MATTHAI 6:12 - Laibaibal Thiang (BSI)

¹² Lei a kan battu kan ngaihthiam hna bangin, kan leiba kha kan ngaithiam ve ko.

Lai (Hakha) Common Language Bible 2006

¹² Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

MATTHAI 6:12 Խաչաձեւ Հղումներ

EFESA 4:32

Pathian nih Krih ah an ngaihthiam hna bangin i zângfah in, vel i ngeih ulaw, i ngaithiam u.

MARKA 11:25

“Cun thlacam i nan dir tikah, aho cung zongah bia nan ngeih ahcun ngaithiam hna u, cuticun van i nan Pa zong nih nan sualnâk an ngaihthiam ve hna lai.

EFESA 1:7

A thisen thawngin Amah ah tlanhnâk le a rummi a zângfahnâk bangin sual ngaihthiamnâk kha kan co,

KOLOSE 3:13

pakhat le pakhat karlakah sawinâk le ralchanhnâk bia nan ngeih ahcun lung sau tein i ngaithiam u, Krih nih an ngaihthiam hna bangin nan i ngaithiam hrimhrim awk a si.

LUKA 11:4

Kan sualnâk kha kan ngaithiam ko. Zeitintiah kan nih zong nih kan leiba kha kan ngaihthiam hna. Tukforhnâk chungah kan luhpi hlah. Misual sinin kan khamh tuah,” tiah a ti.

LUKA 6:37

“Sawi hlah, sawi na si ve lai lo.Thiamlo coter hlah, thiam lo coter na si ve lai lo. Ngaithiam, ngaihthiam na si ve lai.

SALM 32:1

A nawlbuarnâk ngaihthiam a simi le a sualnâk khuhpiak a simi cu mithluachuak an si.

SALM 130:4

Asinain ṭihzah na si khawh nakhnga na sinah ngaihthiamnâk a um.

LAMKALTU 13:38

Cucaah u le nau hna, hngal ko tuah u. Amah thawngin sual ngaihthiamnâk bia nan sinah kan chim,

MATTHAI 9:2

Cun zohmanh, a zengmi pakhat kha a ihnâk he an rak zawnh. An zumhnâk kha Jesuh nih a hmuh i mizeng sinah, “Ka fa, thanuam tein um, na sualnâk ngaihthiam a si cang,” tiah a ti.

MATTHAI 26:28

Zeitintiah hihi ka thisen i biakam thar, mi tampi sual ngaihthiamnâk ca i a chuak hngami cu a si.

LUKA 13:4

Asiloah, Siloam innsâng nih a nenhmi hleiriat hna kha, Jerusalem i a ummi midang nâkin an sual deuh tiah nan ruat maw?