanmah ca le Loadisia mi hna ca le, Heiropalis i a ummi hna caah ṭhahnem a ngaihning ka hngalhpi.

LAMKALTU 22:22

Cuka zawn a chim tiang cu an ngai i aw thang ngai in, “Hibantuk minung hi, vawlei cung in hloh u, nung dingah â tlak lo,” tiah an ti.

JOHAN 16:2

Sinagog in ṭhawl nan si lai, asi, an thattu hna nih Pathian caah thilṭha ngai tuah ah an i ruah cân a phân lai.

ROM 10:1

Unau hna, Israel mi hna ca i ka lungthin duhnâk le an ca i Pathian sinah thla ka camnâk cu khamh an si khawh nâkhnga caah a si.