MATTHAI 6:2 - Laibaibal Thiang (BSI)

² Cucaah thil nan ṭhenh tikah, mi depde hna bangin sinagog le zatlâng lamah mi theih awkah thanh len hlah u. Biataktein kan chimh hna annih nih an ṭuanman kha an hmuh cang.

Lai (Hakha) Common Language Bible 2006

² “Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu!

MATTHAI 6:2 Խաչաձեւ Հղումներ

MATTHAI 6:5

Thla nan cam tikah mi depde hna bangin nan cam lai lo. Annih nih mi nih ka hmu hna seh tiah sinagog le zatlâng lamah dir buin thlacam an hmang. Biataktein kan chimh hna, an ṭuanman cu an hmuh cang.

MATTHAI 6:16

“Cuhleiah, rawl nan ulh tikah, mi depde hna bantukin hmaichia in um hlah u. Zeitintiah annih nih rawl an ulh kha mi nih kan hngal hna seh tiah hmai chia ṭiamṭuam in an um tawn. Biataktein kan chimh hna, an ṭuanman an hmuh cang.

JOHAN 5:41

Minung conglomh ka cohlang lo.

HEBRU 13:16

Asinain thilṭha tuah le nunsian hi phihhlah u. Cubantuk raithawinâk ah Pathian â lawm tawn.

LUKA 20:46

“Nawlbiacawnpiaktu hna chungin i ralring u, annih nih angki fual he i chawhleh an tlaihchan i market hmun i kuttlaih le sinagog i hmaichuang i ṭhut le rawl danghnâk i hmun`ha bik i ṭhut an tlaihchan.

JOHAN 7:18

Mah ṭawnchawm a chimtu nih amah sunparnâk a kawl, sihmanhsehlaw a thlahtu sunparnâk lawng a kawltu cu midik a si i Amah ah dinlonâk zeihmanh a um lo.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

SALM 37:21

Misuaksual nih a cawi i a cham ti lo; asinain miding nih cun a zângfah i a pêk.

EFESA 4:28

Firhmang nih fir ti hlah seh, chambau mi a bomh khawh nâkhnga a kut in ba lakin rian ṭuan seh.

GALATI 2:10

Sifak mi hna philhlo dingin an kan duh lawng a si i cucu tuah ka duh bikmi a si fawn.

LAMKALTU 10:4

Kornelias nih a hmuh tikah a ṭih i, “Bawipa zeidah a si?” tiah a ti. Anih nih a sinah, “Na thlacamnâk le thilpêk kha hngalh peng dingin Pathian sinah a phân.

1TIMOTE 6:18

Thilṭha tuah hna seh, thilṭha tuahnâk ah rum hna seh, midang nih an ciangzar an tem ve nâkhnga nun siang hna seh,

ROM 12:8

Chimhringtu zong nih chimhring seh. Thil petu nih siang ngaiin pe seh, hruaitu nih biatak tein hruai hna seh, zângfahtu nih lunglawm tein zângfah seh.

LAMKALTU 24:17

“Kum tampi hnuah ka miphun hna sinah thilpêk le raithawinâk tuah awkah ka ra,

LAMKALTU 10:31

‘Kornelias, na thlacamnâk Pathian nih a theih i mi sifak na bomhmi zong Pathian hmai ah theihpiak a si.

LAMKALTU 10:2

Amah le chungkhar dihlak he Pathian a ṭih i a upatmi an si, sifak sinah thil tampi a petu le Pathian sinah thla a cam zungzalmi a si.

LAMKALTU 9:36

Joppa khua ah zultu pakhat a min Tabitha a um, cucu Dorkhas ti a si, a sullam cu sazuk tinâk a si. Cu nu cu ṭhatnâk tuah le misifak bomhnâk lei ah nun siang ngaimi a si.

JOHAN 13:29

Zeitintiah cheukhat nih Judas cu phaisa bawm kengtu a si ruangah, Jesuh nih Thô ca i a herhmi cawk le, mi sifak hna sinah thil zei maw pêk a fial tiah an ruah.

JOHAN 5:44

Nannih mah le mah â conglawmmi hna. Pathian in a chuakmi conglomhnâk kawl loin zeitindah nan zumh khawh lai?

LUKA 6:42

Mah mit chung i thingtan zeirel ṭung loin, unau na mit i thingpel kha ka lâkter, tiah zeitindah na ti khawh lai? Depde pa, na mit chung i thingtan kha la hmasa law, na unau mit chung i thingpel la dingin fiang tein na hmuh khawh lai.

MARKA 12:39

Sinagog i ṭhutnâk ṭhabik i ṭhut le, rawl danghnâk i ṭhutnâk ṭha i ṭhut an i cuh tawn.

PHUNGTHLÛKBIA 20:6

Mitam bik nih anmah ṭhatnâk lawng an chim tawn, asinain ahonihdah zumh awk tlâk an hmuh khawh lai?

PHUNGTHLÛKBIA 19:17

Misifak a zângfahtu nih BAWIPA sinah a cawih a si, a rak pêk cangmi thil hna cu a cham ṭhân hrimhrim lai.

SALM 112:9

A phawtzamh i misifak a pêk hna; a dinnâk cu zungzal in a hmun; a ki cu upatnâk in cawisan a si lai.

FILEMON 1:7

Zeitintiah unau, nanmah thawngin mithiang hna lungthin tharchuah in a um cang, na dawtnâk nih a liannganmi lawmhnâk le hnangamnâk a ka pêk.

1THESALON 2:6

Midang ca thilrit pe kho tiangin Krih lamkaltusinâk kan ngei ko nain, nansin in siseh midang sin in siseh, aho sin hmanh in thangṭhatnâk kan kawl bal lo.

LAMKALTU 11:29

Cuticun zultu hna nih an tikhawhtawk cio in Judia ram i unau hna sinah bomhnâk kuat an timh.

LUKA 13:15

Bawipa nih, “Midepde hna, nannih zongnih Sabbath ni ah, nan caw siseh, nan lâ siseh an khihnâk phoih in ti dinter awkah a chuakpi lomi nan um maw?

LUKA 12:56

Midepde hna, vawlei le khua cân umtuning nan hngalh khawh nain, zeiruangahdah tu lio cân umtu nan hngalhfian khawh lo,” tiah a ti.

LUKA 12:33

Nan ngeihmi zuar ulaw, misifak pe hna u; van i mifir um lo nâkah, rungrul ei khawhlo nâkah, phaisa bawm rawhkhawhlonâk le chaw `im khawhlonâk i ser u.

LUKA 11:43

Farasih hna, ngaichia nan va si dah. Zeitintiah Sinagog ah hmaichuang i ṭhut le, chawdawr hmun i kuttlaih kha nan uar.

LUKA 11:41

Nan ngeih ciami in mi sifak hna bawm hna ngat u, cuticun nan caah zeizong vialte a thianghlim cang lai.

LUKA 6:24

Sihmanhsehlaw nannih mirum hna, ngaih chia nan va si dah, zeitintiah nan hnangamnâk cu nan hmuh diam cang.

MARKA 7:6

Anih nih, “Isaiah nih, nannih mi depde hna kong a rak chimmi hi a dik ngaingai. ‘Hi mi hna nih an kâ in anka thangṭhat i an lungthin in an ka hlat.

MATTHAI 24:51

tan hnih ah chuah in midepde hna covo kha a coter ve lai, caka ah cun ṭah le hacang rialnâk a um lai.

MATTHAI 23:6

Rawl dangh nâkah ṭhutnâk ṭha bik, sinagog ah ṭhutdanh sâng bik,

MATTHAI 22:18

Jesuh nih an suahsualning kha a hngalh i, “Mi depde hna, zeicadah nan ka hnek sak?

MATTHAI 16:3

cun zingkâ ah vankam a sen i khua a dawm caah, khua a chia lai, tiah nan ti. Midepde hna! Khua cân umtu ning cu nan hngalh nain atu cân hmelchunhnâk tu cu nan hngal kho lo.

MATTHAI 15:7

Mi depde hna, Isaiah nih nan kong a rak chimmi,

MATTHAI 7:5

Mi depde pa! Na mit chung i thingpel kha chuah hmaisa, cuticun na unau mit i hmunthûr fate kha chuah awkah fiang tein na hmuh khawh lai.

MATTHAI 5:18

Zeitintiah biataktein kan chimh hna, lei le van an rawh hlan pauh cu Nawlbia chung i a deh hmete le a rin hmete zong an rawk lai lo. A dihlak i a tlinhlan pauh cu an rawk lai lo.

MATTHAI 6:3

Nang nih cun thil na ṭhenh tikah, na orhlei kut nih a ṭhenhmi kha na kehlei kut theihter hlah.

MATTHAI 23:5

An tuahmi vialte cu minung hmuh ding lawngah an tuah. An bânbunh le an calkhimhmi an puamter i an angki fual an bawrhter.

1 KORIN 13:3

Mi sifak cawmnâk ah ka ngeih vialte pe in, ka pum tiang khanghdingah pe hmanh ninglaw, dawtnâk ka ngeihlo ahcun ka ca hlawknâk zeihmanh a um lai lo.