MATTHAI 6:5 - Laibaibal Thiang (BSI)

⁵ Thla nan cam tikah mi depde hna bangin nan cam lai lo. Annih nih mi nih ka hmu hna seh tiah sinagog le zatlâng lamah dir buin thlacam an hmang. Biataktein kan chimh hna, an ṭuanman cu an hmuh cang.

Lai (Hakha) Common Language Bible 2006

⁵ “Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

MATTHAI 6:5 Խաչաձեւ Հղումներ

MATTHAI 6:2

Cucaah thil nan ṭhenh tikah, mi depde hna bangin sinagog le zatlâng lamah mi theih awkah thanh len hlah u. Biataktein kan chimh hna annih nih an ṭuanman kha an hmuh cang.

LUKA 18:13

Cun ngunkhuai khawltu cu hla pi ah a dir i van lei zong a zoh ngam lo, ‘Pathian, kei misual hi ka zângfah ko,’ tiah a ṭâng â cum leng mang.

MARKA 11:25

“Cun thlacam i nan dir tikah, aho cung zongah bia nan ngeih ahcun ngaithiam hna u, cuticun van i nan Pa zong nih nan sualnâk an ngaihthiam ve hna lai.

LUKA 20:47

Nuhmei chawva an ei piak i zatlâng hlennâk ah saupi thla an cam tawn. Cuhna nih thiam lo an co chinchin lai,” tiah a ti.

JEIM 4:6

Asinain zângfahnâk tamchin chin a pêk tawn. Cucaah Cathiang nih, “Pathian nih miporhlaw a doh hna i toidormi kha zângfahnâk a pêk tawn,” tiah a ti.

LUKA 18:1

Cuticun lungdong loin thla an cam nâkhnga tahchunhnâk in a cawnpiak hna,

EFESA 6:18

thlacamnâk le nawlnâk vialte kha Thlarau in tuah ulaw, fimhring te le ralring tein mithiang vialte caah biatak tein thla cam u-

LUKA 11:43

Farasih hna, ngaichia nan va si dah. Zeitintiah Sinagog ah hmaichuang i ṭhut le, chawdawr hmun i kuttlaih kha nan uar.

MATTHAI 21:22

Zeizong vialte hi zumhnâk he thlacam in nan hal ahcun, nan hmuh ko lai,” tiah a leh hna.

SALM 55:17

Zingah siseh, chunah siseh, zanlei ah siseh thla ka cam lai i thang ngaiin ka au lai, cun ka aw a theih lai.

SALM 5:2

Ka Siangpahrang le ka Pathian, ka aunâk hi ka ngaihpiak hrâm ko, zeitintiah na sinah thla ka cam lai.

1THESALON 5:17

Ngol loin thla cam u.

JOHAN 16:24

Atu tiangin ka min in zeihmanh nanhal rih lo. Hal u, nan hmuh lai, nan i lomhnâk a tlin nâkhnga.

MARKA 12:38

Cun a cawnpiaknâk ah hitihin a chim, “Nawlbiacawnpiaktu hna chungin i ralring u, annih nih angkifual aih i len le, market hmun i kut tlaih kha an tlaihchan.

MATTHAI 9:38

Cucaah facang ṭuntu an um nâkhnga lo ngeitu Bawipa sinah thla cam u,” tiah a ti hna.

MATTHAI 23:13

Nannih nawlbia cawnpiaktu le Farasih depde hna, ngaihchia nan va si dah! Zeitintiah vanbawi pennâk kha mi nan kharkanh hna, nanmah le nan lut duh lo, luh a duhmi zong nan kham hna.

PHUNGTHLÛKBIA 16:5

Lungthin in a ruam a kaimi cu BAWIPA caah fihnung an si, lungkhat in um hmanh hna sehlaw, dântat lo in an um lai lo.

MATTHAI 23:6

Rawl dangh nâkah ṭhutnâk ṭha bik, sinagog ah ṭhutdanh sâng bik,

PHUNGTHLÛKBIA 15:8

Misuaksual raithawinâk cu BAWIPA caah fihnung a si i midik thlacamnâk cu â lawmhnâk a si.

MATTHAI 6:16

“Cuhleiah, rawl nan ulh tikah, mi depde hna bantukin hmaichia in um hlah u. Zeitintiah annih nih rawl an ulh kha mi nih kan hngal hna seh tiah hmai chia ṭiamṭuam in an um tawn. Biataktein kan chimh hna, an ṭuanman an hmuh cang.

MATTHAI 6:1

Thil nan ṭhenhmi kha minung mithmuh lawngah ṭhen lo dingin i ralring u; culoahcun van i nan Pa sinin ṭuanman nan hmu lai lo.

MATTHAI 23:5

An tuahmi vialte cu minung hmuh ding lawngah an tuah. An bânbunh le an calkhimhmi an puamter i an angki fual an bawrhter.

LUKA 6:24

Sihmanhsehlaw nannih mirum hna, ngaih chia nan va si dah, zeitintiah nan hnangamnâk cu nan hmuh diam cang.