MATTHAI 6:30 - Laibaibal Thiang (BSI)

³⁰ Cuticun nihin ah a nung i a rauh hlan i mei i tih awk a simi ramkung hmanh Pathian nih cu tlukin a thomh ahcun, nannih zumhnâk a tlawmmi hna, tam chin chinin an thuam hna hnga lo maw?

Lai (Hakha) Common Language Bible 2006

³⁰ Sihmanhsehlaw ramlak ramkung, nihin ah a hring i thaizing ah meichung i an paihmi ramkung hna, a thuamhtu cu Pathian pei a si cu. Amah nih cun nannih chinchin cu thuamh loin an um hna hnga maw? Nan zumhnak a va hme hringhran dah!

MATTHAI 6:30 Խաչաձեւ Հղումներ

LUKA 12:28

Cuticun ramkung, ni hin ah a nung i a thaizingah mei i khangh ding a simi hmanh Pathian nih cutlukin a thuamh ahcun, maw nannih, zumhnâk a tlawmmi hna, zeitlukindah an thuamh chin chin hna lai?

MATTHAI 14:31

Chikkhatteah Jesuh nih a kut in a tlaih i, “Aw zumhnâk tlawmpa, zeiruangahdah lungawṭawm in na um?” tiah a ti.

1 PETER 1:24

Zeicatiah “Mi vialte hi ram bantuk men an si, An sunparnâk vialte zong ram pangpar bantuk men an si. Ram cu a uai i a par cu a tla.

MATTHAI 16:8

Jesuh nih cucu a hngalh i, “Maw zumhnâk a tlawmmi hna zeiruangahdah changreu nan ngeih lo ruangah nan buai?”

MATTHAI 8:26

Anih nih, “Aw zumhnâk a tlawmmi hna, zeiruangahdah nan ṭih,” tiah a ti hna. A tho i thli le tilet kha a sîk i an dai dih.

JOHAN 20:27

Cuticun Thomas sinah, “Na kut dongin tawng law, ka kut hma hi zoh, nakut in banh law ka hnâk ah sawh. Zum loin um hlah, zum ko,” tiah a ti.

MARKA 4:40

Cuticun an sinah, “Zeicadah kha tluk khan nan thin a phân? Zumhnâk nan ngei hrimhrim lo maw?” tiah a ti hna.

HEBRU 3:12

Unau hna, i ralring u, culoahcun Pathian nung kaltâk duhnâk tiangin nanmah lakah mi zeimaw chungah zumhlonâk lungthin sual a um sual lai.

LUKA 9:41

Jesuh nih, “Maw, ṭhangthar zumhnâk ngeilo le, misual hna, zeicandah nan sinah ka um lai i kan in khawh hna lai? Na fapa cu hika ah ratpi,” tiah a ti.

MARKA 9:19

Anih nih, “Maw, ṭhangthar zumhnâk a ngei lomi hna, zeicandah nan sinah ka um lai? Zeicandah kan in khawh hna lai? Ka sinah ratpi tuah u,” tiah a ti.

MATTHAI 17:17

Jesuh nih, “Maw, zumhnâk ngeilo le ningcang loin a nungmi hna, nan sinah zeicandah ka um ko rih lai? Zeicandah kan in ko rih hna lai? Amah cu ka sinah ratpi u,” tiah a ti.

SALM 92:7

Misuaksual kha ramhring bantuk i an rak cawrh i sualpalhnâk a tuahtu hna an rum tikah, zungzal i an rawhralnâk dingtu a rak si.