ROM 1:13 - Laibaibal Thiang (BSI)

¹³ Cubangin unau hna, Gentel dang hna sinin theipar ka hmuh cang bangin nan sin zongin ka hmuh khawh nâkhnga nan sin i rat hi voi tampi kâ timh cangnâk kha theihter kan duh hna. (Asinain atu tiang kham ka si ko rih)

Lai (Hakha) Common Language Bible 2006

¹³ Ka u le ka nau hna, hihi rak ka hngalhpiak u ti kan duh hna: nanmah tlawn hi voi tampi kaa tim tawn, sihmanhsehlaw zei nih dik a ka donh zungzal. Jentail mi a dang hna lak i lungthlengmi ka umter hna bantukin nannih lak zong i lungthlengmi umter ve cu ka duh hringhranmi a si.

ROM 1:13 Խաչաձեւ Հղումներ

LAMKALTU 19:21

Cu thil hnuah Paul nih Thlarau fialnâk in Masidonia le Akai ram cu ṭol in cu hnu ah Jerusalem i kal a timh. Cu hnuah Rom zongah ka kal lai, tiah a ti.

FILIPI 4:17

Thilpêk ka kawl lo, nanmah ah theitlai kha karh hna seh ti kha ka kawlmi a si.

2TIMOTE 4:17

Asinain Bawipa nih a ka dirpi i thazâng a ka pêk, cuticun Gentel mi vialte theih khawh in thawngṭha ka chim khawhnâk cu a si. Cuhlei ah chiandeih kâ chungin khamh ka si.

1THESALON 4:13

Ule nau hna midang ruahchannâk a ngei lomi bangin nan ngaih a chiat nâkhnga lo, â hngilhmi hna kong nan hngalh lo ka duh lo.

1THESALON 2:18

Cucaah keimah Paul zong telhchih in nan sinah voi tam nawn rat kan i tim nain Satan nih a kan kham.

2 KORIN 1:8

Ule nau hna, Asia ram i kan cungah a tlungmi kha nan hngalh lo kan duh lo. Kha tlukin tuar awk a ṭha lomi thilrit nih a kan nenh lio ah khan nun lai zong kan i ruat kho ti lo.

1 KORIN 12:1

Cubangin ule nau hna, thlaraulei thilpêk kong hi nan hngalh lo ka duh lo.

1 KORIN 10:1

Ule nau hna hihi nan hngalh lo ka duh lo, a kan hringtu vialte kha minmei tangah an um dih i an dihlak in rili zong an tan dih,

KOLOSE 1:6

cucu vawlei vialte ah a phân i theitlai a chuah bantukin nan sin zongah a rak phân, Pathian zângfahnâk biatak nan ngaih i nan hngalh hnuah nanmah lak zongah theitlai a chuah cuahmah lio a si;

ROM 11:25

Ule nau hna, hi biathli hi nan hngalh lo ka duh lo, culoahcun nanmah le nanmah nan i fimter sual lai: Gentel mi hna tlamtlinnâk a phâk hlan pauh cu Israel mi hna cungah lungpinnâk a um rih.

JOHAN 15:16

Nannih nih nan ka thim lo, keimah nih kan thim hna, theiṭha chuah awk le a hmunmi theitlai chuah dingin kan ruahmi hna nan si, ka min in Pa sinah nan halmi pauh an pêk hna nâkhnga.

JOHAN 4:36

Fangṭuantu nih hlawh an hmuh tawn, zungzal nunnâk ca ah a ṭuan lio pi a si, a tuhtu le a ṭuntu an i lomhṭi khawh nâkhnga.

2 THESALON 2:7

Zeitintiah phunglo-umnâk biathli nih atu zongah ṭuan hram a thawk cang. Asinain lak a sihlan pauh cu dawntu nih a donh rih.

2 KORIN 2:14

Cuticun Krih i teinâk chungah a ka hruaitu Pathian sinah lawmhnâk bia ka chim; kanmah hmangin Amah hngalhnâk rimhmui cu ka kipah â chawk.

1 KORIN 9:2

Midang caah lamkaltu ka silo hmanh ah, elkhawh lo in nan caah cun ka si ko. Zeitintiah nanmah hi Bawipa lamkaltu ka si hmelchunhnâk cu nan si.

LAMKALTU 21:19

Paul nih an kut a tlaih dih in a rianòuannâk i Pathian nih Gentel mi hna cungah a tuahmi kha a dih umnâk in a chim.

LAMKALTU 15:12

Cuticun mibupi cu dai tein an um, Barnabas le Paul nih anmah hmangin Pathian nih Gentel mi hna lakah hmelchunhnâk le khuaruaharnâk a tuahmi kong an chim tiangin an ngaih hna.

LAMKALTU 14:27

An phâk hnu ah kawhhran kha an kawh hna i Pathian nih anmah hmangin a tuahmi vialte le Gentel mi hna caah zumhnâk lam Bawipa nih a onpiaknâk kong kha an chim hna.

JOHAN 12:24

Biataktein, biataktein kan chimh hna, buhfang vawlei ah a tlak i a thih ta lo ahcun, amah lawngin a um peng, a thih ahcun thei tampi in a tlai tawn.

LAMKALTU 1:15

Cun lamkaltu hna an i pumh lio ah, Peter a dir i (an dihlak in za le kul hrawng an si)

LAMKALTU 28:14

cuka ah unau kan hmuh i an sinah ni sarih câm dingin an kan sawm. Cuticun Rom khualei cu kan panh.

ROM 1:12

Cucu nan zumhnâk le ka zumhnâk ṭangṭi in pakhat le pakhat thazâng kan i pêk khawh nâkhnga caah a si.

ROM 7:1

Asiloah ule nau hna, (nawlbia a hngalmi hna sinah ka chim lai) nawlbia nih mi a nun chung vialte a cungah nawl a ngei tiah nan hngal lo maw?

1 KORIN 1:10

Ule nau hna, kan Bawipa Jesuh Krih min in kan nawl hna, nan lakah i ṭhennâk um lo in, nan chimmi i khat sehlaw, ruahnâk le biakhiahnâk ah lungnge te le tlamtling te in hmunkhat ah nan i pehtlaih khawh nâkhnga.

1 KORIN 14:20

Ule nau hna, hngalhnâk ah ngakchia si hlah u, asinain sualnâk lei tu ah bawh te si ulaw hngalhnâk ah upa si u.

1 KORIN 14:26

Unau hna zeitindah a si rih lai? Nan i pumh tikah mikip nih thangṭhatnâk hla siseh, cawnpiaknâk siseh, holh dang siseh, langhnâk siseh, holh lehnâk siseh, nan ngeih tikah thil vialte hi ṭhathnemnâk ah tuah dih si hna seh.

GALATI 3:15

Unau hna, minung phungin ka chim. minung biakam zong sihmanhsehlaw, fehter cangmi cu an phoih ballo i an chap bal fawn lo.

GALATI 6:18

Ule nau hna, Bawipa Jesuh Krih zângfahnâk nan thlarau sinah um ko seh. Amen.

FILIPI 1:22

Asinain ka nun ah cun theitlai chuah lakin rian ka ṭuan lai tinâk a si i a zei deuh dah kâ thim lai, ka hngal lo.

KOLOSE 1:10

Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,