ROM 10:10 - Laibaibal Thiang (BSI)

¹⁰ Zeitintiah mi nih lungthin in an zumh i dinnâk an hmuh; kâ in an ṭanh i khamhnâk an hmuh.

Lai (Hakha) Common Language Bible 2006

¹⁰ Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si.

ROM 10:10 Խաչաձեւ Հղումներ

1JOHAN 4:15

Aho pauh Jesuh hi Pathian Fapa a si tiah a ṭanhtu cu, a sinah Pathian a hmun i anih zong Pathian ah a hmun.

ROM 10:9

Na kâ in Jesuh cu Bawipa a si tiah na ṭanh i thih nâkin Pathian nih a thawhter tiah na lungthin in na zumh ahcun, khamh na si lai.”

GALATI 2:16

Asinain nawlbia tuahsernâk thawngin minih thiam a co kho lo, Jesuh Krih zumhnâk thawng lawng lawngin thiam a co kho ti kha kan hngalh, kannih zong nih nawlbia tuahsernâk thawng si loin, Krih zumhnâk thawngin thiam kan co khawh nâkhnga, Krih Jesuh cu kan zumh, nawl bia tuahsernâk thawngin ahohmanh nih thiam an co lai lo.

HEBRU 10:22

lung taktak le zumhnâk i hngalhfiannâk ngeiin, kan lungthin i a thûrmi chiaṭha hngalhnâk hna kha thian terin kan taksa zong a thiangmi ti ah i kholh in Amah cu naih u sih.

LUKA 8:15

Asinain lei ṭha i a tlami tu cu, lungthin fel le ṭha in bia cu an theih, an i cinken peng i tuar khawhnâk he thei tlai an chuah tawn.

HEBRU 3:12

Unau hna, i ralring u, culoahcun Pathian nung kaltâk duhnâk tiangin nanmah lakah mi zeimaw chungah zumhlonâk lungthin sual a um sual lai.

FILIPI 3:9

Amah i ummi ka si khawh nâkhnga, nawlbia zulh ruang i dinnâk si loin, Krih zumhnâk thawngin dinnâk, zumhnâk thawngin Pathian sinin dinnâk cu ka ngeihmi a si.

BIAPHUAN 2:13

“Na tuahmi kha ka hngalh, na umnâk zong Satan bawiṭhutdan umnâk hmun a si kha ka hngalh. Ka min fek tein nâ tlaih i nan lak i ka biahngalhtu zumhtlâk Antipas, Satan umnâk hmun i thah a si lio hmanh ah ka zumhnâk kha na hlaw lo.

MARKA 9:23

Jesuh nih, “Na zumh khawh ahcun, zumtu caah zei thil pauh a si kho ko,” tiah a ti.

ROM 10:11

Cathiang nih, “Amah zumtu pauh cu a mualpho lai lo,” tiah a ti.

LAMKALTU 8:37

Filip nih, “Na lungthin dihlak in na zumh ahcun na in khawh,” tiah a ti. Anih nih, “Jesuh Krih hi Pathian Fapa a si, tiah ka zumh,” tiah a ti.