ROM 1:16 - Laibaibal Thiang (BSI)

¹⁶ Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

Lai (Hakha) Common Language Bible 2006

¹⁶ Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

ROM 1:16 Խաչաձեւ Հղումներ

MARKA 8:38

Zeitintiah tuchan ṭhangthar ṭangdang kai a hmangmi le misual hna lakah keimah le ka bia a zahpimi pauh, Mi Fapa nih, van mithiang hna he a Pa sunparnâk thuamin a rat tikah cu minung cu a zahpi ve lai,” tiah a ti.

2TIMOTE 1:8

Cucaah kan Bawipa kong hngalhpinâk hi zahpi hlah, asiloah Amah ruangah thongah a tlami keimah zong hi ka zahpi hlah, thawngṭha ruang i temtuarnâk hi Pathian ṭhawnnâk bangin ka hrawmpi ve,

1 PETER 4:16

Mizei pauh Kristian a si ruangah a tuar a si ahcun, ningzak hlah seh, Pathian thangṭhatnâk tu ah hmang deuh seh.

2TIMOTE 1:12

Hiruangah dahkaw hi thil hna hi katuar cu, asinain ka ning a zak lo, zeitintiah ka zumhmi kha ka hngalh, A sin i ka chhiahmi kha cu Ni tiangin him tein a umter khawh ti kha ka hngalh.

LUKA 9:26

Zeitintiah keimah le ka bia a zahpimi pauh cu, Mi Fapa nih a sunparnâk le a Pa sunparnâk le a van mithiang hna sunparnâk he a rat tikah a zahpi ve lai.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

1 KORIN 2:4

Cun ka biachim le phungchimnâk ah, minung fimnâk i biachimthiamnâk hmangin tei kan tim bal hna lo, Thlarau le ṭhawnnâk tu in langhter a si,

1 KORIN 2:2

Jesuh Krih le khenchih a sinâk kong dah tilo cu nanlakah zeihmanh hngalh ka tim lo.

ROM 10:17

Cuticun theihnâkin zumhnâk a um i theihnâk cu Pathian bia in a um.

HEBRU 4:12

Zeitintiah Pathian bia cu a nung i a ṭhawng, kaphnih har vainam nâkin a har deuh, nunnâk le thlarau, hliahhlok le thlik tiangin hlang lakin a cheu khawh, lungthin in timhmi le ruahnâk kha a hngalh dih.

1 KORIN 15:2

kan chimhmi hna bia kha nan zumh mênmên si loin fek tein nan i tlaih ahcun, cucu khamh nan sinâk cu a si.

GALATI 1:7

Cucu Thawngṭha a si lo; nanmah buai terin Krih Thawngṭha merh a timmi an si.

ROM 2:9

harnâk le ngaihchiatnâk kha sualnâk a tuahtu hna thlarau cungah a um lai. Judah mi thlarau cungah a um hmasa lai i Grik mi thlarau cung zongah a um lai.

LAMKALTU 3:26

Pathian nih a Sal Jesuh cu a chuahter i thluahchuah petu le nan sualnâk mertâk cio dingin, nanmah sinah a hmasabik ah a run thlah,” tiah a ti.

SALM 119:46

Siangpahrang hna hmai zongah na hngalhternâk kha ka chim lai, ka zahpi hna lai lo.

1THESALON 2:13

Hiruangah hin ngol loin Pathian sinah lawmhnâk bia kan chim, zeicatiah kan sin in nan theihmi Pathian bia nan cohlan tikah minung bia bangin nan cohlang lo, i biatak ngaiin Pathian bia bangin nan cohlan, cucu a zumtu sinah santlai ngaiin rian a ṭuntu hi a si.

1TIMOTE 1:11

thangṭhattlâk Pathian thawngṭha sunparnâk kan sin i chiahmi ralchanhtu hna caah ser a si.

2 KORIN 9:13

hi rian nih hin, Krih thawngṭha zumhnâk nan pom ning le, anmah le mi vialte ca pêk lei i nan siannâk thawngin Pathian an thangṭhat tawn,

2 KORIN 2:12

Cuhleiah Krih thawngṭha chimding in Troas khua ka phâk ah khan Bawipa nih lam a ka on piak,

1 KORIN 9:18

Ka ṭuanman cu zeidah a si? Hlawhhlâm um lo in man loin thawngṭha ka chimmi hi a si. Keimah hlawknâk ca i thawngṭha i ka nawl ngeihnâk ka hman lomi hi a si.

1 KORIN 9:12

Midang zong nih nan sinah nawlngeihnâk an co ahcun kannih zong co chin chin awk kan si ko. Asinain kannih nih, cu nawlngeihnâk cu kan hmang ve lo. Krih thawngṭha kan phenh sual nâkhnga lo zeithil pauh hi kan in ko.

ROM 15:29

Asinain nan sin i ka rat tikah Krih thawngṭha thluachuahnâk tlamtling he ka ra lai tiah ka hngalh.

ROM 15:19

Krih thawngṭha bia cu hmelchunhnâk le khuaruahhar thil lianngan hna le, Pathian Thlarau thiltikhawhnâk thawngin Jerusalem in Illirikum tiangin tling tein ka chim cang.

2TIMOTE 1:16

Bawipa nih Onesifaras chungkhar sinah vêl a pêk, zeitintiah amah nih thazâng thar a ka pêk i ka cikcin zong a zahpi lo;

ROM 4:11

Cuarpar tan lo i a um lioah, zumhnâk thawngin dinnâk a hmu tiah hmelchunhnâk, cuarpartan hmelchunhnâk zong a simi cu a hmuh cang; cuticun cuarpar tan lomi zong siseh miding i ruah an si khawh nâkhnga le, a zumtu vialte pa a si khawh nâkhnga,

SALM 110:2

BAWIPA nih na ṭhawnnâk ṭhiangthunh cu Zion in a thlah lai. Na ral hna sinah bia na ceih lai.

JOHAN 7:35

Cuticun Judah mi an i caih i kan hmuh lo dingin hipa hi khawzei kal dah a timh hnga? Grik mi hna sin i â ṭhekmi hna sinah kal in, Grik mi cawnpiak a timh a si hnga maw?