MATTHAI 6:10 - Laibaibal Thiang (BSI)

¹⁰ Na pennâk phân ko seh, van i na duhnâk an tuah bangin vulei zongah tuah si ve seh.

Lai (Hakha) Common Language Bible 2006

¹⁰ Na pennak cu rung tlung ko seh, Vancung ah na duhnak an tuah bangin Vawlei cungah hin tuah si ve ko seh.

MATTHAI 6:10 Խաչաձեւ Հղումներ

HEBRU 10:36

Zeitintiah Pathian duhnâk nan tuah hnu i a kamhmi nan co khawh nâkhnga inkhawhnâk nan herh.

JOHAN 4:34

Jesuh nih, “Ka rawl cu aka thlahtu duhnâk tuah le a rian lîm hi a si.

MATTHAI 26:42

A voihnihnâk ah a va kal ṭhân i “Maw ka Pa, hi hrai hi din loin aka lanhtâk khawh lo ding a si ahcun, nangmah thu si ko seh,” tiah a ti.

MATTHAI 12:50

Zeitintiah mizei pauh van i ka Pa duhnâk a tuahtu pauh cu ka unau pa, kafar le kanu an si,” tiah a ti.

1THESALON 5:18

Thil vialte ah lawmhnâk bia chim u, zeitintiah hihi Krih Jesuh ah nan ca i Pathian duhmi a si.

ROM 12:2

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

JOHAN 6:40

Cun hihi aka thlahtu duhning a si, Fapa a hmu i a zummi pauh nih zungzal nunnâk ngeiseh law, cun ni dongh ni ah keimah nih ka thawhter lai,” tiah a ti.

KOLOSE 1:9

Hiruangah kannih zong nih thlarau lei fimnâk le theihthiamnâk vialte nan ngeih i Amah duhning i hngalhnâk in nan khah khawh nâkhnga, nan kong kan theih ni in nan ca thlacam le nawlpiak kan ngol lo;

EFESA 6:6

mit rianṭuantu bantuk si loin, minung lawmhtertu men zong si loin Krih sinum taktak bantukin, Lungthin tak takin Pathian duhning tuah in,

SALM 40:8

Maw, ka Pathian, na duhnâk tuah hi kâ lomhnâk a si. Na nawlbia zong ka lungchung ah a um.”

MATTHAI 7:21

Bawipa, Bawipa, aka timi pauh nih, vanbawi pennâk ah a lut lai lo; van i ka Pa duhnâk a tuahtu lawnglawng an lut lai.

1 PETER 2:15

Zeitintiah thilṭha nan tuahmi nih hngalh lo ruang i mihrut bangin a ummi hna dai tein a umter hna kha Pathian duhmi a si,

HEBRU 13:21

A duhnâk tuah dingin rianṭha kipah tlam in tlinter hna seh, Jesuh Krih thawngin a mithmuh ah a lawmh tertu nih nanmah ah `uandih ko seh, Amah sinah zungzal in zungzal tiang sunparnâk kha um ko seh. Amen.

MATTHAI 3:2

“I ngaihchih u, zeicatiah vanbawi pennâk cu a nai cang,” tiah a ti.

LUKA 22:42

“Ka Pa, rem na ti ahcun, hi hrai hi ka sin in ka ṭhial piak ko, asinain keimah nawl si loin, nangmah nawl siseh,” tiah a ti.

JOHAN 7:17

Amah duhnâk tuah a duhmi pauh nih ka cawnpiakmi hi Pathian sin in maw a si, keimah ṭawnchawm dah a si a hngalh ko lai.

BIAPHUAN 19:6

Cun mibu tampi aw thawng bantuk le, ti tampi aw thawng bantuk le a liannganmi khuari thawng bantuk kha ka theih, “Heleluia! Zeizongtuahkho Bawipa Pathian nih a uk,” tiah an ti.

1THESALON 4:3

Zeitintiah Pathian duhning i thianghlim te i um cu nupa-sualnâk chungin i thianter hi a si.

LAMKALTU 21:14

Cubangin kan thlauh khawh lo tikah, “Bawipa nawl si ko ne seh” tiah kan daih tâk.

LAMKALTU 13:22

Amah a hlawt hnuah David kha siangpahrang dingah a dirter ṭhan, amah kongah a chimmi cu, ‘Jessi fapa David, ka lungput ngeimi minung, ka duhnâk a zultu hngami kâ hmuh cang,’ tiah a ti.

MATTHAI 4:17

Cu cân thawkin Jesuh nih, “I ngaihchih u, vanbawi pennâk cu a nai cang” tiah chim hram a thawk.

BIAPHUAN 12:10

Cuticun vanah a thang ngaimi au aw ka theih, “Atu kan Pathian khamhnâk le thazâng le a pennâk le a Krih ṭhawnnâk cu a rak phân cang, kan unau hna sual puhtu, kan Pathian sinah chunzan hlan in sual puhtu cu hlonh a si cang ai.

1 PETER 4:2

cubantuk mi hna cu an nun chung vialte taksa duhnâk in an nung ti lo i Pathian duhning in an nung cang.

HEBRU 10:7

Cuticun hi ti hin ka chim, ‘Maw, Pathian ngaihmanh cauk chungah ka kong ṭialmi bangin, na duhnâk tuah awk ah ka ra,” tiah a ti.

LUKA 19:38

“BAWIPA min i a rami Siangpahrang cu thangṭhat in um seh! vanah daihnâk umseh law, cungnungbik ah thangṭhat siseh,” tiah an ti.

MARKA 3:35

Zeitintiah Pathian duhnâk a tuahmi pauh cu, ka nau le, ka far le, ka nu le an si,” tiah a ti.

MATTHAI 16:28

Biataktein kan chimh hna, hika i a dirmi hna lakah hin, Mi Fapa a pennâk i a rat an hmuh hlan lo thihnâk a tep lo ding an um,” tiah a ti hna.

MARKA 11:10

Bawipa min in a rami kan pa David pennâk cu thluachuah si ko seh, cungnungbik ah khin Hosana! tiah an au.

BIAPHUAN 11:15

Cuticun vanmi pasarihnâk nih a hun tum: Cun van ah khin aw thang ngaiin, “Hi vawlei siangpahrang pennâk hna cu kan Bawipa le a Krih pennâk ah â cang, zungzal in zungzal tiangin a uk lai,” tiah a au;

BIAPHUAN 20:4

Cun bawiṭhutdan kha ka hmuh hna i a cungah mi an ṭhu, an sinah biaceihnâk kha an pêk. Pathian bia le Jesuh biahngaltu an si ruangah le sahrang le a lem a bia lo i ankut le ancal ah chinchiahnâk a co lo ruangah anlu an tanmi hna thlarau kha ka hmuh hna. Cu hna cu an hung nung i Krih he kum 1000 chung an uk hna.

SALM 2:6

“Asinain ka tlângthiang Zion ah ka Siangpahrang kha ka chiah cang.”

HEBRU 1:14

An dihlak in rianṭuantu thlarau, khamhnâk ro a co hngami zohkhenhtu ah thlah an si lo maw?

KOLOSE 1:13

Amah nih khuamui nawlngeihnâk chungin a kan chuahter i a dawtmi Fapa pennâk chungah a kan luhpi;

LUKA 19:11

Cubia cu an ngaih lio ah, Jerusalem khua a naih cang caah le Pathian Pennâk kha tlung cawlh ding i an ruah ruangah tahchunhnâk dang a chimh hna.

LAMKALTU 22:14

Anih nih, ‘Kan pupa hna Pathian nih a duhnâk hngaltu ding le mifel cu hmu in a chimmi theitu dingah an thim.