MATTHAI 6:13 - Laibaibal Thiang (BSI)

¹³ Tukforhnâk chungah kan hruai hlah, sihmanhsehlaw mi ṭhalopa chungin kan khamh. Zeitintiah pennâk le, ṭhawnnâk le sunparnâk kha zungzal in nata an si. Amen.

Lai (Hakha) Common Language Bible 2006

¹³ Tukforhnak chungah kan phakter hlah, Mi Ṭhalopa sin khan him tein kan khamh tuah.

MATTHAI 6:13 Խաչաձեւ Հղումներ

1 KORIN 10:13

Minih anton tawnmi tukforhnâk dah tilo cu tukforhnâk nan cungah a tlung lai lo. Pathian cu zumhtlâk a si. Nan tuar khawh lengin tukforhnâk nan cungah tlunter a siang lai lo. Nan tuar khawh nâkhnga tukforhnâk chungin himnâk lam an ser piak hna lai.

JOHAN 17:15

Vawlei in nalâk awkah kan nawl lo, mi ṭhalo pa chungin na kilven hna awkah kan nawl.

MATTHAI 26:41

Tukforhnâk i nan luh nâkhnga lo, ralring tein thlacam tuah u. Thlarau nih cun a tlinh ko, titsa bel nih a zo lo, tiah a ti.

BIAPHUAN 19:1

Hithil hna hnu ah hin vanah mitampi aw thawng ka theih, “Haleluia! Khamhnâk le sunparnâk le upatnâk le ṭhawnnâk hna cu Bawipa kan Pathian ta a si!

2 THESALON 3:3

Asinain Bawipa cu zumh a tlâk, Amah nih an fehter hna lai i mi ṭhalo pa sinin an kilven hna lai.

MATTHAI 6:10

Na pennâk phân ko seh, van i na duhnâk an tuah bangin vulei zongah tuah si ve seh.

2 PETER 2:9

cuticun Bawipa nih Amah ṭhzahtu cu tukforhnâk chungin luatter ning le, miding lomi hna cu biaceih ni caah zuah ning a hngalh.

1THESALON 1:10

A Fapa, thihnâk in a thawhter i a ra laimi thinhunnâk chungin a kan khamhtu Jesuh vanin a rat lai nâk hngahhlang ngaiin nan cuanhning hna cu anmah hrim hrim nih an chim lênmi a si.

SALM 47:7

Pathian cu vulei vialte Siangpahrang a si, theihthiamnâk he thangṭhat hla sa u.

BIAPHUAN 21:4

Cun an mit i mitthli vialte Pathian nih a hnawhpiak hna lai; thihnâk a um ti lai lo, ngaihchiatnâk le ṭahnâk zong a um ti lai lo. Fahnâk zong a um ti lai lo, zeitintiah thil hmasa hna cu an lo dih cang.

SALM 10:16

BAWIPA cu zungzal in zungzal tiang Siangpahrang a si; a ram chungin miphun hna cu an lo tlau dih.

BIAPHUAN 3:10

Zeicatiah lungsau in ka nawlpêk nâ tlaih caah, lei minung hna hneksak dingin vawlei dihlak i a phân hngami teminnâk chungin kei zong nih kan luatter ve lai.

1JOHAN 3:8

Sualnâk tuahtu cu khuachia ta a si, zeitintiah a hramthawk in khuachia nih sualnâk a rak tuah cang. Pathian Fapa a langhchan cu khuachia rianṭuannâk a hrawh nâkhnga caah a si.

1 PETER 5:8

Lungfim tein um u law i ralring u, nan ral khuachia cu chiandeih a hrum-aimi bangin a ei khawhmi kawl ah â chawk lên ko.

SALM 41:13

Israel hna BAWIPA Pathian cu, zungzal in zungzal tiang thangṭhat in um ko seh. Amen le Amen.

GALATI 1:4

Atu chan chan ṭhalo chungin a kan khamh khawh nâkhnga, kan Pathian le kan Pa duh ningin, Amah cu kan sualnak ruangah â pe,

2 KORIN 1:20

Zeitintiah Amah ah Pathian biakammi vialte cu Asi ti an si; cun kanmah thawngin Pathian a sunparnâk dingah Amah ah Amen, a um.

SALM 47:2

BAWIPA cungnungbik cu huhâm a ngei; amah cu vulei vialte Siangpahrang ngan a si.

BIAPHUAN 2:10

Na tuardingmi thil kha zei a si hmanhah ṭih hlah. A ngaingai tiah, khuachia nih nan lak i mi cheukhat hniksak dingin thongah an thlâk hna lai i ni hra chung harnâk nan tuar lai. Thih tiangin zumhtlâk in um law, nunnâk bawiluchin kan pêk lai;

BIAPHUAN 1:18

Keimah cu a nungmi ka si, ka rak thi cang, cun zohhmanh zungzal ca in ka nung cang. Amen. Thihnâk le Mithikhua tawh kha ka ngeih hna.

MATTHAI 5:37

Na chimmi bia cu a simi kha ‘asi’ ti law, a silomi kha ‘a silo’ ti ko. Cupin lei pauhpauh cu Misual pa sinin a rami a si.

PHUNGTHLÛKBIA 30:8

A diklomi le lihbia hi lamhlapi ah ka chiahpiak hna law; sifahnâk siseh, rumnâk siseh ka pe hlah; ka herhmi rawl in ka cawn ko.

1 KORIN 14:16

Culoahcun thlarau in thluachuah pe hmanh law, na chimmi zong a theihthiam lo i theithiamlonâk nih hmunhma a lang peng ko ahcun zeitindah lawmhnâk bia na chimmi ah, ‘Amen’ an pêk khawh lai.

MATTHAI 28:20

nawl kan pekmi vialte an zulh nâkhnga cawnpiak hna u; cun zohhmanh u, Kei, a zungzal in, vawlei dongh tiangin nan sinah ka um peng lai,” tiah a ti. Amen.

SALM 106:48

BAWIPA, Israel hna Pathian cu zungzal in zungzal tiang thangṭhat in um ko seh! Mi vialte nih, “Amen” ti hna seh. BAWIPA cu thangṭhat u.

SALM 89:52

BAWIPA cu zungzal in thangṭhat in um seh. Amen le Amen.

SALM 72:19

Amin sunglawi cu zungzal in thangṭhat siseh law, lei pumpi zong hi a sunlawinâk in khahter si ko seh. Amen le Amen.

BIAPHUAN 19:4

Cun upa 24 le thilnung pali hna cu an bawk i, “Amen! Haleluia” ti in bawiṭhutdanh i a ṭhumi Pathian kha an biak.

BIAPHUAN 5:13

Cun sermi thil vialte van i a ummi le vawlei i a ummi le vawlei tang i a ummi le rili ah a ummi vialte cuka i a ummi vialte nih, “Bawiṭhutdanh i a ṭhumi le, Tuufano sinah, thluachuahnâk, thangṭhatnâk, sunparnâk le biaceihnâk kha zungzal in zungzal tiang um ko seh,” tiah an chimmi kha ka theih.

BIAPHUAN 3:14

“Cun Loadisia kawhhran vancungmi sinah hitihin ṭial, ‘Amen, Zumhtâk le Hngalhpitu Taktak, Pathian sermi thil hna Hrampi nih hitihin a chim.

HEBRU 11:36

Cheukhat nih mi nisawh le sikvelh an tuar, asi, thongchung ah hrengkhenh in an um.

1TIMOTE 1:17

Zungzal Siangpahrang, a thi kho lomi, hmuh khawh lomi, amah lawng a fimmi Pathian sinah zungzal in zungzal tiang upatnâk le sunparnâk um ko seh. Amen.

SALM 22:28

Zeitintiah pennâk cu BAWIPA ta a si, miphun kip cungah bia a ceih.